Luki 21:34 - U TIENU MAAMA TILI 2013

³⁴ Fangi mani yi yula, ki da tuo mi jekandikaama, li dañokandikaali leni mi yema yanyagidi n fie yi yantiana, ki guli yi ke landaali cuama n da ludi yi.

Gourmanchéma Bible

³⁴ Fangi mani yi yula, ki da tuo mi jekandikaama leni li dañokandikaali leni mi yema yanyagidi n fie yi yantiana ki guli yi ke laa daali n da cua ki ludi yi.

Luki 21:34 ပူးပေါင်းရင်းမြစ်များ

Mi cilima 19:32

Ŋan cua tin ñuni o mi daama ki duani leni o, lani n tie ti baa buolu n da bodi.»

Mi cilima 19:35

Bi den teni ke bi baa ñuni mi daama laa ñiagu goga, ke o waalo den kua ki duani leni o. Waa den bandi wan duani yaa yogunu, bi wan fii yaa yogunu.

Mi cilima 27:14

Jakob den gedi ki taa ti ki cuani o naa kani ke o den ŋanbi mi jiema nani o baa n bua maama.

Pisomi 35:8

Mi yebiadima n ŋmaa ba ke baa bani. Ban cuoni ki dia yaa cuadi yeni n cuo ba, Ban baa lienni ki yaa ye fala nni.

Mi Kpanjama 21:4

Mi kafaama len li japaayantiali Lani, n gobidi bi nibiadiba. Li tie tuonbiade!

Mi Kpanjama 23:20

Da taani a yuli leni yaaba n ñu ki gaadi, Bi yaaba n ŋmani ti nandi ke li duodi.

O Yanfuodaano 9:12

kelima o nisaalo naa bani fala n baa cua o kani yaa yogunu. Nani u taalu n yen cuo o jamo maama, bi nani ku diagu n yen cuo o nuano maama, o nisaalo yen le ke fala ludi o ki baa o yene.

Esayi 28:7

Bani moko mi daama kubi ba ke bi fuundi. Mi dabiadima gaadi ba. Mi dabiadima teni ke o kopadicianba Leni o saawalipuaba kuli pua Cacadili cadili. Mi daama yogi ki lundi ba, Mi dabiadima gaadi bikuli, Bi pua saawali ki luondi luondi. Bi jadibe ki nan ja ti buudi.

Ose Tili 4:11

Mi conconma leni li dañoli lebidi bi yula.

Levi 10:9

«Yi yaa baa kua u Kadikaanu Gbandieli nni, fini leni a bijaba n da ño duven bi dabiadimiba kuli. Yeni, yi kan kpe. Laa bali maama baa yaa ye hali yaa yogunu kuli, yinba leni yi puoliŋuani po.

Matie 13:22

Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu.

Marki 13:9

Faami mani yi yula po! Bi baa cuo ki gedini yi bi bujiaba kani, ki pua yi i gbiami li bali maama bangima diena nni. Yi baa sedi guveneerinba leni bi badicianba nintuali, kelima n yaa po, ki tua bi po siedi.

Marki 4:19

ama mi yema yanyagidi, ŋalimani boandi leni bonbuakatoala kuli yen taani ki je U Tienu maama yeni, ki teni ke mi kan luoni puu.

Luki 10:41

O Diedo den guani ki yedi o: «Marti, Marti, a yagini a yama ki cuoni ki lindi li bonla boncianla po.

Luki 12:40

Yimoko n bogini ki yaa guu, kelima o Joa Bijua baa cua yin ki daani yaa yogunu.»

Luki 17:3

Fangi mani yi yula. A kpiilo yaa tieni ti tuonbiadi, ŋan tundi o. O yaa lebidi o yama, ŋan pa o sugili.

Luki 21:35

Landaali baa cua nani ku diagu yeni ki ludi ki cuo yaa niba n ye ŋanduna nni kuli.

Luki 21:8

Jesu den guani ki yedi: «Fangi mani yi yula ke ban da boandi yi, kelima bi niba boncianla baa ti cua n yeli nni ki yedi: ‹Mini n tie U Tienu n Gandi Yua›, ki go yedi: ‹U yogunu nagini.› Yin da ŋoadi ba mani.

Luki 8:14

Yaa bonbii n baa ti konkondi nni tie yaaba n gbadi U Tienu maama, ama bi yaa suagi liiga, bi cedi ke bi yema yanyagidi, ŋalimani leni mi yemanma yankuali dini laa maama, ke bi bonluonkaala liba kuli ki beni.

1 Korenti 5:11

Min den diani ki bua ki waani yi yaala tie line: yin da pia ŋantaado leni yua n yedi ke o tie yi kpiilo ki nan conbi, ki tie ŋaliŋabualo, ki ŋua i buli, ki sugidi bi niba, ki tie dañogaado yaa ka janbi daano. Yin da tuo ba ki taani ki je leni laa nibuolu.

1 Korenti 6:10

a suuda, bi ŋaliŋabuaba, a dañogaada, yaaba n sugidi bi niba leni i janbi danba kuli kan baa biinu U Tienu diema nni.

Galati 5:20

i buli ŋoadima, u ñoagubiadu lingima, ti yibalindi, li koanli, li nunponli, li pabienli, mi niagima yantiali, mi paadima,

Mi Tiadima 29:19

O Diedo kan tieni o po sugili. Ama o Diedo pabienli leni o nunponli baa baa laa nilo po. Yaa solindi n diani li naa tili nni kuli n baa o po. Lani, o Diedo baa duuni ki ñani o yeli mi tinfanma nni.

Filipi 4:6

Yin da yagi mani yi yama bonliba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi o, ki go tuondi o.

Hebilunba 12:15

Yin fangi yi yula, ke oba n da muni o yuli U Tienu ŋanbili. Yin go fangi yi yula ke yaa jiinu n bia ki to kuli, n da toa a benkpela, ki cuani ti yanyagidi, ki yaa joagindi bi niba boncianla.

2 Pieri 3:10

O Diedo daali baa cua ki ludi bi niba, nani o suudo yeni. Landaali, tanpoli baa bodi leni ku fuciangu. Yaala n ye lienni kuli baa cuo u mu, ki nandi. Ki tinga leni yaala n ye lienni kuli mo baa cuo, ki buodi.

2 Pieri 3:14

Lanwani, n buakaaba, nani yin guu laa bonla kuli yeni, yin moandi o yaa cua, wan sua ke yii pia joagindiba leni tagiliba kuli, ama ke yi pia mi yanduanma leni o.

Mi Doagidima 3:3

Ŋan tiadi ŋan den baa ki go gbadi yaa bangima, ki kubi ma, ki lebidi a yama. A yàá guu bonŋanla, n baa cua a kani nani o suudo yeni, a kan bandi min baa cua ki ludi a yaa yogunu.

1 Samueli 25:36

Abigayili den pundi Nabali kani ki sua ke o tiendi o diegu nni mi jaanjiema nani o bado yaama yeni. O pali den mani ke mi daama mo kubi o. Lani, Abigayili ki den maadi o liba hali lan ban faa.