Malaki 1:11 - U TIENU MAAMA TILI 2013

¹¹ Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Gourmanchéma Bible

¹¹ Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

Malaki 1:11 ပူးပေါင်းရင်းမြစ်များ

1 Bi Badiba Jama 16:25

Kelima Li Miali Diedo yabi, ki pundi ki baa ti pagidi, O pia i jeje ki cie bonla kuli.

Pisomi 111:9

O den soani mi faabima o niba po, Wan kuani leni yaaba yaa ŋantaado n ki pia fidima. O yeli gagidi ki ŋani ki go pia i jeje.

Pisomi 113:3

O Diedo yeli n baa ti pagidi, Ki cili u yienu n pudi naanpo Ki yaa caa hali wun koa naanpo.

Pisomi 138:5

I nibuoli kuli n yiini o Diedo sani nni, Ki yedi: «O Diedo kpiagidi yabi!»

Pisomi 141:2

N jaandi n do ki pundi a kani, Nani a dugibila muñii yeni, N nii yii n yuugi mo tua yenjuapadili a po.

Pisomi 45:17

A bijaba baa gaa a baanba kaanu, Ŋan kaani ba ban tua badijaba Mi diema nni kuli.

Pisomi 48:10

U Tienu, ti baa ki tiani a ŋanbili po, A diegu tugu nni.

Pisomi 48:11

U Tienu, nani a yeli n ñani maama, A pagidi moko pundi hali u tinbianu yene. A jienu kuli gbie leni mi teginma.

Pisomi 50:1

Asafi yani siiga yanbu. U Tienu, U Tienu, Li Miali Diedo maadi, Ki yini ki taani ki tinga niba kuli, Ki cili u yienu n pudi naani, Hali wun baali naanpo.

Pisomi 65:9

Yaaba n kaa u tinbianu po, Ye leni i jeje kelima a sinankeeninba po. A teni ke puoli leni nintuali kuli Kpaani leni li pamanli.

Pisomi 67:2

U Tienu n yaa gba ti po mi ninñima, Ki yaa seligidi ti. Wan teni o nunga n yendi ti po. Joma

Pisomi 86:9

O Diedo, ŋan tagi yaa nibuoli kuli baa cua, Ki gbaani ki pugi a ki kpiagi a yeli.

Pisomi 96:8

Kpiagi mani o Diedo yeli! Cua mani ki kua o luoli nni leni bu paabu!

Esayi 12:4

Landaali yi baa yedi: «Pagi mani o Diedo, mia mani o todima. Teni mani bi niba n bandi O bancianma i nibuoli siiga, Kpaani mani ki waani bi niba O yeli n yabi maama.

Esayi 12:5

Yiini mani o Diedo kpiagidi, Kelima o tieni yaa bonla n ŋani Ki pia mi ñuadima. Teni mani ki tinga n bandi laa bonla kuli.»

Esayi 19:21

Li Miali Diedo baa yaa tie Ejipiti n bani yua. Ejipiti yaaba baa bandi Li Miali Diedo, lanyogunu bi baa kpiagi o, ki padi o po a pada, ki go pa o bu paabu. Bi baa niani Li Miali Diedo i ñoaniani, ki go kuani ban niani yaa ñoaniani.

Esayi 30:27

Diidi, o Diedo ñani hali foagima ki kpendi, O pali beni hali boncianla. Li tie yaa bonla n bia hali boncianla, O ñoacuuna doagidi o pabienli, O lanbu mo tie nani yaa mu n buondi yeni.

Esayi 45:6

N bua ban bandi ki cili u yienu N pudi naani, ki yaa caa hali Wun baali naankani, Ke mini yaa ka, tiento ki ye. N tie Li Miali Diedo, toa ki ye.

Esayi 54:5

Kelima a tagido n tua a calo. O yeli yi Li Miali Diedo U Paaciamu Kuli Daano. A daafaabika n tie Isidayeli Tienu Yua n Gagidi ki ŋani. O yeli n tie: “Ki tinga kuli Tienu.”

Esayi 59:19

Lani, nintuali yaaba baa yaa fangi o Diedo, O kpiagidi mo baa doagidi, U yienu n pudi naanpo yaaba po. Yibali yaa puubi ki cua nani u kpenu yeni, O Diedo Fuoma baa deli o.

Esayi 66:18

Mini, n bani bi tuona leni bi yantiana. U yogunu pundi ke min taani i nibuoli Leni i mabuoli kuli, ban cua ki le n kpiagidi.

