Luki 5:26 - U TIENU MAAMA TILI 2013

²⁶ Li pakili leni li fangili den cuo bikuli, ke bi kpiagidi U Tienu ki tua biyaba: «Dinla ti laa yaala n pia ki lidiga.»

Gourmanchéma Bible

²⁶ Li pakili leni li fangili den cuo bikuli ke bi kpiagidi U Tienu ki tua biyaba: «Dinla ti laa yaala pia ki lidiga.»

Luki 5:26 ပူးပေါင်းရင်းမြစ်များ

Jeremi 33:9

U naa dogu baa tua n po pamanli leni jigidi bonla, ki tinga nibuoli kuli siiga. Laa nibuoli yaa gbadi min tieni bi po yaa ŋanma, li baa paki ba bi gbani n jeli, kelima mi yemanma leni min baa pa ba yaa baali kuli yaa po.»

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Matie 12:23

Li den lidini ku niligu kuli ke bi yedi: «One ki tie Davidi Bijua ka?»

Matie 28:8

Ba ke ti jawaandi den pia bi puoba yeni, bi pala den mani boncianla, ke bi jaligi ki ñani li takuli kani, ki sani ki baa n pa o ŋoadikaaba li laabaalo.

Matie 9:8

Ku niligu n den laa lani, ti jawaandi den cuo ba, ke bi kpiagi U Tienu leni wan puni bi nisaaliba laa paalu buolu.

Marki 2:12

O den fii ki taa o kaagu lanyogunu, ki ban ña ke bikuli nua. Li den paki bikuli ke bi kpiagidi U Tienu ki tua: «Ti daa bi laa yaa bonla n tie ne buolu.»

Luki 1:65

Ti jawaandi den cuo bi yieninlieba kuli. Yaaba n den ye Jude diema nni kuli den maadi laa bonla kuli bi siiga.

Luki 5:8

Simon Pieli n den laa lani, o den gbaani Jesu nintuali ki yedi: «N Daano, foagidi n kani kelima n tie tuonbiadi daano.»

Luki 7:16

Li fangicianli den cuo laa niba kuli, ke bi kpiagidi U Tienu ki tua: «O saawalipuaciamo fii ti siiga. U Tienu goandi o buolu.»

Luki 8:37

Lani, Gerasi yaaba leni u dobila yaaba kuli den taani ki mia Jesu, ke wan ña bi kani kelima ti jawaanciandi den cuo ba. Jesu den kua ku ñinbiagu nni ki baa guani ki duodi.

Jesu Tondiba Tuona 4:21

Bi cancantieba go den funi leni ba ki yuandi ki ŋaa ba. Baa den laa ban baa cuo ba yaala yaa po, kelima bi niba kuli den kpiagidi U Tienu, yaala n den tieni po.

Galati 1:24

Lane bi den pagi U Tienu kelima n po.