Malaki 2:6 - U TIENU MAAMA TILI 2013

⁶ Bi den bangi yaa bangima n tiegi, faama ki den ye bi ñoana nni. Bi den cuoni n nintuali leni mi yanduanma leni mi teginma, ki pegidi ki ñandi niba boncianla mi biadima sanu nni.

Gourmanchéma Bible

⁶ Bi den bangi yaa bangima n tiegi, Faama ki den ye bi ñoana nni. Bi den cuoni n nintuali leni mi yanduanma leni mi*teginma, Ki pegidi ki ñandi niba boncianla mi biadima sanu nni.

Malaki 2:6 ပူးပေါင်းရင်းမြစ်များ

Mi cilima 17:1

Abalama n den pia piiyia n binayia yaa yogunu, o Diedo den doagidi o kani ki yedi o: «N tie U Tienu U Paaciamu Daano. Ŋan yaa cuoni n nintuali leni li papienli.

Mi cilima 6:9

Diidi Nowe yaabila maama nne: Nowe den tie niteginka leni papiendaano laa yogunu niba kuli siiga. Nowe den cuoni leni U Tienu.

Pisomi 119:142

A teginma tie yaama n ki pia gbenma, A bali maama mo tie moamoani.

Pisomi 119:151

O Diedo, fini n nagi leni nni, A bali maama mo kuli tie moamoani.

Pisomi 37:30

O niteginka ñoabu maadi leni mi yanfuoma, O ñoabu mo wangi yaala n tiegi.

Pisomi 37:37

Yaa kpaagi o papiendaano, Ki yaa diidi yua n tiegi. Yua n lingi mi yanduanma, Yema baa faa ki yaa mani o po.

Mi Kpanjama 5:2

Lanwani, n tundi baa todi a, Ŋan yaa bani ŋan maadi yaala.

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋaa bi tagibiadu leni bi tuongunda.»

Danieli 12:3

Yaaba n pia mi yanfuoma baa yendi, nani tanpoli yenma yeni, bani yaaba n bangi yaa niba n yabi ke bi lebidi ki ŋoadi mi teginma, baa yendi nani a ŋmabila yeni hali yaa yogunu kuli.

Ose Tili 4:6

N niba bodi kelima baa pia bandima. Nani yin yie kaa bandi nni yeni, Nmoko baa yie yi, ki ñani yi, Min den puogi yi yaa tuonli yaa niinni. Nani yin sundi yi Tienu bali maama po yeni, Nmoko baa sundi yi puoliŋuani po yene.

Matie 22:16

Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Marki 12:14

Bi den cua ki yedi o: «Canbaa, ti bani ke a tie moamoandaano, ŋaa jie oba kuli, ŋaa gagidi oba kelima bi niba n nua ke o tie maama po, a bangi bi niba U Tienu sanŋoadima leni i moamoani mo. Naani li pia u sanu tin pa Loma badiciamo Sesari li lubili, bi laa pia? Tin pa, bi tin da pa yo?»

Luki 1:6

Bani nibilie yeni kuli den tiegi U Tienu nintuali. Bi den ŋua o Diedo bali maama leni o mabilikaama kuli cain kaa pia tagili.

Luki 20:21

Laa niba den buali o ki yedi: «Canbaa, ti bani ke ŋan maadi ki bangi yaala tiegi, ŋaa gagidi oba bi niba siiga, a bangi bi niba U Tienu sanŋoadima leni i moamoani.

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Mi Tiadima 33:10

Bi bangi a ñoamabona Jakob puoliŋuani, Isidayeli yaaba mo a bali maama. Bi juugi yaa dugibila yaa nuulu n mani a po, Ki juugi li padili mo kuli a padibinbinli po.

Mi Tiadima 33:8

Levi buolu po, o den yedi: «A den teni yua n tie nidugika Tumim leni Urim Ŋan den biigi yua Masa kani, Leni ŋan den funi leni yua Meriba ñima kani yeni.

Mi Tiadima 33:9

Bani Levi buolu, yaaba n den yedi bi baa leni bi naa: ‹Tii nua yi.› Bani yaaba n ki den gagidi bi kpiiba Kaa bani ba bi bila. Kelima Levi buolu kubi a maama Ki go kubi a ŋantaado mo.

Mi Doagidima 14:5

Faamiba kuli ki den ye bi ñoana nni, baa pia ban baa fidi ki kuli ba leni yaala.

1 Samueli 2:12

Eli bijaba den tie fanma, baa den bani o Diedo.