Luki 5:24 - U TIENU MAAMA TILI 2013

²⁴ N bua yin le ki bandi ke o Joa Bijua pia li bali ŋanduna nni, ki pa bi niba bi tuonbiadi sugili.» Lane o den yedi yua yaa gbanandi n kpe yeni: «N yedi a, fii ki taa a kaagu ki yaa kuni.»

Gourmanchéma Bible

²⁴ N bua yin le ki bandi ke o *Ja Bijua pia li bali ŋanduna nni ki pa bi niba bi tuonbiadi sugili.» Lane o den yedi yua yaa gbanandi n kpe: «N yedi a, fii ki taa a kaagu ki yaa kuni.»

Luki 5:24 ပူးပေါင်းရင်းမြစ်များ

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Danieli 7:13

N go den laa ku ñiagu bonlekaala yeni niinni, ke yua n naani leni o nisaalo ye ti tawadi po, ki kpendi ki tiegi o jakpelo yeni. Bi den ciani o ke o pundi o kani.

Matie 16:13

Jesu n den pundi Filipi diema yaa Sesare, o den buali o ŋoadikaaba yaa buali n tie ne: «Bi niba tua ke mini o Joa Bijua tie ŋme?»

Matie 25:31

O Joa Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yuu n pia ti kpiagidi po.

Matie 26:64

Jesu den guani ki yedi o: «Fini n yedi yeni. N go waani yikuli, moala liiga, yi baa ti le o Joa Bijua ke o kaa u Paaciamu Kuli Daano jienu po, ki go le o ke o ñani lankani ki kpendi ti tawadi nni.»

Matie 28:18

Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli.

Matie 4:24

O yeli den ñani Siiri diema nni kuli. Bi den cuani o kani i yianbuoli boncianla, mi yianfulima danba, mu cicibiadimu n die yaaba, mi bisinbilima danba leni ti gbanankpiendi danba kuli. O den paagi bikuli.

Matie 9:6

N bua yin bandi ke o Joa Bijua pia li bali ŋanduna nni, ki baa fidi ki pa bi niba bi tuonbiadi sugili.» Lani, o den yedi yua yaa gbanandi n kpe yeni: «Fii ki taa a kaagu ki yaa kuni.»

Luki 5:13

Jesu den tandi o nuu ki sii o, ki yedi: «N bua, ŋanbi.» Lanyogunu mi gbaadima den gbeni o po.

Luki 5:18

Diidi ki le, bi niba den tugi o joa ke o dua ku kaagu po, ke o gbanandi kpe. Bi den moandi ki baa kuani ki duani o Jesu nintuali.

Luki 5:23

Maamilie na siiga, mile n dingi ki cie, ki yedi: ‹A baa a tuonbiadi sugili› bi, ki yedi: ‹Fii ki yaa cuone?›

Luki 7:14

O den nagini ki sii ku tinkpikpaku. Yaaba n tugi den sedi. O den yedi: «O jawaalo na, n yedi a: ‹Fii.› »

Luki 8:54

Jesu den cuo ki biga nuu ki kpaani: «Ki biga, fii.»

Jan n diani U Tienu Laabaaliŋamo maama 11:43

Wan den jaandi yeni, o den kpedi o nialu ki kpaani: «Lasari, ña na!»

Jan n diani U Tienu Laabaaliŋamo maama 17:2

A dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 3:13

Oba kuli daa doni tanpoli, kali yua n ñani tanpoli po ki jiidi. Lani n tie o Joa Bijua.

Jan n diani U Tienu Laabaaliŋamo maama 5:27

O go dini Bijua li bali wan yaa jia ti buudi kelima o tie o Joa Bijua.

Jesu Tondiba Tuona 14:10

O den kpaani ki yedi o: «Fii ki sedi a taana po.» O joa yeni den fii yenma ki cuoni.

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano, kelima o bua Isidayeli yaaba n lebidi bi pala, wan pa ba sugili bi tuonbiadi po.

Jesu Tondiba Tuona 9:34

Pieli den yedi o: «Ene, Jesu Kilisiti paagi a. Fii ki fiini a kaagu.» Lanyogunu Ene den fii.

Jesu Tondiba Tuona 9:40

Pieli den ñani bikuli lienni, ki gbaani ki jaandi. Lani, o den pegidi ki diidi o kpiemo ki yedi: «Tabita, fii!» O pua yeni den ŋubidi ki laa Pieli, ki fii ki kali.

Mi Doagidima 1:13

Yua n naani leni o nisaalo den ye i fidisantuankaani yeni siiga. O den la liadicianli ke li jiidi hali o taafaadi, ki ñaagi o benli wula ñagidu.