Jeremi 10:6

Oba kuli ki naani leni a, o Diedo A yabi, a yeli moko yabi ki go pia u paalu.

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua, Kelima i nibuoli yanfuodanba kuli siiga, Mi diema buoli kuli siiga, Oba kuli kan niagi leni a.

Jeremi 4:2

A yaa poli hali Li Miali Diedo yua n fo po, Ke li tie moamoani, papienli leni teginma nni, Lanwani, i nilanbuoli baa yaa gaaliti biyaba o yaa yeli nni, Ki go diidi wane ki jigini bi yula.»

Danieli 2:45

Ŋan den laa yaa tanli, ke li ñani li juali po ke nisaalo nuu ki lugidi li, ke li pua ki mudi mudi ti kuboandi, ti kudi, ku yoagu, ŋanjilifa leni wula yeni, waani lane. U Tienu yua n die u paalu kuli, waani a yaala n baa ti faa ki cua yo. Ti dangidi yeni waani moamoani, tama mo kuli ki ye ti bundima nni.»

Amosi 9:12

Davidi puoliŋuani go baa diedi Edomi yaaba, yaaba n sieni leni i nilanbuoli kuli, Ban den kpa diedi yaaba, ki yedi ke bani moko tie n yaa nibe. O Diedo, yua n baa teni lani kuli n tieni ki dudi, n yedi yeni.»

Mise 5:4

Wani n baa cuani mi yanduanma. Asiiri yaaba yaa cua ti diema nni, Ki kua hali ti dieŋama nni, Ti baa teni yudanba boncianla n fii ki sedi bi po.

Sofoni 2:11

O Diedo baa cie bi jigi, Kelima o baa bolini bi nisaaliba n jigini yaala kuli. Lani, ba yaa nibuoli n ye hali foagima baa gbaani Ki kpiagi o bi diema nni.

Sofoni 3:9

O Diedo go yedi: «Lani, n baa lebidi i nilanbuoli niba maama Ki teni man tua maŋanma. Bi baa yaa ŋua mini Li Miali Diedo bebe Ki kpiagidi nni leni payenli.

Sakari 8:7

N baa faabi n niba yaaba n ye ti yonbidi, Puoli leni nintuali diema nni.

Malaki 1:14

U nufanu n pua yua n pia o yankulu nni ki yantonga, ki niani ke o baa padi ka o Diedo po, ama ki nan kandi ki ŋaa kani ki taa ki yanyianga ki padi. Bandi mani ke mini Li Miali Diedo U Paaciamu Kuli Daano tie Badiciamoe. I nibuoli kuli fangi n yeli.»

Malaki 3:3

O baa kali u maafanu nni nani yua duadi ŋanjilifa yeni. O baa ŋanbi Levi puoliŋuani, ki ñani bi po bi joagindi, nani ban ñandi wula leni ŋanjilifa Joagindi maama yeni. Yeni, bi go baa fidi ki padi yaa pada n tiegi o Diedo po.

Matie 28:19

Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Matie 8:11

N waani yi i moamoani ke bi niba boncianla baa ña puoli leni nintuali kuli, ki cua ki taani ki kali leni Abalahama, Isaaka leni Jakob, u saajekaanu kani tanpoli diema nni.

Luki 1:10

Ban den juugi a dugibila yaa yogunu, U Tienu niba nitaanli kuli den ye niini ki jaandi.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

2 Tesaloniki 1:12

Yeni ti Diedo Jesu yeli baa baa ti kpiagidi yi siiga, ke yimo n baa ti kpiagidi kelima o po, nani ti Tienu leni ti Diedo Jesu Kilisiti ŋanbili n tie maama.

1 Timote 2:8

Lani yaa po, n bua ke bi jaba n yaa jaandi i kaani kuli, ki yugidi yaa nii n ŋani cain, ki naa pia pabienli leni niamiba kuli.

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Fini bebe n gagidi ki ŋani. I nibuoli kuli baa cua Ki labini a nintuali ki kpiagi a, Kelima a teginma doagidi.»

Mi Doagidima 5:8

Wan den gaa li tili, a bonfuodinaada leni bi piilie n nikpenaadiba den gbaani wani ki Pebiga nintuali. Bi siiga yuakuli den muubi ku gogidigu leni wula tadibuomu ke mu gbie leni a dugibila, yaala n tie bi nigagidiŋanba jaandi.