Luki 2:12 - U TIENU MAAMA TILI 2013

¹² Line n baa yaa tie yaa maalima n baa teni yin bandi o. Yi baa le ki canpandiga ke bi bobini o ti canpanditiadi, ki duani o ku yankpaku nni.»

Gourmanchéma Bible

¹² Line n baa tie yaa maalima n baa teni yin bandi o, yi baa le ki canpandiga ke bi bobini o ti canpandi tiadi ki duani o ku yankpaku nni.»

Luki 2:12 ပူးပေါင်းရင်းမြစ်များ

2 Bi Badiba 19:29

Yaala n baa yaa tie fini Esekiasi po mi maalima tie line. Yi baa je a diliana dunla leni yaa binli n baa ŋoadi, ama li bintaali yin coagi mani, ki taani yi kpaangu. Yin ŋuu i duventiidi, ki je yi bonluonkaala.

2 Bi Badiba 20:8

Esekiasi den buali Esayi: «N baa le be yaa maalime, ki bandi ke o Diedo baa paagi nni, ki go bandi ke li dataali daali n baa gedi o Diedo diegu nni?»

Pisomi 22:6

Bi yen kpaani ki miadi a todima Ke a yen faabidi ba. Ban den dugi a po yeni, baa den laadi fe.

Mi Ñama 3:12

U Tienu den yedi: «N ye leni a, line n baa yaa tie a po mi maalima ke mini n soani a. A yaa teni ke bi niba ñani Ejipiti nni, yi baa yaa tuuni U Tienu po li naa juali kani.»

Esayi 7:11

«Mia a Tienu, o Diedo wan pa ŋa Mi maalima, Tanpoli nni bi ki tinga nni.»

Esayi 7:14

Lani yaa po, o Diedo wani o ba Baa pa yi mi maalima. Diidi ki le, li puowandiali baa punbi. O baa maa bonjaga, Ki yini o Emanueli.

Luki 2:13

Lanyogunu, malekinba boncianla den doagidi bi kani ki taani leni maleki yeni ki pagi U Tienu ki tua:

Luki 2:7

O den mali o posabiga, bonjaga. O den bobini o ti canpanditiadi ki duani o ku yankpaku nni, kelima kaanu ki den ye bi po ku candiegu nni.

1 Samueli 2:34

Diidi ki le yaala n baa tieni a bijaliediba Ofini leni Finea ki tua a po sinankeeni ke li kuli baa tieni. Bani bonbilie kuli baa taani ki kpe dayenli.