Luki 3:7 - U TIENU MAAMA TILI 2013

⁷ Bi niba boncianla den kpendi Jan kani ke wan batisi ba. O den tua ba: «Yinba, u waalabi-buolu na, ŋme fandi yi yin sani ki cia U Tienu pabienli yaali n baa cua na?

Gourmanchéma Bible

⁷ A nigola den kpendi Jan kani ke wan batisi ba. O den yieni ba: «Yinba, u waalabi-buolu na, ŋme fandi yi yin sani ki cia U Tienu pabienli yaali n baa cua na?

Luki 3:7 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Esayi 59:5

Bi wugini a waalabijena ki poadi, Ki lu i diandiagaali. Yua n ŋmani bi jena kuli baa kpe. Ban wuugi yaa jenli yaa wogidi, Duduuno n baa ña.

Matie 12:34

Yinba, u waalabi-buolu na, yin bia maama na, yi baa gaa lede ki fidi ki maadi yaa maama n ŋani? O nilo maadi yaala n gbie o pali nne.

Matie 23:33

Yinba, i we, u waalabi-buolu na, yi baa tieni lede ki sani ki faabi leni ku fantanbuogu cuonu?

Matie 3:6

Bi den tuodi ki doagidi bi tuonbiadi, ki cedi ke Jan batisi ba Jurden kpenu nni.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuame. O tie nikpalo hali mi cilima, waa ye i moamoani nni, kelima i moamoani ki ye o niinni. O yaa pua mi faama, o maadi nani wani o ba yantiali n tie maama, kelima o tie o tuofaadaano, ki go tie mi faama kuli yaa baa.

Jesu Tondiba Tuona 13:10

ki yedi o: «Fini yua n gbie leni bu nunfanbiadibu leni i janbi buoli kuli, ki tie Sutaani bijua, ki tie mi teginma kuli yibali, a kan cedi ki da go moandi ke a baa golini o Diedo jaga?

1 Tesaloniki 1:10

Moala, yi guu ke o Bijua Jesu, U Tienu n den fiini yua bi tinkpiba siiga, n ña tanpoli ki guani ki cua, yua n baa faabi ti leni U Tienu pabienli yaali n kpendi.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.