Malaki 2:12 - U TIENU MAAMA TILI 2013

¹² O Diedo n ñani Jakob puoliŋuani siiga, yaaba n tieni laa bonla, ki da go li tuo laa niba buolu n taani leni ti diema yaaba ki padi a pada Li Miali Diedo, U Paaciamu Kuli Daano po.

Gourmanchéma Bible

¹² Li Miali Diedo n ñani Jakobo puoliŋuani siiga, Yaaba n tieni laa bonla, Ki da go li tuo hali abada laa niba buolu n taani leni ti diema yaaba Ki padi pada paabu Li Miali Diedo, U Paaciamu Kuli Daano po.

Malaki 2:12 ပူးပေါင်းရင်းမြစ်များ

1 Bi Badiba Jama 25:8

Bi den toani tiatia li tuonli po ki naa gagidi a bila leni a nikpela, bi bangikaaba leni bi ŋoadikaaba siiga kuli.

Esayi 61:8

Mini Li Miali Diedo, n bua mi teginma, N nani bu subu leni mi biadima. N baa pa n niba bi tuona panpaani, Ki go kuani leni ba yaa ŋantaado n ki pia fidima.

Esayi 66:3

Ban padi i ne maama, Bi kodi bi nisaaliba mo yene. Ban padi i pe maama, Bi kpaani i sangbanli moko yene. Bi yaa cuani mi pienma padili, Li yen tie duosoama yo. Bi yaa cua ki juu tulale, Li yen tie ke bi bua ki kpiagi i buli yo. Yaa niba n ye ne, ŋua bi sancele, Ki mangidi bi pala bi cancagintuona po.

Esekieli 14:10

Laa saawalipualo leni yaa nilo n cua o kani kuli, tagili tie yenma. Bikuli go baa baa panpaanyende.

Esekieli 24:21

Ŋan yedi Isidayeli buolu ke mini o Diedo U Tienu yedi mi naa maama: Diidi, n baa joagini n kaangagidiŋamu, yuu n teni ke yi jigini yi yula, ki tie yi nuni pamanli leni yi dugidi yeni. Yi bijaba leni yi bisiaba, yin ŋaa yaaba Jerusalemi po yeni, ki jugisiega n baa kpa ba.

Ose Tili 9:12

Ba bi yaa baa ki wubi bitiama, N baa fie bi ciba ke bi daa pundi jaba. Bi baa le fala, min baa foagidi leni ba, Ki ŋaa ba yaa yogunu.

Levi 18:29

Yaa niba n tieni laa cagindi buoli siiga ba bonyenla, bi baa paadi ki ñani ba bi yaa niba siiga.

Levi 20:3

Mini mo baa buli n nunga laa nilo po, ki paadi ki ñani o o buolu nni, kelima o den padi o biga Moleki po. O joagini n kaangagidiŋamu, ki biidi n yeli yaali n gagidi ki ŋani.

Amosi 5:22

Yi yaa cuani yi padijuukaana leni yi paabu, Laa go pia yankualiba kuli. Mii go faami Yi taanyenma pada leni yi naatonbiwubida kuli po.

Sakari 12:7

O Diedo baa kpa faabi Juda diedi yaaba, yeni Davidi puoliŋuani leni Jerusalemi yaaba kan mangi bi pala, ki cie Juda yaaba, yaaba n sieni.

Malaki 1:10

Li Miali Diedo U Paaciamu Kuli Daano go yedi: «Li baa yaa ŋani ki cie yinba bi kopadicianba po, yi siiga nni yendo n luoni n diegu buliñoana, ke yin da go cuondi n padibinbinli po u mu fanma fanma. N pali ki mani yi po ba waamu. Mii go bua ki gaa yi nuu nni padiliba kuli mo.

Malaki 1:13

Yi go tua ke yi baga ki ye leni li padibinbinli tuonli kelima li pia li coagili. Li Miali Diedo U Paaciamu Kuli Daano yedi: ‹Yi kpendinni ti yansukaadi, yaadi n duugi leni ti yanyiandi, ki padi n po. Naani n baa gaa laa paabu yi kani?› O Diedo n yedi yeni.

Malaki 2:10

Naani tikuli ki pia baayendo ka? Naani U Tienyendu yeni ka tagi tikuli? Lanwani, be yaa po ke ti nan janbidi ti lieba, ki biidi U Tienu n kuani yaa ŋantaado leni ti yaajanba?

Mi Coadima 24:5

Yinba Jakob puoliŋuani, yi gbandiena ŋani hali bonŋanla! Yinba Isidayeli puoliŋuani, yi yekaani ŋani lede n ne!

Matie 15:14

Cedi ba mani! Bi tie yaa juama n dia a juama. Juamo yaa dadi juamo mo, bani nibilie kuli n baa baa ku buogu nni.»

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

1 Samueli 3:14

Li tie lani yaa po ke n poli Eli diegu po ki yedi, ke Eli diegu tuonbiaciandi kan baa sugili abada, baa a pada, bi wan baa pa nni yaa paabu kuli, kan teni ban baa sugili.»