Luki 8:2 - U TIENU MAAMA TILI 2013

² Bi piiga n niliediba den yegi leni o. Bi puotianba, mu cicibiadimu n den kpa ye yaaba yaa niinni leni yaaba n den pia yiantoe, ke Jesu paagi ba kuli, den cangi o. Bi siiga puoyendo den yi Mariyama, ki ñani Magidala, cicibiadimulele n den ñani yua yaa niinni.

Gourmanchéma Bible

² Bi piiga n niliediba den yegi leni o. Bi potianba, mu cicibiadimu n den kpa ye yaaba yaa niinni leni yaaba n den pia yiantoe ke Jesu paagi ba kuli, den cangi o. Bi siiga poyendo den yi Maliyama Magidala yua, cicibiadimu lele n den ñani yua yaa niinni.

Luki 8:2 ပူးပေါင်းရင်းမြစ်များ

Matie 4:24

O yeli den ñani Siiri diema nni kuli. Bi den cuani o kani i yianbuoli boncianla, mi yianfulima danba, mu cicibiadimu n die yaaba, mi bisinbilima danba leni ti gbanankpiendi danba kuli. O den paagi bikuli.

Marki 16:1

U Tienu fuodima daali n den pendi, Mariyama, Magidala dogu yua, Jaki naa Mariyama leni Salome den daa yaa kpama n pia u nuulumanu ki baa gedi ki ban sogi Jesu o tinkpilo.

Marki 16:9

Jesu n den fii bi tinkpiba siiga a daleleeda cilima daali tiŋaapanpangu, o den kpa doagidi o yuli Mariyama, Magidala dogu yua po, wan den ñani yua yaa niinni cicibiadimulele.

Luki 23:27

Niba boncianla den ŋua o. Bi siiga bi puoba den ye, ki pua bi bena ki mua Jesu po.

Luki 23:49

Yaaba n den bani Jesu kuli leni yaa puoba n den ciani o hali Galile, den se foagima ki nua yaala n tiendi.

Luki 23:55

Bi puoba, yaaba n den ñani Galile ki ciani Jesu yeni, den ŋoadi Josefi ki laa li takuli leni wan duani Jesu maama.

Luki 8:30

Jesu den buali o: «A yi lede?» O den guani ki yedi o: «Ti yabi!» O den yedi yeni kelima mu cicibiadimu boncianla ye o niinni.

Jan n diani U Tienu Laabaaliŋamo maama 19:25

Jesu naa, o naa waalo, Kilopa pua Mariyama leni Mariyama, Magidala dogu yua den se ki nagi Jesu dapoanpoanli.

Jesu Tondiba Tuona 1:14

Bikuli den pia yanyenma ki yen taandi ki jaandi kaa cedi, bani leni puotianba, Jesu naa Mariyama leni Jesu waamu.