Marki 12:9 - U TIENU MAAMA TILI 2013

⁹ Lani, Jesu den buali: «O koadaano baa tieni lede? O baa guani ki cua ki bolini bi koaguudiba, ki teni o kuanu nitoaba.

Gourmanchéma Bible

⁹ Lani Jesu den buali ki yedi: «To, o koadaano baa tieni lede? O baa goa ki cua ki bolini bi koaguudiba, ki teni o kuanu nitoaba.

Marki 12:9 ပူးပေါင်းရင်းမြစ်များ

Esayi 29:17

Ne leni yogunu waamu, Liban fuali baa lebidi ki tua tiidi kuanu. I tiidi kuanu yeni mo n lebidi ki tua fuali.

Esayi 65:15

Yi baa kpe, N nigandikaaba n yaa taagi yi yela ki solini ki tua: ‹Li Miali Diedo U Tienu n teni ŋan kpe.› Ama o baa pa o naacenba wani yetoali.

Jeremi 17:3

Yinba Juda diema yaaba, n baa teni ban fagi Yi piama leni yi ŋalimano kuli, Kelima yin tieni yaa tuonbiadi Mi diema nni kuli po. Bi baa fie ki taani leni yi juana po padibinbina kuli.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Matie 12:45

Lanwani, ki baa gedi ki ban taa cicibiadimulele, yaamu n bia ki cie kani kiba, mun yegi ki ban kua li niinni ki yaa ye. Laa nilo yeyuankaama baa yaa bia ki cie mi kpiama. Li baa tua yeni moala ne niba yaaba n bia po.»

Matie 21:34

Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala.

Matie 21:43

Lani yaa po, n waani yi, bi baa gaa yi kani U Tienu diema, ki teni yaa nibuolu n baa yaa baadi mi po li bonluonkaala. [

Matie 22:7

O bado pali den beni boncianla, ke o soani o toatieba ke bi kpa laa nikpaba kuli, ki juu bi dogu.

Marki 12:10

Naani yii cogi i Diani nni yaa maama n tie ne? Bi tanmaaba n den yie ki luni yaa tanli, Tua li tanpuukaali.

Marki 12:8

Lani, bi den cuo o, ki kpa o ki luni o u kuanu puoli.»

Luki 19:27

N yibalinba mo, bani yaaba n kaa den bua nni leni li bali yeni, cuani ba mani ki kpa ba n nintuali.› »

LOMA YAABA 10:20

Esayi den pia li papaali ki cie ki yedi: «Yaaba n kaa lingi nni, bani n laa nni, N den doagidi n yuli Bani yaaba n kaa lingi nni po.»

Josue 23:15

To, nani o Diedo yi Tienu n den niani yi yaa ñoanianŋami kuli n kua maama, wan maadi yi po yaa mabiadima kuli moko baa tieni yene. O baa bolini yi cain, yi siiga oba kan sieni wan puni yi yaa dieŋanma ne niinni.