Luki 8:24 - U TIENU MAAMA TILI 2013

²⁴ Bi den nagini ki fundi Jesu ki yedi o: «Canbaa, canbaa, ti bia.» O den fundi ki maadi leni ku faagu leni a ñinguona leni li bali, ke likuli duani suo.

Gourmanchéma Bible

²⁴ Bi den nagini ki fundi Jesu ki yedi o: «Canbaa, canbaa ti bia.» O den fundi ki maadi leni ku faagu leni a ñinguonpaala leni li bali ke likuli duani suo.

Luki 8:24 ပူးပေါင်းရင်းမြစ်များ

Pisomi 65:7

O pugini a juana fidu leni o paalu, Ki bobi ki se leni mi jama.

Esayi 50:2

Be yaa po yo ke min den cua, Mii laa oba kuli? Be yaa po yo ke min den yini, Ke niloba kuli ki den tuo? Naani n buagu koabi ki kandi, Ke n kan fidi ki faabi? Bi, mii pia yaa fidu n dagidi, Ki baa fidi ki faabi yo? N yen fu leni mi ñincianma man ñuudi, Mi kpeni mo n kpandi fanpienma, Mi jami mo n bedi kelima ñima ki ye po. U ñuñuunu mo baa bolini ba.

Jeremi 5:22

Mini o Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima N tie mi ñincianma banlu, Yaa banlu ke mi kan fidi ki kandi abada. Mi ñingola lengidi, ama ŋaa pia paalu. Mi duni, ama mi kan fidi ki kandi.

Nahumi 1:4

O fu leni mi ñincianma Ke mi ñuudi ki kuodi cain, Ki teni ke i kpeni mo ñuudi. O teni ke Basan leni Karimeli yankpaafuana kuodi, Ke Liban puuma mo mali.

Matie 14:30

Ama wan den sua ke ku faagu yabi, ti jawaandi den cuo o ke o cili ki baa mia. O den tiani ki yedi: «O Diedo, gaa nni!»

Matie 8:25

O ŋoadikaaba den nagini ki fundi o ki yedi: «Ti Daano, fii ki faabi ti, ke ti baa bodi.»

Marki 4:39

O den fundi ki maadi leni ku faagu leni li bali ki yedi: «Cedi fuugu!» O go den yedi mi ñincianma: «Suoni!» Ku faagu den cuo ki sedi ke likuli duani salam.

Luki 4:35

Jesu den funi leni ga, ki yedi: «Suoni ki ña o joa ne niinni.» Ki cicibiadiga den guli o joa yeni li nitaanli siiga ki ñani o niinni kaa tieni o bonbiadiliba kuli.

Luki 4:39

O den gedi o kani ki yini o po, ki funi leni ti gbananbiendi leni li bali, ke ti kagidi o po. Lanyogunu o den fii ki gaa bi cangu.

Luki 5:5

Simon den guani ki yedi o: «Canbaa, ti den dua ki tuuni ñiamungu kuli, tii baa puu, ama ŋan yedi yeni, n baa lu i taali.»

Luki 8:25

O den yedi o ŋoadikaaba: «Yi dandanli ye le?» Ti jawaandi leni li pakili den cuo ba, ke bi yedi biyaba: «One wani daa, o tie ŋme ki maadi ba ku tafaagu leni mi ñima ke likuli tuo ki tieni wan yedi yaala?»