Marki 10:14 - U TIENU MAAMA TILI 2013

¹⁴ Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima U Tienu diema tie yaaba n tie nani a biwaala ne po yo.

Gourmanchéma Bible

¹⁴ Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima *U Tienu diema tie yaaba n tie nani a biwaala ne po yo.

Marki 10:14 ပူးပေါင်းရင်းမြစ်များ

Mi cilima 17:7

N baa kuani o ŋantaado mini leni fini siiga leni a puoliŋuani siiga, nifiima kuli nni. Li baa yaa tie yaa ŋantaado n kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.

Pisomi 78:4

Ti kan wuoni bi bila laa bonla. Ti baa togidi yaa nifiima n ŋua O Diedo kpiagidi, o paalu Leni wan tieni yaa bancianma.

Esayi 65:23

Bi kan go yaa faligidi bi yula fanma fanma. Bi kan go bandi maakuuga, Kelima bi baa yaa tie o Diedo n seligi Yaa niba yaa puoliŋuani, Bi bila mo n yaa ye leni ba.

Mi Coadima 14:31

Yi yaabila, yaaba yaa po, ke yi yedi: Bi baa tua bonjekaala. N baa teni bane n kua, ki bandi yin den fali yaa diema yeni.

Matie 18:10

Fangi mani yi yula ki da fali a bonwaala na siiga ba yendo, kelima n yedi yi ke tanpoli po, bi malekinba ye Baa yua n ye tanpoli nintuali yogunu kuli. [

Matie 18:4

Yua n miini o yuli ki tua nani yaa biwaaga n tie ne kuli, wani n baa yaa tugi li yuli tanpoli diema nni.

Matie 19:14

Ama Jesu den yedi: «Cedi mani a biwaala n cua n kani ki da deli ba, kelima tanpoli diema tie yaaba n tie nani a biwaala yene yaa po.»

Matie 5:10

Li pamanli ye leni ban wangi yaaba fala kelima mi teginma po, kelima tanpoli diema tie bi yaame.

Matie 5:3

«Li pamanli ye leni yaaba n tie luoda bi pala nni, kelima tanpoli diema tie bi yaame.

Marki 3:5

Jesu pali den biidi boncianla, kelima bi pajuaga po. O den diidi bikuli leni li pabienli, ki yedi o joa yeni: «Tandi a nuu!» O den tandi o nuu ke u paagi.

Marki 8:33

Ama Jesu den jigidi ki diidi yaa ŋoadikaaba n sieni, ki funi leni Pieli ki yedi: «Ña n puoli, Sutaani, kelima a yantiana naa tie U Tienu ya, ama bi nisaaliba yaa yantiana.»

Jan n diani U Tienu Laabaaliŋamo maama 3:3

Jesu den guani ki yedi o: «N yedi a i moamoani, o nilo yàá mali milie, o kan fidi ki le U Tienu diema.»

Jan n diani U Tienu Laabaaliŋamo maama 3:5

Jesu den guani ki yedi o: «N yedi a i moamoani, o nilo yàá mali mi ñima leni U Tienu Fuoma Yua po, o kan kua U Tienu diema nni.

Jesu Tondiba Tuona 2:39

U Tienu ñoanianu yeni tie yinba leni yi bila yaa po, ki go tie yaaba n ye hali foagima yaa po, o Diedo ti Tienu n baa yini yaaba kuli.»

Jesu Tondiba Tuona 3:25

U Tienu n den teni ke o saawalipuaba maadi yaa maama yeni tie yinba yaa po yo. Wan go den kuani yaa ŋantaado leni ti yaajanba moko tie yinba yaa po. O ŋantaado yeni tie wan den kuani yua leni Abalahama ki yedi o: ‹Ŋanduna nibuoli kuli baa baa li seli kelima a puoliŋuani po.›

LOMA YAABA 11:16

A yaa buuni ti yonbudi ki yidi waamu ki puni U Tienu nani li bonluonkakpiala yeni, yaadi n sieni moko gagidi U Tienu po. Bu tibu jiinu yaa gagidi U Tienu po, bu beni moko gagidi o po.

LOMA YAABA 11:28

A yaa kpaagi Isidayeli buolu n yie o Laabaaliŋamo maama, bi tie U Tienu yibalinba yinba bi nilanba ŋamu po. Ama a yaa kpaagi U Tienu gandima po, bi tie U Tienu buakaaba, kelima bi yaajanba po.

1 Korenti 14:20

N kpiiba, da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni, yin yaa tie nikpela.

1 Korenti 7:14

Yaa joa n ki daani baa mi gagidiŋanma kelima o pua po. Yaa pua n ki daani mo baa mi gagidiŋanma kelima o calo po. Lani yaa ka, yi bila bi baa yaa joagini. Ama lani n tie maama yeni, bi gagidi ki ŋani.

Efesa 4:26

Yi pala yaa fii, yin da tieni tuonbiadi, ki da tuo u yienu n kua ke yi pala daa kuugi.

Mi Tiadima 4:37

O den bua yi baanba. Lani n teni ke bi puoli, o gandi bi puoliŋuani, ki cua wani o ba, ki ñani yi Ejipiti nni leni o paalu.

2 Timote 1:5

N go tuondi U Tienu kelima n tiadi a dandanmoanli po. N bani cain, ke a naa Yunisa leni a yaa Lowisa n den kpa pia yaa dandanli, fini moko pia laa dandanle.

2 Timote 3:15

Hali a biwaama nni a bani i Diani. I baa fidi ki pa ŋa mi yanfuoma, yaama n baa ciani a mi tindima nni, kelima a daani Jesu Kilisiti.

Josue 8:35

Josue den cogi bi po Musa n den bili yaa ñoamabonbilikaana kuli. Waa den ŋaa ba mayenma kaa cogi ma Isidayeli yaaba nitaanli, bi jaba, bi puoba, a bila leni yaa nilanba n den ye bi siiga kuli po.

1 Pieri 2:2

Nani a canpanda n bua mi biima maama, yimo n yaa bua yaa naaŋanma n tie U Tienu maama yeni. Laa maama ŋani cain, ki baa teni yin kpedi mi tindima nni, kelima mi yaa po,

Mi Doagidima 14:5

Faamiba kuli ki den ye bi ñoana nni, baa pia ban baa fidi ki kuli ba leni yaala.

1 Samueli 1:11

O den niani li nianli ki yedi: «Li Miali Diedo U Paaciamu Kuli Daano, a yaa tuo ki diidi mini a yonbo fala, ki tiadi kaa sundi mini a yonbo po, ki puni mini a yonbo bonjaga, n baa guani ki pa o fini o Diedo hali o miali dana nni kuli. Pengu kan maani o yuli po.»

1 Samueli 1:22

Ama Anna wani ki den gedi. O den yedi o calo: «N yaa babidi ki biga, n baa gedini o wan ban sedi o Diedo nintuali, ki ji yaa ye lankani hali yaa yogunu kuli.»