Malaki 1:14 - U TIENU MAAMA TILI 2013

¹⁴ U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Gourmanchéma Bible

¹⁴ Ti solindi n yaa ŋua yua n pia o yankulu nni ki yantonga Ki niani ke o baa padi ga o Diedo po, Ama ki nan kandi ki ŋa kani ki taa yanyianga ki padi. Kelima n tie badiciamoe. Li Miali Diedo, U Paaciamu Kuli Daano n yedi yeni. I nibuoli kuli fangi nni.»

Malaki 1:14 ပူးပေါင်းရင်းမြစ်များ

Mi cilima 27:12

Daalinba n baa baa baali nni ki bandi ke n tie o tuofaadaano o nuni po, wan soli nni ki kan gaali nni ba waamu.»

2 Samueli 24:24

Ama o bado den yedi Aravina: «Aa-a, n bua ki daa li kuli ki pa ŋa li ligi. N kan pa o Diedo n Tienu min ki biani yaa pada po liba.» Lanwani, Davidi den daa u jalu leni i ne, ki teni ŋanjilifa kujapiena piimuu.

Pisomi 102:16

Lanwani, i nilanbuoli kuli Baa yaa fangi o Diedo, Ki tinga badiba kuli mo N yaa kpiagidi o.

Pisomi 47:2

Yinba i nilanbuoli kuli, Pua mani ti nupodi! Yiini mani ki pagi U Tienu!

Pisomi 47:3

Kelima o Diedo, Tanpoli Tienu pia i jeje, Wani n tie ki tinga kuli bado.

Pisomi 47:8

U Tienu n tie ki tinga kuli bado, Yiini mani ki pagi o leni bu yanmanbu.

Pisomi 48:2

O Diedo yabi, Li pundi tin pagi ti Tienu o dogu nni, O joagagidikaali po.

Pisomi 68:35

Kpaani mani ki doagidi Ke U Tienu n tie U paalu Daano! O kpiagidi yiini Isidayeli yaaba po, O paalu mo ye ti tawadi nni.

Pisomi 76:12

Niani mani o Diedo yi Tienu I ñoaniani, ki go kuani yi. Yaa niba n gaani ki lindi o kuli N cuani bu paabu U Tienu yua n pia i jeje po.

Pisomi 95:3

Li Miali Diedo tie yaa Tienu n yabi, Ki tie Badiciamo ki cie ban ŋua yaala kuli.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi, I nibuoli kan fidi ki sedi o pabiencianli nintuali.

Jeremi 46:18

O Badiciamo yedi: N ye, mini yua yaa yeli n tie: Li Miali Diedo U Paaciamu Kuli Daano, N ye nani Tabori, a juali kuli siiga, Ki se nani Karimeli juali mi ñincianma nni. N baa cua ki baa Ejipiti diema.

Jeremi 48:10

U Tienu n naali yua n tuuni O Diedo tuonli leni mi gbefema, Ki muni o jugisiega mi soama.»

Jeremi 48:15

Yua n baa bolini Moabi diema cua, Ki baa mi dogi. Moabi nipanba tua yankodikaadi. Yaa bado n yi Li Miali Diedo U Paaciamu Kuli Daano n yedi yeni.

Danieli 9:4

N den mia o Diedo n Tienu, ki tuo ki doagidi n buolu tuonbiadi, ki yedi o: «O Diedo, fini U Tienu yua n yabi, ki pia li fangili, fini yua n kubi ŋan den kuani yaa ŋantaado, ki ye leni yaaba n kubi a ñoamabonbilikaana, ki ŋanbidi yaaba n bua ŋa po.

Sofoni 2:11

O Diedo baa cie bi jigi, Kelima o baa bolini bi nisaaliba n jigini yaala kuli. Lani, ba yaa nibuoli n ye hali foagima baa gbaani Ki kpiagi o bi diema nni.

Sakari 14:9

Landaali, o Diedo baa yaa tie Ŋanduna kuli bado, Bi niba kuli baa yaa kpiagidi o, Bikuli baa yaa taagi o yeli.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Malaki 1:8

Naani yin yen cuani ki yanjuanga li padili po yeni, li tiegi? Naani yin yen cuani yaa yanga duugi, bi yanyianga yeni, li ŋani? Naani yi baa taa laa yanga ki ban pa guveneeri? Yi yaa tieni yeni, naani o baa gaa yi cangu leni ki nunmanga?

Malaki 2:1

Li Miali Diedo U Paaciamu Kuli Daano yedi: «Moala, yaa ñoamabonli n tie ne bili yinba bi kopadicianba po.

Malaki 3:9

Ti solindi ŋua yi kelima yi janbidi nni, yinba Isidayeli nibuoli kuli.

Matie 24:51

O baa teni ban pua o hali ki poagili o, ki gedini o, ki ban taani o leni palalie danba, a bubula leni mi ñincegima n baa yaa ye naankani.

Matie 5:35

ba leni ki tinga kelima ki tie o taaŋmaakaanu, ba leni Jerusalemi kelima li tie o badiciamo dogu.

Marki 14:8

O pua na tieni n po wan paani maama. Wan wuli n po tulale yeni, o tuodi ki bogini n gbanandi mi piinma po yo.

Luki 12:46

laa naacemo canbaa baa kpeni wan ki daani o yaa daali leni wan ki faami yaa yogunu. O baa teni ban waani o fala hali boncianla, ki gedini o ki ban taani leni yaaba n ki ŋua U Tienu.

2 Korenti 8:12

O nilo yaa pia li yankuali ki baa tieni mi todima, U Tienu baa gaa la ki nua o piama banlu, ki naa nua wan ki pia yaala.

Mi Tiadima 28:58

Yi yàá kubi ki go tiendi yaa bali maama n diani li naa tili nni kuli, yi yàá fangi Li Miali Diedo yi Tienu yeli yaali n pia ti kpiagidi, ki go pia i jeje,

1 Timote 6:15

Li yogunu yaa pundi, U Tienu baa teni o doagidima yeni n tieni, Wani U Tienu yua bebe n pia ti kpiagidi, Yua yaa bali n cie batoali kuli, Wani bi badiba kuli Badiciamo Leni bi diediba kuli yaa Diedo.

Hebilunba 12:29

kelima ti Tienu tie yaa mu n bolindi.

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Fini bebe n gagidi ki ŋani. I nibuoli kuli baa cua Ki labini a nintuali ki kpiagi a, Kelima a teginma doagidi.»

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»