Marki 11:18 - U TIENU MAAMA TILI 2013

¹⁸ Bi kopadicianba yudanba leni li bali maama banda n den gbadi lani, bi den kpaagi ban baa tieni maama ki bolini o, ama bi den jie o, kelima o bangima den paki ku niligu kuli.

Gourmanchéma Bible

¹⁸ Bi kopadicianba yudanba leni li *bali maama bangikaaba n den gbadi lani, bi den kpaagi ban baa tieni maama ki bolini o, ama bi den jie o, kelima o bangima den paki ku niligu kuli.

Marki 11:18 ပူးပေါင်းရင်းမြစ်များ

1 Bi Badiba 21:20

Akabi den yedi Elia: «N yibali, a laa nni yo?» Elia den guani ki yedi o: «N laa ŋa kelima a puni a yuli ki tiendi yaala n bia o Diedo po.

1 Bi Badiba 22:18

Lanwani, Isidayeli diema bado den yedi Josafati: «Mii bi yedi a? Waa pua n po saawaliŋamo, se saawalibiado bebe.»

1 Bi Badiba 22:8

Isidayeli diema bado den guani ki yedi Josafati: «Niyendo go ye tin baa fidi ki mia yua wan buali ti po o Diedo, ama n nani o kelima waa pua n po saawaliŋamo, se saawalibiado. Lani n tie Yimila bijua Mise.» Josafati den yedi o: «Da maadi yeni!»

Esayi 49:7

O Diedo Isidayeli Tienu Yua n Gagidi ki ŋani, Bi daafaabika yedi: «Ban fali yua, I nibuoli kuli n nua ke yua n joagini, Ki tie bi tugutondanba yonbo, Bi badiba baa le o ki fii ki sedi, Bi badijaba mo yaa laa o, Bi baa gbaani ki pugi o, Kelima o Diedo yua n tie dugika po, Leni wani Isidayeli Tienu yua n Gagidi Ki ŋani ki gandi o po.»

Matie 21:15

Ama bi kopadicianba yudanba leni li bali maama banda n den laa wan tieni yaa bonlidinkaala yeni, ki gbadi ke a bila kpaani U Tienu diegu nni ki tua: «Davidi Bijua n baa ti pagidi, Davidi bijua n baa ti pagidi,» bi pala den beni boncianla.

Matie 7:28

Jesu n den maadi laa maama kuli ki gbeni, ku niligu den ye leni li pakili kelima o bangima po.

Marki 1:22

O bangima den paki ba, kelima o den bangi leni li bali, waa den bangi nani li bali maama banda yeni ka.

Marki 11:32

Ti yaa yedi: ‹Bi nisaaliba yaa kane,› hei...» Yeni mo bi den jie bi niba, kelima bi niba kuli den nua ke Jan tie saawalipualo moamoane.

Marki 12:12

Jufinba nikpiaga den bandi ke Jesu pua mi kpanjama yeni ki maadi leni bane. Bi den moandi ki baa cuo o, ama bi den jie ku niligu, ki fii o kani ki ban caa.

Marki 3:6

Lanyogunu, Farisieninba den ñani ki ban taani leni o bado Herodi buakaaba, ki juogi ban baa tieni maama ki teni ban kpa Jesu.

Marki 6:20

kelima wani Herodi den fangi Jan, ki kubi o ke liba n da tieni o, kelima o den bani ke Jan tie yaa nilo n tiegi ki go tie nigagidiŋamo. O yaa den gba Jan tundi yaa yogunu, o yama yen lengidi, ama ba yeni o den cengi o maama leni li pamanli.

Luki 19:47

Daali kuli Jesu den bangi bi niba U Tienu diegu nni. Bi kopadicianba yudanba, li bali maama banda leni bi yudanba den lingi ki baa kpa o.

Luki 2:47

Li den paki yaaba n gba o maama kuli kelima o yanfuoma leni o maguankaama po.

Luki 20:19

Lanyogunu liga bi kopadicianba yudanba leni li bali maama banda den moandi ki baa cuo Jesu, kelima bi den bandi ke o pua mi kpanjama yeni ki bagi bane, die bi den jie bi niba.

Luki 4:22

Bikuli den tiendi o po siedi ki pagi o leni wan maadi yaa maŋanma, ki nua o leni li pakili. Bi den tua: «Laa tie Josefi bijua ka?»

Jan n diani U Tienu Laabaaliŋamo maama 7:1

Lani n pendi, Jesu den goadi Galile nni. Waa go den bua ki yaa goadi Jude nni, kelima Jufinba den lingi ki bua ki kpa o.

Jan n diani U Tienu Laabaaliŋamo maama 7:19

Musa n den soagini yi po li bali maama. Bi yeni ka? Ama yi siiga nni, ba niyendo naa tiendi man bili yaala. Be yaa po ke yi lingi ki bua ki kpa nni?»

Jan n diani U Tienu Laabaaliŋamo maama 7:46

Bi jiidikaaba den guani ki yedi ba: «Niloba kuli daa maadi nani laa joa n maadi maama.»

Jesu Tondiba Tuona 24:25

Ama Poli n den maadi mi teginma, li yukubili leni U Tienu buudi yaadi n baa ti cua yaa maama yeni, ti jawaandi den cuo Felikisi ke o yedi o: «Moala po, a baa fidi ki ña. N yaa go ti baa li lenli, n baa yini a.»