Luki 8:1 - U TIENU MAAMA TILI 2013

¹ Yaa dana n ŋua, Jesu den caa i dociami leni i dowaali nni kuli, ki kpaani ki wangi U Tienu diema Laabaaliŋamo.

Gourmanchéma Bible

¹ Yaa dana n ŋua Jesu den goagoadi i dociami leni i dowaali nni kuli, ki kpaani ki wangi *U Tienu diema Laabaaliŋamo.

Luki 8:1 ပူးပေါင်းရင်းမြစ်များ

Matie 11:1

Jesu n den tundi o piiga n ŋoadikaliediba laa tundi ki gbeni, o den fii lankani ki suagi liiga, ki baa n yaa bangi U Tienu maama ki wangi o Laabaaliŋamo yaa dogi n ye laa gaanilindima nni.

Matie 13:19

O nilo yaa cengi U Tienu diema maama, ki naa gaa man bua ki yedi yaala, o Biado n cua ki ñani ban pagi yaama o pali nni. Wani n tie yaa bonpagikaala n baa u sankunu.

Matie 4:23

Jesu den gaandi Galile diema nni kuli ki koa li bali maama bangima diena nni, ki bangi bi niba ki wangi ba U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Matie 9:35

Jesu den gaandi i dociami leni i dowaali nni kuli, ki bangi U Tienu maama li bali maama bangima diena nni, ki wangi U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Marki 1:39

O den goadi Galile diema nni kuli, ki koa li bali maama bangima diena nni, ki wangi U Tienu maama, ki go deli mu cicibiadimu, ki ñandi mu mun ye yaaba yaa niinni.

Luki 1:80

Ki biga yeni den kpedi ki go fandi bonŋanla, ki ye li fuali nni hali yaa daali ke o den ti doagidi o yuli Isidayeli yaaba po.

Luki 20:1

Dayenli Jesu den kaa ki bangi bi niba U Tienu diegu nni, ki wangi ba o Laabaaliŋamo. Bi kopadicianba yudanba, li bali maama banda leni a nikpela den cua o kani,

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi faabima, Ke min pa a juama mi nunnualima. O soani nni ke min yaa faabidi ban miabi yaaba,

Luki 9:6

Lani, bi ŋoadikaaba den fii ki gedi ki goadi i dowaali nni ki wangi o Laabaaliŋamo, ki paagidi a yiama i kaani kuli.

Jesu Tondiba Tuona 10:38

Yi go bani U Tienu n den teni ke o Fuoma Yua jiidi Jesu Nasareti yua po, ki gbie o niinni, ki puni o u paalu maama. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli, ki paagidi ba kelima U Tienu den ye leni o.

Jesu Tondiba Tuona 13:32

Tinba ti ba wangi yi laa Laabaaliŋamo. U Tienu n den niani ti yaajanba yaa ñoanianu, o kuani u tinba yaaba n tie bi puoliŋuani yeni po, ki fiini Jesu bi tinkpiba siiga. Li diani Pisomi tili nni, dianilie kani yaa maama n tie ne: ‹A tie n Bijua, Mini n mali a dinla.›

LOMA YAABA 10:15

Oba kuli yaa soani U Tienu mawangikaaba mo, bi baa gaa lede ki yaa wangi o maama? Nani lan diani maama: «Diidi mani bi cenli n ŋani maama, Bani yaaba n cua ki wangi o Laabaaliŋamo.»