Luki 20:16 - U TIENU MAAMA TILI 2013

¹⁶ O baa cua ki bolini laa koaguudiba, ki teni o kuanu nitoaba.» Ban den gbadi lani, bi den yedi: «U Tienu n da tuo line n tieni.»

Gourmanchéma Bible

¹⁶ O baa cua ki bolini laa koaguudiba ki teni o kuanu nitoaba.» Ban den gbadi lani bi den yedi: «U Tienu n da tuo line n tieni.»

Luki 20:16 ပူးပေါင်းရင်းမြစ်များ

Matie 21:34

Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala.

Matie 21:41

Bi den guani ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa yaa tendi o u kuanu bonluonkaala, li yogunu yaa pundi.»

Matie 22:7

O bado pali den beni boncianla, ke o soani o toatieba ke bi kpa laa nikpaba kuli, ki juu bi dogu.

Marki 12:9

Lani, Jesu den buali: «O koadaano baa tieni lede? O baa guani ki cua ki bolini bi koaguudiba, ki teni o kuanu nitoaba.

Luki 19:27

N yibalinba mo, bani yaaba n kaa den bua nni leni li bali yeni, cuani ba mani ki kpa ba n nintuali.› »

Luki 20:15

Bi den ñani o u kuanu puoli po ki kpa o ki luni. Lanwani, o koadaano baa soani ba lede?

Jesu Tondiba Tuona 13:46

Poli leni Barnabasi den paagi bi pala ki yedi ba: «Li den tie tiladi ke U Tienu maama n kpa pundi yinba yaa kani, ama kelima yi yie yii gaa ma, yi nua yi yula ke yii pundi ki baa yaa miali n kan gbeni. Lani yaa po, ti baa lebidi ki gedi bi nilanba po.

LOMA YAABA 11:1

Lanwani, n buali: Naani U Tienu luni o nibuolu Isidayeli yaaba? Kalam! Mini n ba, n tie Isidayeli buolu, Abalahama puoliŋuanu leni Benjamen buolu yua.

LOMA YAABA 11:11

Lanwani, n buali: Naani Isidayeli buolu tuudi ki baa yaa yogunu kuli po ki kan go fii yo? Yeni ka. Bi tingbali teni ke bi nilanba fidi ki baa mi tindima, ke lan yaa ñundi bani Isidayeli buolu li mutuoli.

LOMA YAABA 3:31

Naani tin wangi li dandanli maama yeni, li bua ki yedi ke ti teni ke U Tienu bali maama ki go pia mayuli bi? Kalam! Ti doagidi li bali maama n pia yaa mayuli moamoani.

LOMA YAABA 3:4

Lani ki ye. Tiladi, U Tienu tie moamoandaano, ba nilo kuli yaa tie tuofaadaano, nani i Diani n yedi maama: «Li tie tiladi ban bandi Ke a tiegi a maama nni, A yaa buni leni bi niba mo, A baa paadi.»

LOMA YAABA 3:6

Yeni ka! Li yàá tie yeni, U Tienu baa gaa lede ki jia ŋanduna buudi?

LOMA YAABA 6:15

Lanwani, ti baa yedi be? Moala ke U Tienu bali maama ki go die ti, ama o ŋanbili n ji die ti, ti go baa yaa tiendi ti tuonbiadi bi? Kalam!

LOMA YAABA 6:2

Kalam! Tinba yaaba n den kpe ki paadi cain leni ti tuonbiadi, ti baa gaa lede ki go yaa ye ti tuonbiadi nni?

LOMA YAABA 7:13

Naani yaala n pia mayuli yeni n teni ke n kpe? Kalam! Ti tuonbiadi n den tieni la, ki taa li bali maama yaama n pia mayuli, ki kpa nni. Lanwani, li bali maama po, li doagidi ti tuonbiadi n bia ki pendi maama.

LOMA YAABA 7:7

Lanwani, ti baa yedi be? Li bali maama tie tuonbiadi bi? Kalam! Ama li bali maama n teni ke n bandi ti tuonbiadi n tie yaala. N kan den faami ke li nunponbiadili tie tagili, li yàá tie ke li bali maama den yedi: «Ŋan da pia li nunponbiadili.»

LOMA YAABA 9:14

Lanwani, ti baa yedi lede? U Tienu ki tiegi bi? Yeni ka.

1 Korenti 6:15

Yii bani ke yi gbanandi tie Kilisiti gbananbuoli ka yo? Naani n baa taa Kilisiti gbananbuoli ki teni yin tua li puokpagili gbananbuoli? Kalam!

Galati 2:17

Ama li yaa tie ke ti lingi ki bua ki baa li moamoansaali kelima Kilisiti yaa po ti sua ke tinba Jufinba moko tie ti tuonbiadi danba. Naani li bua ki yedi ke Kilisiti tie ti tuonbiadi naacemo bi? Kalam!

Galati 3:21

Naani li bali maama nia leni U Tienu ñoaniani bi? Kalam! Li yaa tie ke li den pia yaa bali maama n baa fidi ki pa li miali, lanwani li bali maama den baa fidi ki cuani li moamoansaali.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli po. Kilisiti n den kpe li dapoanpoanli po yeni, ŋanduna bonla kuli tie n po nani li kpe, nmoko tie nani n kpe ŋanduna bonla kuli po yeni.