Luki 5:17 - U TIENU MAAMA TILI 2013

¹⁷ Dayenli Jesu den bangi bi niba U Tienu maama, Farisieninba leni li bali maama bangikacianba bi tianba den kaa likani. Bi den ñani Galile leni Jude dogi nni kuli leni Jerusalemi moko. O Diedo paalu den ye leni Jesu ke o paagidi a yiama.

Gourmanchéma Bible

¹⁷ Dayenli Jesu den bangi bi niba U Tienu maama, *Falisieninba leni li *bali maama bangikacianba bi tianba den ka likani. Bi den ñani *Galile dogi nni leni Jude yaa dogi nni kuli leni Jelusalema moko. O Diedo paalu den ye leni Jesu ke o paagidi a yiama.

Luki 5:17 ပူးပေါင်းရင်းမြစ်များ

Matie 11:5

A juama noadi, a waba cuoni, a gbaada ŋanbidi, a woma gba, bi tinkpiba fiidi, a luoda mo gba o Laabaaliŋamo.

Matie 15:1

Farisieninba leni li bali maama banda tianba den ñani Jerusalemi, ki cua Jesu kani ki yedi o:

Marki 1:45

Ama o joa yeni den gedi ki ban goadi ki wangi Jesu n tieni o po yaala kuli, hali ke li teni ke Jesu ki go den fidi ki kua doguba niinni, ke bi niba bani. O den se li fuali nni ke bi niba ña i kaani kuli ki kpendi o kani.

Marki 16:18

Ba bi yaa cuo wa, bi ki ñuni ñoagubiadu, bonbiadiliba kuli kan tieni ba. Bi baa yaa maandi bi nii a yiama po, ke bi paagidi.»

Marki 3:22

Li bali maama banda yaaba n den ñani Jerusalemi ki cua o kani moko den tua: «Mu cicibiadimu bado Belisebuli n ye o niinni ki die o. Wani n puni o u paalu ke o deli ki ñandi mu cicibiadimu mun ye yaaba yaa niinni.»

Marki 5:30

Lanyogunu, Jesu moko den bandi o niinni ke u paalu ñani. O den jigidi ku niligu siiga ki yedi: «Ŋme n sii n tiayiekaadi?»

Marki 7:1

Farisieninba leni li bali maama banda bi tianba, yaaba n den ñani Jerusalemi, den taani ki cua Jesu kani.

Luki 15:2

Farisieninba leni li bali maama banda den yenbidi ki tua: «O joa na gaani i tagibiadi danba cangu, ki go di leni ba.»

Luki 2:46

Li dataali, bi den laa o U Tienu diegu nni, ke o kaa U Tienu bali maama bangikacianba siiga, ki cengi bi maama ki go buali ba i buali.

Luki 5:21

Li bali maama banda leni Farisieninba den bungi bi pala nni ki tua: «One tie ŋme ki maadi ki sugidi U Tienu nanda? U Tienu bebe yaa ka, ŋme n baa fidi ki pa bi niba bi tuonbiadi sugili?»

Luki 5:30

Farisieninba leni bi siiga yaaba n tie li bali maama banda den jaligidi Jesu ŋoadikaaba ki tua: «Be yaa po ke yi di ki go ñu leni bi lubigaaba leni i tagibiadi danba?»

Luki 6:19

Ku niligu siiga yuakuli den moandi ki bua ki sii o, kelima u paalu den ña o niinni ki paagidi bikuli.

Luki 7:30

Ama Farisieninba leni li bali maama bangikacianba n den yie ke Jan kan batisi ba yeni, bi den yie U Tienu n den jagi ki bili bi po yaale.»

Luki 8:46

Jesu den guani ki yedi: «O nilo sii nni, kelima n bandi ke u paalu ñani n kani.»

Jan n diani U Tienu Laabaaliŋamo maama 3:10

Jesu den yedi o: «Fini yua n tie Isidayeli yaaba siiga bangikaciamo, ŋaa bani laa bonla?

Jan n diani U Tienu Laabaaliŋamo maama 3:21

Ama yua n tiendi i moamoani n bili yaala kpendi mi yenma kani, ke lan doagidi ke wan tiendi yaala tie U Tienu n bili yaala.»

Jesu Tondiba Tuona 19:11

U Tienu den teni ke Poli tiendi leni o nii bi niba siiga yaa bancianma n pia ki lidiga.

Jesu Tondiba Tuona 4:30

Tandi a nuu ke tin yaa taagi a naacen-gagidiŋamo Jesu yeli ki paagidi bi niba, ki tiendi sinankeeninba leni mi bancianma.»

Jesu Tondiba Tuona 5:34

Ama bi siiga yendo yua n tie Farisieni, ki yi Gamalieli, ki tie li bali maama bangikaciamo, ki go tie bi niba kuli n jigini yua, den fii li taancianli siiga ki yedi ke ban ñani Jesu tondiba hali lan yeni waamu.