Malaki 3:17 - U TIENU MAAMA TILI 2013

¹⁷ Li Miali Diedo U Paaciamu Kuli Daano yedi: «Min baa doagidi n paalu yaa daali, laa niba kuli baa tua n yaa niba, ki yaa tie mini n ba cele yaa niba. N baa gbadi bi po mi ninñima, nani o nilo n gba o bijua yua n tuuni o po ninñima maama.

Gourmanchéma Bible

¹⁷ Li Miali Diedo, U Paaciamu Kuli Daano yedi: «Min baa doagidi n paalu yaa daali, Laa niba kuli baa tua n yaa niba, Bi baa yaa tie mini nba cele yaa niba. N baa gbadi bipo mi niñima, Nani o nilo n gba mi niñima maama O bijua yua n tuuni opo yeni.

Malaki 3:17 ပူးပေါင်းရင်းမြစ်များ

Nehemi 13:22

N go den bili ke Levi buolu n ŋanbi bi baa, ki cua ki yaa guu a buliñoana, ki gagidi ki ŋanbi U Tienu fuodima daali. «N Tienu, ŋan tiadi n po kelima laa bonla po, ki kubi nni kelima a ninñingbadicianma po.»

Pisomi 115:13

O baa seligi bani yaaba n fangi o, Li taliginba leni li paatieba kuli.

Pisomi 135:4

O Diedo gandi o yuli po Jakob, Ki teni ke o puoliŋuani Isidayeli yaaba Tua wan die yaaba.

Mi Ñama 19:5

Moala, yi yaa cengi nni, ki go kubi n ŋantaado, yi baa yaa tie n niba i nibuoli kuli siiga, kelima mini n die ki tinga kuli.

Mi Ñama 32:32

Moala, n mia ŋan tieni bi po bi tuonbiadi sugili, yeni yaa ka, ŋan duuni ki ñani n yeli ŋan diani li yaa tili nni.»

I Yani 2:16

Mini n die n buado, n buado mo n die nni. O kpaa o yangoli mi puuma siiga.

Esayi 4:2

Landaali, o Diedo baa teni li benkpeli N toa ki tua pagidi leni kpiagidi, Mi diema bonluonkaala mo N tua jigidi leni ŋamu, Isidayeli yaaba, yaaba n ciadi po.

Esayi 43:1

O Diedo yua n tagi Isidayeli yaaba, wani yua n tie bani Jakob puoliŋuani yeni yedi yaa maama n tie ne: «Da jie mani liba, Kelima n daa ki faabi yi. N den taa yi yela ki yini yi. Yi tie min die yaaba.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Jeremi 31:20

Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Esekieli 16:8

Li yaa puoli, n den tagini ki diidi a, ki sua ke a beni ki dagidi, ki pundi jafaano. N den tandi a po n kpalibu ki doagini a mubima. N den poli leni a, ki niani a n ñoanianu ki danli leni a, ke a den tua n yua. Mini o Diedo, U Tienu n yedi yeni.

Sofoni 2:2

Tieni mani yeni, Hali ki daa tua nani u faalu N figi ki yadi yaa muafenma yeni. Tieni mani yeni, Hali ke o Diedo pabienli, Yaali n nani u mu yeni Daa nandi yi, Hali ke o pali n baa fii yi po Yaa daali yeni daa pundi.

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Malaki 1:6

Li Miali Diedo U Paaciamu Kuli Daano yedi: «Ki biga jigindi o baa, O naacemo mo kpiagidi o canbaa. N yaa tie yi Baa, min pundi ki baa yaa jigidi yeni ye le? N yaa tie yi Canbaa, min pundi ki baa yaa kpiagidi yeni ye le? Yinba bi kopadicianba n fali n yeli ki nan tua: ‹Ti fali a yeli lede?›

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa yaa ye naankani, n bua bani moko n yaa ye lankane. Lani n tie ban yaa nua n kpiagidi, ŋan puni nni yaadi, kelima a den bua nni hali ke ŋanduna daa tagi.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

1 Korenti 15:23

Ama yuakuli o kaanu, Kilisiti o kpialo, li yaa puoli, wan cua yaa yogunu, yaaba n tie o yaaba baa fii.

1 Korenti 6:20

Moamoani o daa yi leni yaa dunga n pa. Lanwani, yin yaa kpiagidi U Tienu yi gbanandi nni.

2 Korenti 6:18

N baa yaa tie yi po yi Baa, Yinba mo baa yaa tie n bonjala leni n bonpola. O Diedo U Paaciamu Kuli Daano n yedi yeni.»

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Mi Tiadima 14:2

Yi tie yaa nibuolu n gagidi ki ŋani o Diedo yi Tienu po. Yinbe ke o Diedo yi Tienu den gandi, ki tinga nibuoli kuli siiga, ke yin tua wan die yaaba.

Mi Tiadima 7:6

Yi baa tieni yeni, kelima yi tie yaa nibuolu n gagidi ki ŋani o Diedo yi Tienu po. O Diedo yi Tienu gandi yi, ke yin tua i nibuoli siiga, o yaa nibuoliceli mi tinfanma nni.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.