Marki 10:24 - U TIENU MAAMA TILI 2013

²⁴ Li den paki o ŋoadikaaba. Lani, Jesu go den yedi ba: «N bila, U Tienu diema nni kuama pa boncianla.

Gourmanchéma Bible

²⁴ Li den paki o ŋoadikaaba. Lani Jesu go den yedi ba: «N bila, U Tienu diema nni kuama pa boncianla.

Marki 10:24 ပူးပေါင်းရင်းမြစ်များ

Pisomi 17:14

O Diedo, deli ki ñani ba ŋanduna ne niinni, Lani n tie bi biinu yaa jamaano n tie ne niinni. Guoni ba leni ŋan sieni ba yaala, Ki teni bi bila mo n je la ki guo, Ki sieni la bi yaabila po.

Pisomi 52:7

Lani yaa po, U Tienu baa bolini a Yaa yogunu kuli po. O baa guli a ki dadi ki ñani a A gbandieli nni. O baa ñani a bi nifuodiba tinga nni.

Pisomi 62:10

Bi nisaaliba tie fawaama bebe. A nikpiaga leni taliginba kuli tie faama bebe. Li bonbiigikaala nni, bi baa yugi Kelima bi faali ki cie mi fawaama.

Mi Kpanjama 11:28

Yua n dugi o piama po baa ŋmadi ki baa, Ama bi niteginkaaba baa bundi nani ti faadi yene.

Mi Kpanjama 18:11

O piado piama tie nani yaa dogu N pia u paalu yeni, O yama po o nua ke puu kan nandi o Laa kaanpaalu kani.

Mi Kpanjama 23:5

Naani a nudi a nuni ki baa le mi piame? Pu kuli ki go ye kelima mi baa pa i fiabi, Ki yugi nani jiebani yeni ki kua ti tawadi nni.

Jeremi 9:23

Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

Habakuki 2:9

Fala n baa yi! Yi fenli nitoaba piama Ki tendi yi diedi yaaba ke bi tua piada. Yi maa a diena yibali n kan fidi ki nandi yi naani, Ki bua fala n da nandi yi.

Sofoni 1:18

O Diedo pabienli daali, Bi ŋanjilifa leni bi wula kan fidi ki faabi ba. O Diedo pabienli mu baa buoni ki tinga kuli, Li baa yaa bia hali boncianla. O baa bolini ki tinga niba kuli.»

Matie 19:25

Bi ŋoadikaaba n den gbadi lani, li den paki ba boncianla ke bi yedi: «Li yaa tie yeni, ŋme nan baa fidi ki faabi?»

Marki 1:27

Li den paki yaaba n ye likani kuli, ke bi buali biyaba: «Line tie be? Li tie bangipanma. O maadi leni li bali ki tendi ke ba mu cicibiadimu tiendi wan yedi yaala.»

Marki 10:23

Jesu den diidi ki lindi o ŋoadikaaba ki yedi ba: «Li pa hali boncianla a piada n baa ki kua U Tienu diema nni.»

Luki 16:14

Farisieninba yaaba n den bua i ligi ke li kandi, den gbadi lani kuli ki ñuadi Jesu.

Jan n diani U Tienu Laabaaliŋamo maama 13:33

N bibuadimu, n go baa yaa ye leni yi yogunu waamu bebe po. Yi baa lingi nni, ama n wangi yinba moko moala, nani min den waani Jufinba maama, ke yi kan fidi ki gedi min caa naankani.

Jan n diani U Tienu Laabaaliŋamo maama 21:5

Jesu den buali ba: «N bila, naani yi pia i jami?» Bi den guani ki yedi o: «Aa-a.»

Jan n diani U Tienu Laabaaliŋamo maama 6:60

O ŋoadikaaba siiga boncianla n den gbadi laa maama, bi den yedi: «Mi naa maama pa, ŋme n baa fidi ki gaa ma?»

Galati 4:19

N bila, n go baa ki laadi yi po yaa fala n tie nani u maditugukoanu hali yin baa baa Kilisiti tagu yi niinni.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

1 Jan 2:1

N bibuadimu, n diani yi po yaala n tie ne ke yin da tieni tuonbiadi. Yi siiga nilo yaa tieni tuonbiadi, ti pia o candanbaalo ti Baa U Tienu kani. Lani n tie Jesu Kilisiti o niteginka.

1 Jan 4:4

N bibuadimu, yi tie U Tienu yaaba. Yi paadi bi saawalipua-faadanba, kelima yua n ye yi niinni pia u paalu ki cie yua n ye ŋanduna nni.

1 Jan 5:21

N bibuadimu, fangi mani yi yula leni i buli.

Mi Doagidima 3:17

A tua: ‹N tie piado ki pia ke li dagidi ki naa luo puu.› Ama ŋaa bani ke a tie fala daano, ninñinnilo, luodo, juamo, ki go ye mubima.