Luki 8:8 - U TIENU MAAMA TILI 2013

⁸ I tiami mo den baa ki tinŋanga nni, ki kpedi ki loni bonbiyenbu kuli kobiga kobiga.» Jesu n den maadi lani kuli, o den kpaani: «Yua n pia a tuba ki baa gbadi, wan gbadi.»

Gourmanchéma Bible

⁸ I tiami mo den baa ki tinŋanga nni ki kpedi ki loni bonbiyenbu kuli kobiga kobiga.» Jesu n den maadi lankuli o den kpaani: «Yua n pia a tuba ki baa gbadi, wan gbadi.»

Luki 8:8 ပူးပေါင်းရင်းမြစ်များ

Mi cilima 26:12

Isaaka den coagi o kuanu laa diema nni. Laa binli o kuani den loni ke o baa hali taalima kobiga, kelima o Diedo den seligi o.

Mi Kpanjama 20:12

O Diedo tagi li tubili mi gbadima po, Ki tagi bu nunbu mo mi noanlima po.

Mi Kpanjama 8:1

Yii gba ke mi yanfuoma kpaani ki yi? Yii gba ke mi kpedi mi nialu?

Jeremi 13:15

Cengi mani, ki diadi yi tuba, Ki cedi mani ti japaadi! O Diedo n yedi yeni!

Jeremi 25:4

O Diedo soani yi kani o naacenba bi saawalipuaba ki naa cedi, ama yi naa cengi. Yii diadi yi tuba ki cengi mo.

Matie 11:15

Yua n pia a tuba ki baa gbadi, wan gbadi.

Matie 13:23

Yii n den baa ki tinŋanga nni mo, tie yua n gbadi U Tienu maama ki gaa ma. O luoni li bonluonkaala, bonbiyenbu loni kobiga, bune piiluoba, bune mo piitaa.»

Marki 4:20

Bi nitianba mo tie nani yaa bonbii n baa ki tinŋanga nni yeni. Bani n tie yaaba n gbadi U Tienu maama, ki gaa ma ki luoni. Bi nitianba loni bonbiyenbu piitaa taa, bi tianba piiluoba luoba, bi tianba mo kobiga kobiga.»

Marki 4:23

Yua n pia a tuba ki baa gbadi wan gbadi.»

Marki 4:8

I tiami mo den baa ki tinŋanga nni. Yi den pudi ki kpedi ki pugidi, ki loni. I tiami den loni bonbiyenbu piitaa taa, i tiami piiluoba luoba, i tiami mo kobiga kobiga.»

Marki 7:16

Yua n pia a tuba ki baa gbadi, wan gbadi.»

Luki 14:35

Maa pia mayuli ki tinga po, maa go pia mayuli ti bugidi po, kali ban lu ma bebe. Yua n pia a tuba ki baa gbadi, wan gbadi.»

Luki 8:15

Yaa bonbii n baa ki tinŋanga nni mo tie yaaba n gbadi U Tienu maama, ki gaa ma yaa pala n tiegi ki ŋani nni, ki kpaagi mi po ki kubi ma bonŋanla, ki juuni ki ban loni li bonluonkaala.

Luki 8:7

I tiami mo den baa ti konkondi nni. Ti konkondi den taani ki fii leni yi ki dini yi.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Mi Doagidima 13:9

Yua n pia a tuba, wan cengi yaa maama n tie ne.

Mi Doagidima 2:11

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, mi kuliedima kan nandi o.› »

Mi Doagidima 2:7

Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› »

Mi Doagidima 3:13

Yua n pia a tuba, wan cengi mi Fuoma n tua Kilisiti Nitaana yaala.› »

Mi Doagidima 3:6

Yua n pia a tuba, wan cengi mi Fuoma n tua Kilisiti Nitaana yaala.› »