Malaki 1:13 - U TIENU MAAMA TILI 2013

¹³ Yi go tua ke yi baga ki ye leni li padibinbinli tuonli kelima li pia li coagili. Li Miali Diedo U Paaciamu Kuli Daano yedi: ‹Yi kpendinni ti yansukaadi, yaadi n duugi leni ti yanyiandi, ki padi n po. Naani n baa gaa laa paabu yi kani?› O Diedo n yedi yeni.

Gourmanchéma Bible

¹³ Yi go tua ke li padibinbinli kani tuonli Pia li coagili, yi baga ki ye mo. Li Miali Diedo, U Paaciamu Kuli Daano yedi: ‹Yi kpendinni ti yansukaadi leni yaadi n duugi leni ti yanyiandi, Yi padi npo laa pada buolu yo. Naani n baa ga laa paabu yikani?› Li Miali Diedo n yedi yeni.

Malaki 1:13 ပူးပေါင်းရင်းမြစ်များ

2 Samueli 24:24

Ama o bado den yedi Aravina: «Aa-a, n bua ki daa li kuli ki pa ŋa li ligi. N kan pa o Diedo n Tienu min ki biani yaa pada po liba.» Lanwani, Davidi den daa u jalu leni i ne, ki teni ŋanjilifa kujapiena piimuu.

Esayi 1:12

Yi yaa cua n kani yaa yogunu, Ŋme n puogi yi yin ŋmaa n luolu po?

Esayi 57:6

Yi ŋalimano ye ku joaloangu tingbantana nne, Ke yi biinu mo ye a yaa kani. Li tie laa tana yaa po yo ke yi cabini a ñincaba, Ki padi yi pada. Naani n baa fidi ki baagi n yuli Laa bonla kuli po?

Esayi 61:8

Mini Li Miali Diedo, n bua mi teginma, N nani bu subu leni mi biadima. N baa pa n niba bi tuona panpaani, Ki go kuani leni ba yaa ŋantaado n ki pia fidima.

Esekieli 4:14

N den yedi: «Li Miali Diedo U Tienu, n daa dini kuli yaala n joagini. Hali n biwaama ki taa ki pundi hali dinla, mii ŋmani yankpienga, mii ŋmani bonfuodo n kpa yaa yanga, yaa nangu n joagini mo kuli daa kua n yaa ñoabu nni.»

Esekieli 44:31

Bi kopadicianba kan ŋmani yankpienga bi fuayanga n toadi toadi yaa yanga bi yaa nuano.

Ose Tili 13:9

Isidayeli yaaba, yaala n baa teni yin bodi, Tie ke yi yie nni, Mini yua n baa fidi ki gaa yi yeni.

Levi 22:8

O kan ŋmani yankpienga bi moayanga n toadi toadi yaa yanga. Lani n tie wan da ti joagini o baa leni ki yanga yeni. N tie Li Miali Diedo.

Levi 6:4

Li yaa puoli, wan landi o tiadi yeni ki la tiatoadi, ki taa mi fantanpienma yeni ki ñani li nagili niini, ki ban lu ma yaa kaanu n gagidi.

Amosi 8:5

Yi tua: «O ŋmapaano jaanma daali baa pendi u laa yogune, Ke tin baa ki kuadi ti ŋalikama? Mi fuodima daali baa gbeni u laa yogune, Ke tin baa ki luodi ti buabuana? Ti baa wadi ku tiabiigikaagu. Ti baa pugini ki dunga. Ti baa ŋmiagi li bonbiigikaala, ki yaa janbidi bi niba.

Mise 6:3

O yedi: ‹N niba, n tieni yi be? N coagi yi leni be? Waani nni mani!

Malaki 1:10

Li Miali Diedo U Paaciamu Kuli Daano go yedi: «Li baa yaa ŋani ki cie yinba bi kopadicianba po, yi siiga nni yendo n luoni n diegu buliñoana, ke yin da go cuondi n padibinbinli po u mu fanma fanma. N pali ki mani yi po ba waamu. Mii go bua ki gaa yi nuu nni padiliba kuli mo.

Malaki 2:12

O Diedo n ñani Jakob puoliŋuani siiga, yaaba n tieni laa bonla, ki da go li tuo laa niba buolu n taani leni ti diema yaaba ki padi a pada Li Miali Diedo, U Paaciamu Kuli Daano po.

Malaki 2:13

Bontoala go ye ke yi tiendi la. Yi mua ki ñiidi, hali ke yi nunsiidi milini U Tienu padibinbinli, kelima waa go nua ki faadi yi pada, kaa go tuo ki gaani liba kuli yi nuu nni mo.

Matie 6:16

Yi yaa luo bu ñoabu yaa yogunu, da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni.

Matie 6:5

Yi yaa jaandi, yin da tie nani palalie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni.

Mi Tiadima 15:21

Li yaa tie ke laa yanga pia poadi, ki yaa diani, ki yaa joa, bi mo ki yaa pia poadoba, yi kan padi ka o Diedo yi Tienu po.

1 Samueli 2:29

Be yaa po ke yi fali ki ŋmaadi min bili ke bi padi n po yaa pada, min bili ke ban yaa kpendinni yaa paabu kuli n dieli nni? Be yaa po ke a fangi a bila ki cie mini, ki ñandi n niba Isidayeli yaaba n padi n po yaa pada siiga yaala n ŋani ki cie, ki wubi yi yula leni lani?