Malaki 3:10 - U TIENU MAAMA TILI 2013

¹⁰ Lanwani, yaa kpendinni mani yi diim kuli n ŋalimandiegu nni, ke li bonjekaala n yaa ye n diegu nni. Tieni mani yeni ki biigi nni yogunu kuli, ki le n yaa kan luodi yi po tanpoli bona, ki teni li seli n jiidi yi po hali ki yabidi ki kandi. Li Miali Diedo U Paaciamu Kuli Daano n yedi yeni.

Gourmanchéma Bible

¹⁰ Lanwani, yaa kpendinni mani yi dim kuli n ŋalimani diegu nni, Ke mi jiema n yaa ye n diegu nni. Tieni mani yeni ki biigi nni yogunu kuli, Ki le n yaa kan luodi yipo tanpoli bona, Ki teni a sela n jiidi yipo hali ki yabidi ki kandi. Li Miali Diedo, U Paaciamu Kuli Daano n yedi yeni.

Malaki 3:10 ပူးပေါင်းရင်းမြစ်များ

Mi cilima 28:22

Min sieni yaa tanli ke li tua bontiadikaala yeni baa tua U Tienu diegu. N go baa pa ŋa diim ŋan puni nni yaala kuli siiga.»

Mi cilima 7:11

Li den tie Nowe binkobiluobidili, cilie piiga n daleleeli. Laa daali lige ke u kulu ñinbuna den pudi boncianla, tanpoli bona kuli mo den luodi.

2 Bi Badiba 7:19

Bi toatieba yudaano yeni den guani ki yedi o: «Ba o Diedo yaa luodi tanpoli bona, laa bonla baa tieni?» Lane Elise mo den yedi o: «A baa le la leni a nuni, ama a nan kan je la.»

2 Bi Badiba 7:2

Bi toatieba yudaano, o bado n den dugi yua yaa po yeni den guani ki yedi U Tienu nilo: «Ba o Diedo yaa luodi tanpoli bona, laa bonla baa tieni?» Elise den guani ki yedi o: «A baa le la leni a nuni, ama a kan je la.»

1 Bi Badiba Jama 26:20

Levi buolu siiga, yendo ban yi yua Ahiya n den tie U Tienu diegu ŋalimano leni yaa bonla n gagidi yaa ŋalimano yaa kubido.

Nehemi 12:44

Landaali, bi den teni ke bi niba guu bu paabu, ki tinga bonluonkakpiala leni ban ñandi yaa diim n bili yaa diena nni. Bi den puogi ba ban yaa gaani ki biliti lienni li dobila kpaandi, li bali maama n bili ban yaa tendi bi kopadicianba leni Levi buolu yaaba yaala. Juda buolu pala den mani ke bi kopadicianba leni Levi buolu kubi bi tuonli,

Nehemi 12:47

Sorobabeli yogunu leni Nehemi yaa yogunu kuli, Isidayeli yaaba kuli den tendi bi yanyinba leni a buliñoaguuda bi biini daali kuli. Bi den tendi Levi buolu moko yaala n gagidi, ke bi mo tendi Alono yaabila bi kopadicianba bi yaa biinu.

Nehemi 13:5

wani Eliasibi den ŋanbi ki teni o diecianli, ban den kpa kuandi naani bu paabu, a dugibila, ti tiadi, ŋalikama, o duvenpaano leni mi kpama kuli yaa diim, ke li tie Levi buolu, bi yanyinba leni a buliñoaguuda po. Bi go den kuandi ban ñandi yaala bi kopadicianba po moko laa dieli nni.

Pisomi 37:3

Dugi o Diedo po, Ki yaa tiendi yaala n ŋani. Lani n tie ŋan yaa ye Mi diema nni leni mi yanduanma.

Pisomi 78:23

O den maadi leni tanpoli tawadi Ki luodi tanpoli buliñoana.

O Yanfuodaano 11:3

A tawala yaa gbie leni mi ñima, ki taaga yen mi ki tinga po. Tibu yaa baa ki tiegi nuganu bi nujienu, bun baa naani yeni, bu li baa yaa bili lankane.

Esekieli 34:26

N baa teni bani leni n juali lindima kuli n tua li seli bonla. N baa soani ki taaga ki yogunu kan tua seli taaga.

Esekieli 44:30

Yi baa yaa tendi bi kopadicianba, yi kpaandi bonluonkakpiala leni yin paadi ki bili yaala kuli n po. Yi baa yaa tendi ba yin yen kpa buuni yaa yoma, lani n tie min seligi yi diedi.

Ose Tili 2:21

Isidayeli yaaba, n baa yaa tie Yi togibaa yaa yogunu kuli po, N baa yaa tie yi togibaa, Ki yaa ŋua yaa bujiali n tiegi leni mi teginma. N baa yaa tie yi togibaa, Mi buama leni mi ninñingbadima nni.

Joeli 2:19

O guani ba ki yedi: ‹N go baa soani yi po ŋalikama, duvenpaano leni mi kpama. Yi baa baa likuli hali lan dagidi. N kan go cedi yin le i fe i nilanbuoli siiga.

Joeli 2:24

I jali baa gbie leni ŋalikama, Ti tadiciandi baa gbie leni o duvenpaano leni mi kpama.

Levi 26:10

Yi baa yaa di li bonkpelila, yi baa ñani li bonkpelila, ki lingi li bonpanla po u bilikaanu.

Levi 26:3

Yi yaa ŋua n mabilikaama, ki kubi n bali maama ki tiendi li kuli bonŋanla,

Levi 27:30

Ki tinga bonluonkaala diim kuli tie o Diedo yaala, lani n tie i kuani yaala, bi i kuani nni tiidi bonluonkaala kuli, li gagidi o Diedo po.

Age Tili 2:19

Naani ŋalikama go sieni a buabuana nni? Ba duven tiidi, i kankandi, Grenadi tiidi Leni olivie tiidi naa loni liba kuli. Ama, ki cili dinla ki ŋoadi yaa yogunu n kpendi, n baa seligi yi.»

Mi Coadima 18:21

Levi buolu panpaani u Kadikaanu Gbandieli tuonli po, baa yaa tie Isidayeli yaaba n kpendinni yaa diim.

Matie 6:33

Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po.

Mi Tiadima 12:6

Lankane, yi baa yaa kpendinni yi padijuukaana, yi pada, yi diim, yin ñani yi kpaandi nni yaala, yin niani yaa paabu, yi yantiapaabu, yi yanbidi leni yi yangbenga bontonkpiamu kuli.

Mi Tiadima 14:22

Binli kuli, yi baa ñani diim yi bonbulikaala leni yi kuani n baa luoni yaala kuli nni.

Mi Tiadima 14:29

Lani, Levi buolu yua yua n ki pia biinu bi faali yi siiga yeni, o caano bi ki kpienbiga leni li kpepuoli yaaba n ye leni yi yeni kuli, baa cua ki je ki guo. Lani n tie Li Miali Diedo yi Tienu n seligi yi, yi nii n baa soani yaa tuonli kuli nni.»

Mi Tiadima 28:12

O Diedo baa luodi yi po o ŋalimanŋamo, ki yaa tuuni yi diema po ki taaga ki yogunu, ki seligi yi nii tuona kuli. Nibuotoe n baa yaa kpendi ki ledi yi kani, yinba wani, yi kan ledi oba kuli kani.