Luki 22:20 - U TIENU MAAMA TILI 2013

²⁰ Ban den dini ki gbeni, o go den taa ki tadiñokaaga ki teni ba ki yedi: «Yaa bonñokaala n tie ne tie n soama, yaama n wuli yi po, ki teni ke U Tienu kuani leni yi o Ŋantaadipaano.

Gourmanchéma Bible

²⁰ Ban den dini ki gbeni, o go den taa ki tadiñokaaga ki teni ba ki yedi: «Yaa bonñokaala n tie na tie n soama yaama n wuli yipo ki teni ke U Tienu *ŋantaadipaano n kua.

Luki 22:20 ပူးပေါင်းရင်းမြစ်များ

Mi Ñama 24:8

Lanwani, Musa den taa mi soama ki mii mii ku niligu po ki yedi: «Diidi ki le mani, yaa soama n tie ne waani ke o Diedo ŋantaado baa yaa ye nani wan bili yi po maama o ñoamabona nni.»

Jeremi 31:31

O Diedo yedi: «U yogunu kpendi, ke n baa kuani yaa ŋantaado n paani, Isidayeli leni Juda buolu.

Sakari 9:11

O Diedo yedi: «N ñani yi yonbi yaaba n ye Yaa kpaadidieli n tie nani li caakuonli yeni nni. N faabi ba kelima yaa ŋantaado n ye Mini leni yinba siiga, A pada soama n doagidi Ke yaa ŋantaado n ye moamoani yeni.

Matie 26:28

kelima line n tie n soama, o Ŋantaadipaano yaa soama yaama n baa wuli yaa niba n yabi po, ban baa bi tuonbiadi sugili.

Marki 14:24

O den yedi ba: «Yaa bonñokaala n tie ne tie n soama, yaama n teni ke U Tienu o ŋantaado soama, yaama n baa wuli bi niba boncianla po.

1 Korenti 11:25

Ban den dini ki gbeni yaa yogunu, o den taa ki tadiñokaaga ki yedi: «Yaa tadiñokaaga n tie ne tie o Ŋantaadipaano yua n kua kelima n soama po. Yaa tiendi mani yeni ki tiadi n po, yin baa ño yaa yogunu kuli.»

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

Hebilunba 12:24

Yi cua Jesu kani, wani yua n tie o ŋantaadipaano yaa candanbaalo leni o soama kani, yaama n mii ki maadi yaa maama n ŋani ki cie Abeli yaa soama n den maadi yaala.

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

Hebilunba 9:15

Li tie lani yaa po ke Kilisiti tie o ŋantaadipaano candanbaalo, ke U Tienu n yini yaaba kuli n baa wan den niani ba yaa ŋalimano, yua n baa yaa ye hali yaa yogunu kuli. Lani kuli baa tieni kelima Kilisiti kpe, ke o kuuma faabi ba leni ban den tieni yaa tuonbiadi o ŋantaadikpialo n den die ba yaa yogunu.

Hebilunba 9:17

Laa ñoabu kan yaa pia fuoma, yua n ŋaa bu n da fo yaa yogunu. Ama bu pia mi fuoma, yua n ŋaa bu yaa kpe.