Marki 16:1 - U TIENU MAAMA TILI 2013

¹ U Tienu fuodima daali n den pendi, Mariyama, Magidala dogu yua, Jaki naa Mariyama leni Salome den daa yaa kpama n pia u nuulumanu ki baa gedi ki ban sogi Jesu o tinkpilo.

Gourmanchéma Bible

¹ Mi *fuodima daali n den pendi, Magidala yua Maliyama, leni Jaka naa Maliyama, leni Salome den da yaa kpama n pia u nuulimanu ki baa gedi ki ban sogi Jesu o kpiemo.

Marki 16:1 ပူးပေါင်းရင်းမြစ်များ

Mi cilima 50:2

O den puogi o lotolinba ke ban ŋanbi o baa o tinkpilo ke wan da bedi. Lotolinba den ŋanbi Jakob yeni.

2 Bi Badiba Jama 16:14

Bi den piini o wan den teni ke bi gbiidi yaa takula siiga yenli nni, Davidi dogu nni. Bi den duani o ban den bogini yaa duanu leni a dugibila leni tulale po. Yua n den bogini u duanu leni a dugibila yeni den tie yua n bani o tuonli bonŋanla. Bi go den juu o po mi sinma, ke li yabi hali boncianla.

Marki 14:3

Jesu den ye Betani o gbaado Simon deni. Wan den kaa ki di, o pua den cua ki kubi yaa tiagu n tie alibati tanli, ke ku gbie leni yaa tulale n yi naari, ke o dunga yabi hali boncianla. O den jobidi ku tiagu yeni ki wuli laa tulale Jesu yuli po.

Marki 14:8

O pua na tieni n po wan paani maama. Wan wuli n po tulale yeni, o tuodi ki bogini n gbanandi mi piinma po yo.

Marki 15:40

Bi puoba moko den se foagima ki diidi. Li den pia bi siiga Mariyama, Magidala dogu yua leni Mariyama yua n tie Jaki, o jawaalo leni Jose naa leni Salome.

Marki 15:42

Landaali den tie li boginli daali, lani n tie Jufinba n yen bogini yaala kuli mi fuodima daali po. Lani yaa po, ku yenjuagu,

Marki 15:47

Mariyama, Magidala dogu yua leni Jose naa Mariyama den diidi ban duani Jesu o tinkpilo naankani.

Marki 16:2

A daleleeda cilima daali ku tiŋaapanpangu bi den gedi li takuli po u yienu pudima yogunu.

Marki 16:8

I jeje leni ki yanlidiga den cuo ba ke bi digibi, ki ñani li takuli nni ki sani. Baa den yedi niloba liba, kelima ti jawaandi po. [

Luki 23:54

Landaali den tie U Tienu fuodima daali boginli. Li den sua ke mi fuodima daali cilima yogunu bua ki pundi.

Luki 23:56

Lani, bi den guani bi denpo ki bogini yaa tibidi n pia u nuulumanu leni tulale. Mi fuodima daali bi den fuodi, nani li bali maama n bili maama.

Luki 24:1

Aŋada daali, ku tiŋaapanpangu, bi puoba yeni den taa ban tuodi ki bogini yaa tibidi ke ti pia u nuulumanu yeni, ki guani ki gedi li takuli po.

Jan n diani U Tienu Laabaaliŋamo maama 19:25

Jesu naa, o naa waalo, Kilopa pua Mariyama leni Mariyama, Magidala dogu yua den se ki nagi Jesu dapoanpoanli.

Jan n diani U Tienu Laabaaliŋamo maama 19:31

Li sua ke li tie li boginli daali, ke li baa fii ki faa ki yaa tie U Tienu fuodima daali, yaali n gagidi ki tie jaancianma. Jufinba naa den bua a tinkpila n yaa ye a dapoanpoana po landaali. Lani, bi den mia Pilati wan teni ban kuakua yaaba n ye a dapoanpoana po taana, ki ñani ba likani.