Luki 24:52 - U TIENU MAAMA TILI 2013

⁵² Ama bani wani n den gbaani ki pugi o ki gbeni, bi den lebidi ki guani Jerusalemi leni li pamancianli.

Gourmanchéma Bible

⁵² Bani yaa po, ban den kpiagi o, bi den lebidi ki guani Jelusalema leni li pamancianli.

Luki 24:52 ပူးပေါင်းရင်းမြစ်များ

Pisomi 30:11

O Diedo, gbadi n po mi ninñima. O Diedo, tua n todika.

Matie 28:17

Ban den laa o, bi den labini ki kpiagi o. Ama bi tianba yama den lengidi, ke baa daani ke li tie wani.

Matie 28:9

Ban den caa yaa yogunu, Jesu den tuogi ba ki yedi: «N faandi yi.» Bi den nagini ki gbaani o nintuali ki cuo o taana, ki kpiagi o.

Luki 24:51

Wan den gaaliti ba yaa yogunu, o den paadi leni ba ki doni tanpoli po.

Luki 24:53

Bi den ye U Tienu diegu nni daali kuli, ki pagi U Tienu.

Jan n diani U Tienu Laabaaliŋamo maama 14:28

Yi den gbadi ke n yedi yi ke n baa gedi ki ŋaa yi, ki go baa guani yi kani. Yi yaa bi bua nni moamoani, yi bi baa yaa mangidi yi pala ke n caa Baa po, kelima wani n cie nni.

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

Jan n diani U Tienu Laabaaliŋamo maama 16:7

Ba yeni, min wangi yi yaala na tie moamoani. Li ŋani yi po min gedi, kelima n yàá gedi, o Todika kan cua yi kani. Ama n yaa gedi, n baa soani o yi kani.

Jan n diani U Tienu Laabaaliŋamo maama 20:28

Toma den guani ki yedi o: «N Diedo leni n Tienu.»

Jesu Tondiba Tuona 1:12

Lani, bi den jiidi Olivie Tiidi juali, ki guani Jerusalemi dogu nni. Li juali yeni leni Jerusalemi banli tie kilo dajenbiyenga.

1 Pieri 1:8

Ba ke yi daa laa o, yi bua o. Ba ke moala yii nua o, yi daani o, ki pia yaa pamancianli n pia ti kpiagidi, ki pendi bu ñoabu yedima,