Marki 16:12 - U TIENU MAAMA TILI 2013

¹² Li yaa puoli, Jesu go den doagidi o yuli nani nitoa yeni, o ŋoadikaaba siiga nibilie po, ke bi ye u sanu nni ki caa i kuani po.

Gourmanchéma Bible

¹² Lani yaa puoli Jesu go den doagidi o yuli nani nitoa yeni o ŋoadikaaba siiga niba lie po, ke bi ye u sanu nni ki caa i kuani po.

Marki 16:12 ပူးပေါင်းရင်းမြစ်များ

Marki 16:14

Li yaa puoli, Jesu go den doagidi o yuli bi piiga n niyendiba po, ban di yaa yogunu. O den jaligi ba bi dandanluoma leni bi pajuaga kuli po, kelima baa daani yaaba n laa o, ki waani ke o fii bi tinkpiba siiga maama.

Luki 9:29

Wan den jaandi yaa yogunu, o nunga den lebidi, o tiayiekaadi moko den lebidi ki pendi hali ki ñuliti.

Jan n diani U Tienu Laabaaliŋamo maama 21:1

Lani n pendi, Jesu go den doagidi o yuli o ŋoadikaaba po ke bi ye Tiberiadi ñincianma jaali po. Line n tie wan den doagidi o yuli bi po maama:

Jan n diani U Tienu Laabaaliŋamo maama 21:14

Lani n den tie mi taataama, hali Jesu n den fii bi tinkpiba siiga ki doagidi o yuli o ŋoadikaaba po.

Jesu Tondiba Tuona 1:3

O fala puoli, o den doagidi o yuli bi po, ki waani ba yaa bonla n yabi ki tie siedi ke laa pia niama ke o go fo. Hali dana piinaa, o den doagidi o yuli bi po ke bi laa o, ke o yen maadi leni ba U Tienu diema maama.