Marki 1:7 - U TIENU MAAMA TILI 2013

⁷ O den wangi yaa maama n tie ne: «Toa ŋua n puoli ki pia u paalu ki cie nni. Mii pundi ba yua n baa gbaani ki lodi o cacaadi.

Gourmanchéma Bible

⁷ O den wangi yaa maama n tie na: «Toa ŋua n puoli ki pia u paalu ki cie nni. Mii pundi baa yua n baa gbaani ki loti o cacaadi.

Marki 1:7 ပူးပေါင်းရင်းမြစ်များ

Matie 3:11

Mini n batisi yi mi ñima nni, ke lan doagidi ke yi lebidi yi pala. Ama yua n ŋua n puoli pia u paalu ki cie nni. Mii pundi ba yua n baa pidi o cacaadi. Wani, o baa batisi yi U Tienu Fuoma Yua leni u mu nni.

Matie 3:14

Ama Jan den bua ki yie ki yedi: «Li bi pundi fine n batisi nni, ke a mo nan cua mini yaa kani?»

Marki 1:6

Jan den la ti yuoyuokobidi tiadi, ki ñaagi ku gbanñagidigu, ki di i naaci leni ku muagu nni siadi.

Marki 1:8

Mini, n batisi yi leni mi ñima, ama wani n baa batisi yi leni U Tienu Fuoma Yua.»

Luki 3:16

O den yedi bikuli: «Mini n batisi yi leni mi ñima, ama yua n pia u paalu ki cie nni baa cua, mii pundi ba yua n baa lodi o cacaagbansiama. Wani, o baa batisi yi leni U Tienu Fuoma Yua leni u mu.

Jan n diani U Tienu Laabaaliŋamo maama 1:27

Mii pundi ba yua n baa lodi o cacaagbansiama.»

Jesu Tondiba Tuona 13:25

Jan tuonli n den yoa mi gbenma, o den yedi: ‹Mii tie yin tama yua ka, diidi ki le mani, o baa cua n puoli. Mii pundi ba yua n baa lodi o cacaagbansiama.›

Jesu Tondiba Tuona 19:4

Poli den yedi: «Jan den batisi yaaba n lebidi bi pala, ki go yedi ban tuo ki daani yua n baa yuandi ki cua o puoli, lani n tie Jesu.»

1 Samueli 25:41

Abigayili den fii ki labini tiipo ki yedi: «Diidi, n baa tua n daano naacemo ki yaa ŋuudi o naacenba taana.»