Lanyogunu Jesu den cili ki doagidi ki wangi o ŋoadikaaba ke li tie tiladi wan gedi Jerusalemi, ke Jufinba nikpela, bi kopadicianba yudanba leni li bali maama banda n waani o fala boncianla, ke bi niba n kpa o. Ama li dataali daali, o baa fii bi tinkpiba siiga.
O den yedi ba: «Da jie mani, yi lingi Jesu, Nasareti yua, ban den joani yua li dapoanpoanli po. Waa go ye ne, o fii bi tinkpiba siiga. Diidi mani ban den duani o naankani.
Lanyogunu Jesu den bangi o ŋoadikaaba ke li tie tiladi o Joa Bijua n le fala boncianla, ke a nikpela leni bi kopadicianba yudanba leni li bali maama banda n yie o, ki teni ban kpa o. Ama o kuuma dataali po, o go baa fii bi tinkpiba siiga.
O go den yedi ke li tie tiladi o Joa Bijua n le fala boncianla, ke Jufinba nikpela, bi kopadicianba yudanba leni li bali maama banda n yie o, ki kpa o. Ama ke li dataali daali o baa fii bi tinkpiba siiga.