Malaki 2:7 - U TIENU MAAMA TILI 2013

⁷ O kopadiciamo tuonli n tie ki bangi bi niba. Bi niba baa buali wane li bali maama, kelima wani n tie Li Miali Diedo U Paaciamu Kuli Daano tondo.

Gourmanchéma Bible

⁷ O kopadiciamo tuonli n tie ki bangi bi niba. Bi niba baa buali wane li bali maama. Kelima o kopadiciamo tie Li Miali Diedo U Paaciamu Kuli Daano tondo yo.

Malaki 2:7 ပူးပေါင်းရင်းမြစ်များ

2 Bi Badiba 16:11

O kopadiciamo den maa li padibinbinli ke li tie nani o bado Akasi n den ye Damasi, ki soani ke bi waani o maama. O kopadiciamo Uri den maa li hali ke o bado Akasi daa ñani Damasi ki kpeni.

2 Bi Badiba 16:16

O kopadiciamo Uri den tieni Akasi n den yedi o maama.

2 Bi Badiba Jama 30:22

Esekiasi den maadi ki paagi Levi yaaba pala, kelima bi yankuali o Diedo tuonli po, den yabi boncianla. Bi den padi mi taanyenma pada, ki di mi jaanjiema, ki kpiagidi o Diedo bi yaajanba Tienu.

2 Bi Badiba Jama 31:4

O bado den yedi ke yaaba n ye Jerusalemi n teni lan den bili ban teni yaala bi kopadicianba leni Levi yaaba, ke ban fidi ki sedi bonŋanla o Diedo bali maama nni.

Esidirasi 7:10

Li den tie yeni kelima Esidirasi den kuani o yama ki bangi o Diedo bali maama, ki go kubi ma ki tieni man yedi yaala, ki go bangi Isidayeli yaaba U Tienu bali maama yeni leni o ñoamabonbilikaana kuli.

Esidirasi 7:25

Fini Esidirasi mo, ŋan dini yaaba n baa yaa ja ti buciandi leni ti buwaadi Isidayeli yaaba po, bani yaaba n ye Efrati diema nintuali kuli, ki bani a Tienu bali maama. Ŋan dini ba nani U Tienu yanfuoma, yaama n ye a niinni n waani a maama. Yaaba n daa bani U Tienu bali maama mo, ŋan bangi ba.

Mi Kpanjama 5:2

Lanwani, n tundi baa todi a, Ŋan yaa bani ŋan maadi yaala.

O Yanfuodaano 5:5

Ŋan da tuo a ñoabu n kuani a tagili nni. Ŋan da ti yedi U Tienu tondo ke a bi tude. A yaa tieni la, U Tienu pali baa fii a maama yeni po, wan bolini a bontienkaala.

Esayi 42:19

Ŋme n joa, li yàá tie n naacemo yaa ka? Ŋme mo n womi nani n tondo, Min soani yua yeni? Ŋme n joa nani yua n baa mi yanduanma, Ki joa nani o Diedo naacemo yeni?

Esayi 44:26

N saagi o naacemo maama po i moamoani. N tonda n pua saawali yaali yaa po mo, N tiendi la. N yedi Jerusalemi dogu po: ‹U baa guani ki baa bi niba,› Ki go yedi Juda diema dogi mo: ‹Bi baa guani ki maa bi diebuona nni.›

Jeremi 15:19

Lani n teni ke o Diedo yedi daa: «A yaa guani n kani, N baa guani ki taa ŋa, Ŋan yaa tuuni n po. A yaa gagidi yaala n pia li mayuli leni yaala n ki pia, A baa yaa tie nani n ñoabu yeni. Lani, bani n baa guani a kani, Laa tie fini ka n guani bi kani.

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Jeremi 2:8

Bi kopadicianba naa buali: ‹O Diedo ye le?› Yaaba n kubi li bali maama ki bani nni, Bi gobidikaaba ki tegini n po, Bi saawalipuaba pua saawali O bulo Baali yaa yeli nni. Bikuli sani ki pugi i buli Yii n kan midi yanbu, Kaa pia fuomiba mo.

Esekieli 22:26

Laa dogu kopadicianba miidi n bali maama, ki fali min gagidi ki ŋanbi yaala. Bi naa tiendi gagidima yaala n gagidi ki ŋani leni yaala n joagini siiga. Baa bangi bi niba yaala n ŋani leni yaala n joagini paadima, baa go faami n fuodima dana po mo. Oba kuli mo ki go fangi nni, nani lan bi pundi ban yaa fangi nni maama.

Esekieli 7:26

Fala baa pendi, fala n cua. Laabaalibiado baa tuu laabaalibiado. Bi baa mia o saawalipualo li bonlekaala, O kopadiciamo mo kan go baa Wan baa bangi ba yaala, A nikpela mo kaa go pia bi po tundi.

