Marki 10:45 - U TIENU MAAMA TILI 2013

⁴⁵ O Joa Bijua naa cua ke bi niba n yaa tuuni o po ka, ama o cua ki baa yaa tuuni nitoaba po, ki pa o miali, ki daa ki faabi niba boncianla.»

Gourmanchéma Bible

⁴⁵ Kelima o Ja Bijua, naa cua ke ban yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Marki 10:45 ပူးပေါင်းရင်းမြစ်များ

Danieli 9:24

Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Marki 10:44

Yua mo n bua ki tua yi liiga yua kuli, wan tua yuakuli yonbo.

Jan n diani U Tienu Laabaaliŋamo maama 10:15

nani n Baa n bani nni ke nmo bani o maama yeni. N puni n miali n pe po.

Jan n diani U Tienu Laabaaliŋamo maama 13:14

To, mini yua n tie yi Daano leni yi Canbaa n nigidi yi taana yeni, li pundi ke yimo n yaa nigidi yiyaba taana.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

2 Korenti 8:9

Yi bani ti Diedo Jesu Kilisiti ŋanbili, wani yua n den tie piado den tua luodo kelima yi yaa po, ke o luoma yeni teni ke yimo n baa lan kandi.

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 5:8

Ba ke o tie U Tienu Bijua, o den bandi mi tuoma U Tienu po n tie yaala, kelima wan laa yaa fala po.

1 Pieri 1:19

Ama, o den daa ki faabi yi leni Kilisiti yaa soama, yaama n pia mayuli hali boncianla, ki tie nani ban padi yaa pebiga n ki pia poadoba kuli yaama maama yeni.