Luki 9:22 - U TIENU MAAMA TILI 2013

²² O go den yedi ke li tie tiladi o Joa Bijua n le fala boncianla, ke Jufinba nikpela, bi kopadicianba yudanba leni li bali maama banda n yie o, ki kpa o. Ama ke li dataali daali o baa fii bi tinkpiba siiga.

Gourmanchéma Bible

²² O go den yedi ke li tie tiladi o *Ja Bijua n le fala boncianla, ke Jufinba *nikpeliba leni bi kopadicianba yudanba leni li *balimaama bangikaaba n yie o, ki kpa o. Ama ke li dataali daali o baa fii bi tinkpiba siiga.

Luki 9:22 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Matie 17:12

Ama n waani yi ke baa moala Eli cua, die bi niba naa bandi o, ki cuo o ki soani o ban bua maama. O Joa Bijua moko baa le fala yene bi nuu nni.»

Matie 17:22

Jesu leni o ŋoadikaaba n den taa ki ye Galile nni, o den yedi ba: «Bi niba baa janbi o Joa Bijua, ki teni o bi nisaaliba.

Matie 27:63

ki yedi o: «Ti daano, ti tiadi ke laa boandi daano n da den fo yaa yogunu, o den yedi ke danataa yaa pendi, ke o baa fii bi tinkpiba siiga.

Marki 8:31

Lanyogunu Jesu den bangi o ŋoadikaaba ke li tie tiladi o Joa Bijua n le fala boncianla, ke a nikpela leni bi kopadicianba yudanba leni li bali maama banda n yie o, ki teni ban kpa o. Ama o kuuma dataali po, o go baa fii bi tinkpiba siiga.

Marki 9:31

kelima o den bangi o ŋoadikaaba ki tua ba: «Bi niba baa janbi o Joa Bijua ki teni o bi nisaaliba. Bi baa kpa o. Ama o kuuma dataali, o go baa fii bi tinkpiba siiga.»

Luki 17:25

Hali ke li daa pundi, li tie tiladi wan le fala boncianla, moala ne niba mo n yie o.

Luki 24:26

Naani laa den tie tiladi ke U Tienu n Gandi Yua n le fala yeni, ki kua o kpiagidi kaanu?»

Luki 24:44

Lani, o den yedi ba: «Line n tie min da den ye leni yi ki wangi yi yaala, ke li tie tiladi ke yaala n diani ki bili n po Musa bali maama nni, bi saawalipuaba leni Pisomi tila nni kuli, n tieni ki dudi.»

Luki 24:7

o den yedi yi: ‹Li tie tiladi ban cuo o Joa Bijua ki teni ti o tuonbiadi danba, ban joani o li dapoanpoanli po. Ama li dataali daali, o baa fii bi tinkpiba siiga.› »

Luki 9:44

«Yinba, yin diadi mani yi tuba ki cengi mi naa maama bonŋanla: Bi niba baa janbi o Joa Bijua, ki cuo o ki mubini o bi nisaaliba nuu nni.»

1 Korenti 15:4

Bi den piini o, li dataali daali o den fii bi tinkpiba siiga, nani i Diani n yedi maama.

1 Pieri 1:11

Kilisiti Fuoma yaama n den ye bi niinni den tuodi ki waani ba Kilisiti n baa le yaa fala leni wan baa yuandi ki baa yaa kpiagidi. Bi den moandi ki bua ki bandi lani kuli n baa tieni yaa yogunu leni li yogunu n baa yaa tie maama.