Danieli 11:33

Bi siiga nni, yaaba n pia mi yanfuoma ki cie, baa todi bi niba boncianla bani mo n baa mi yanfuoma. Ama bi siiga, bi baa kpa bi nitianba leni mu jugisiemu, bi tianba leni u mu, ki gedini bine ti yonbidi, ki fie bi tianba mo yaa piama. Li baa yaa tie yeni hali danaba.

Ose Tili 4:6

N niba bodi kelima baa pia bandima. Nani yin yie kaa bandi nni yeni, Nmoko baa yie yi, ki ñani yi, Min den puogi yi yaa tuonli yaa niinni. Nani yin sundi yi Tienu bali maama po yeni, Nmoko baa sundi yi puoliŋuani po yene.

Levi 10:11

ki bangi Isidayeli yaaba o Diedo n den puogi Musa ke o bili yi po yaa bali maama kuli.»

Sofoni 3:4

U saawalipuaba tie japaadanba Leni jajanbidiniba. U kopadicianba joagini yaala n gagidi ki ŋani, Ki miidi o bali maama mo.

Age Tili 1:13

Li yaa puoli, U Tienu tondo Age den caa ba o Diedo tondu, yuu n tie ne: «N baa yaa ye leni yi, mini o Diedo n yedi yeni.»

Sakari 7:3

ki go buali Li Miali Diedo diegu kopadicianba leni bi saawalipuaba yaa buali n tie ne: «Naani cimuu ŋmaalo yaa ñani, ti go yen baa mua, ki go loli bu ñoabu, nani tin den tiendi maama hali yogu?»

Malaki 3:1

O Diedo U Paaciamu Kuli Daano n guani yi yaala tie line: «N baa soani n tondo, ke wan kua liiga ki ŋanbi n po u sanu. Lanyogunu, yin lingi o Diedo yua yeni baa ludi ki cua o diegu nni. Diidi, min den kuani leni yi yaa ŋantaado yeni tondo nne. Wani n kpendi yeni!» Li Miali Diedo U Paaciamu Kuli Daano n yedi yeni.

Mi Coadima 27:21

O yen baa cua o kopadiciamo Eleasari kani, wan diidi Urim ki buali nni ki bandi n yanbuama. Wani o ba, Isidayeli yaaba leni li nitaanli kuli baa tuo ki yaa tiendi Eleasari ñoamabona, ki yen ña wan yedi ban ña yaa yogunu, ki kua wan didi yedi ban kua yaa yogunu.»

Jan n diani U Tienu Laabaaliŋamo maama 13:20

N yedi yi i moamoani, yua n gaa n tondo cangu kuli, o gaa mini n ba yaa cangu yo. Yua n gaa n cangu mo, gaa yua n soani nni yaagu yo.»

Jan n diani U Tienu Laabaaliŋamo maama 20:21

Jesu go den yedi ba: «Mi yanduanma n yaa ye leni yi! Nani Baa n den soani nni maama, mini moko, n soani yi yene.»

Jesu Tondiba Tuona 16:17

O den cili ki ŋua Poli leni tikuli ki tangi: «Yaa jaba n tie ne tie U Tienu yua n ye hali tanpolijoma naacenba. Bi wangi yi U Tienu tindima sanu maama.»

2 Korenti 5:20

Lanwani, ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Guani ki mangi mani leni U Tienu.»

Galati 4:14

Ba ke n tadingu yeni den tie yi po mi biigima, yii den fali nni ki sengi nni. Yi den gaa n cangu nani n tie U Tienu maleki yeni, nani n tie Jesu Kilisiti yeni.

Mi Tiadima 21:5

Li yaa puoli, Levi buolu bi kopadicianba baa nagini, kelima o Diedo yi Tienu den gandi ba, ban yaa ye o yaa tuonli po, ki gaaliti o Diedo yeli nni. Bani n baa jia mafuugu, puadi bi poagilima buudi.

Mi Tiadima 24:8

Fangi mani yi yula leni mi gbaadima, ki kubi bonŋanla ki go tieni bi kopadicianba Levi buolu n bangi yi yaala kuli. Yi baa tieni ki go kubi min teni ba yaa ñoamabona yeni.

1 Tesaloniki 4:8

Lani yaa po, yua n yie laa tundi kuli, waa yie nisaalo ka, o yie U Tienu yua n puni yi o Fuoma Yua yo.

1 Samueli 2:17

Laa jawaaba den kuandi bi yula ti tuonbiaciandi nni o Diedo kani, kelima bi den fali ban padi yaa pada o Diedo po.