Luki 8:13 - U TIENU MAAMA TILI 2013

¹³ Yaaba n tie nani ku tancaligu yeni tie yaaba n gbadi U Tienu maama, ki gaa ma lanyogunu leni li pamanli. Ama baa pia jiinmoani, bi daani u yogunu waamu bebe po, ama mi tulinma yaa cua yaa yogunu, se ban ŋaa li dandanli.

Gourmanchéma Bible

¹³ Yaaba n tie nani ki tancaliga yeni tie yaaba n gbadi mi maama ki ga ma lanyogunu leni li pamanli. Ama baa pia jiinmoani, bi daani u yogunu waamu bebe po ama mi tulinma yaa cua yaa yogunu, se ban ŋa li *dandanli.

Luki 8:13 ပူးပေါင်းရင်းမြစ်များ

Jobi 19:28

Yi yaa yedi: ‹Be n teni ke ti ŋua ki deli o?› Lanyogunu yo ke yi baa le ke n pia i moamoani.

Mi Kpanjama 12:12

Yua n ki daani U Tienu bua bi nibiadiba n su yaala. Ama bi niteginkaaba dugi bi tuonli panpaani po yo.

Mi Kpanjama 12:3

O nilo biadima kan pugini o paalu, Puu mo kuli kan guli bi niteginkaaba.

Esayi 58:2

Daali kuli bi lingi nni, Ki bua ki bandi n sani. Bi miadi nni yaa buudi n tiegi, Ki bua ki nagini U Tienu kani Nani yaa nibuolu n ŋua mi teginma yeni. Ama bi nan ŋaa U Tienu n bili bi po yaa bujiateginkaali.

Esekieli 33:32

Bi nua ke a tie bi po nani yaa yanyinlo yaa nialu n mani, ki go yegi leni yaa gogidimuanu n mani yene. Bi cengi a maama wani, ama bi naa kubi ma.

Ose Tili 6:4

Ama U Tienu guani ki yedi: «Yinba Efrayimi leni Juda buolu, N baa tieni yi be? Yi buama tie n po Nani mi tiŋaamanma yaama n yoagi tontoni yeni.

Marki 6:20

kelima wani Herodi den fangi Jan, ki kubi o ke liba n da tieni o, kelima o den bani ke Jan tie yaa nilo n tiegi ki go tie nigagidiŋamo. O yaa den gba Jan tundi yaa yogunu, o yama yen lengidi, ama ba yeni o den cengi o maama leni li pamanli.

Luki 8:12

Yaaba n tie nani u sankunu tinga yeni tie yaaba n gba U Tienu maama, ke Sutaani cua ki ñani ma bi pala nni, ke ban da daani ki baa mi tindima.

Luki 8:14

Yaa bonbii n baa ti konkondi nni tie yaaba n gbadi U Tienu maama, ama bi yaa suagi liiga, bi cedi ke bi yema yanyagidi, ŋalimani leni mi yemanma yankuali dini laa maama, ke bi bonluonkaala liba kuli ki beni.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u, wun yaa luoni ki pugidi.

Jan n diani U Tienu Laabaaliŋamo maama 15:6

Yua n kaa tuugi leni nni ki ye n niinni kuli, bi baa lu o niinpo nani ban luni u benu maama, ke u kuodi. Bi taagi yaa beni n kuodi ki lu u mu nni, ke i buodi.

Jan n diani U Tienu Laabaaliŋamo maama 5:35

Wani Jan n den tie yaa fidisanga n co ki yieni. Yi den tuo ki mangi yi pala o yenma nni u yogunu waamu.

1 Korenti 13:2

Ba n yaa bi baa mi mawangima paabu, Ki go bandi yaala n duagi kuli, Ki go baa mi bancianma kuli, Ba n yaa pia yaa dandanli N baa fidi ki fuadi a juana, N yàá pia mi buama, Mii tie puu.

1 Korenti 15:2

Yi tindi kelima o Laabaaliŋamo yeni po, li yaa tie ke yi kubi o nani min den waani yi maama. Yeni yaa ka yi dandanli moko tie fanma fanma.

Galati 3:1

Yinba Galati yaaba, bi yanluodanba, ŋme ŋmiagi yi yama? Yinba yaaba n den gbadi Jesu maama hali ke li naani ke yi den laa ban den joani o li dapoanpoanli po maama leni yi nuni.

Galati 3:4

Yin den laa yaa yema li dandanli nni, naani li den tie fanma fanma po yo? Laa tie fanma fanma po ka.

Efesa 3:17

ke Kilisiti n yaa ye yi pala nni kelima li dandanli po. N go mia o ke wan pa yi yin yaa pia i jiini leni li tanpuuli mi buama nni, ki se ke li pa.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 2:7

ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.

1 Tesaloniki 3:5

Nani min kan go den fidi ki juuni kaa laa yi maama po, n den soani Timote yi kani ke wan bandi yin se li dandanli nni maama. N den jie ke mi tulinma daano n da ti tulini yi, ki teni ti tuonli yi siiga n tua fanma.

1 Timote 1:19

Ŋan yaa kubi li dandanli leni yaa pali siedi n ŋani. Bi nitianba den ŋaa laa bonla ke bi dandanli bodi.

Hebilunba 10:39

Tinba wani, tii tie yaaba n guani puoli, ki baa yuandi ki bodi siiga nni yaaba ka. Ama ti tie yaaba n daani ti naani tindima po.

Jaki 2:26

Lanwani, nani yaa gbanandi n ki pia naano n kpe maama, yaa dandanli n ki pia tuona moko kpe yene.

2 Pieri 2:20

Li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa yaa bia ki cie bi cilima.

2 Pieri 2:22

Li tie bi po nani yaa kpanjama n tie ne n yedi yaala: «O sangbanlo guani ki dini o siindi.» Li go yedi: «Bi wali o duoñua ke o guani ki labini ti moamoadi nni.»

1 Jan 2:19

Kilisiti yiekaaba yeni ñani ti siiga, ama baa tie ti siiga yaaba, kelima bi yaa bi tie ti siiga yaaba, bi bi baa yaa ye leni ti. Ama ban ñani ti siiga yeni, doagidi ke bikuli naa tie ti yaaba.

Jude 1:12

Laa niba n go joagini yin taani leni yi kpiiba, ki di yaa jiema. Lankane bi yen di ki go ñu ke li pendi, kaa jie fe, ki nua bi yaa yula bebe. Bi tie nani u faalu n tudi yaa tawala n ki pia ñima yeni. Bi go tie nani li fali tiidi, yii n ki loni ba i yogunu, ama ki kpe ki kuodi cain, ke bi ŋabi yi yeni.