Luki 18:13 - U TIENU MAAMA TILI 2013

¹³ O lubigaalo yeni mo den poadi ki sedi foagima, kaa tuo ki baa yaadi ki noanli tanpoli. O den pua o benli ki yedi: ‹U Tienu, gbadi n po mi ninñima, mini yua n tie ti tuonbiadi daano.› »

Gourmanchéma Bible

¹³ O lubigaalo yeni mo den poadi ki sedi foagima, kaa tuo ki baa yaadi ki noanli tanpoli. O den pua o benli ki yedi: ‹U Tienu, gbadi npo mi niñima, mini yua n tie ti *tuonbiadi daano.› »

Luki 18:13 ပူးပေါင်းရင်းမြစ်များ

2 Samueli 12:13

Davidi den yedi Natan: «N tieni ti tuonbiadi ki tudi o Diedo po.» Natan den yedi Davidi: «O Diedo tieni a po sugili a tuonbiadi po, a kan kpe.

2 Bi Badiba Jama 33:19

Hali ke Manase daa den tuo ki lebidi ki dingi oba, o jaandi leni U Tienu n den gaa i maama, o tuonbiadi, o tagili kuli, wan den maa i buli padibinbina a juana po naankani, wan den sieni Akera budaadi leni wan den kpie yaa nannana, likuli diani ki bili Hosayi tili nni.

2 Bi Badiba Jama 33:23

Waa den miini o yuli o Diedo kani nani o baa Manase n den miini o yuli maama. Ama Anmoni go den tieni yaala n bia ki cie.

Esidirasi 9:6

ki yedi o: «N Tienu, i fe pia nni hali boncianla, ke n yuli tiibi. N Tienu, n kan fidi ki yaadi n yuli ki diidi a. Ti tagili yabidi hali ki milini ti, ti tuonbiadi dogini ki pundi tanpoli.

Jobi 42:6

Lani n teni n tuo ke i tagili tie n yii. N gbaa mi fantanpienma leni mi tama nni ki miadi sugili.»

Pisomi 106:6

Ti tieni ti tuonbiadi Nani ti baanba yeni, Ki tieni i tagili leni mi biadima.

Pisomi 119:41

O Diedo, teni a ŋanbili n jiidi n po, Ki faabi nni nani ŋan den niani maama.

Pisomi 130:7

Yinba Isidayeli yaaba, Yaa dugi mani o Diedo po, Kelima li ŋanbili ye o kani, Mi faabima moko ye o yaa kane.

Pisomi 25:11

O Diedo, tieni n po sugili a yeli po. Kelima n tagili bia ki kandi.

Pisomi 25:7

Ŋan da tiadi n panma nni tuonbiadi Leni n panma nni yiema. Tiadi n po kelima a ŋanbili po, Fini o Diedo yua n pia ti bulicindi.

Pisomi 40:12

Fini o Diedo, a kan yie n po a ninñingbadima. A ŋanbili leni a moamoani Baa kubi nni yaa yogunu kuli.

Pisomi 41:4

O fala duanu po, o Diedo baa kubi o, Ki yaa paagidi o o yiani kuli po,

Mi Ñama 33:10

Ku niligu kuli yaa den laa ke ku tawaligu sedi li dieli buliñoabu kani, bikuli yen fii ki gbaani bi gbandiena buliñoana kani, ki pugi.

Esayi 1:18

O Diedo yedi: «Cua mani tin taani ki juogi. Yi tuonbiadi yaa moani ba nani mi soama, Se tin guani ki pendi nani a tatana yeni. Ba yi tuonbiadi yeni yaa moani colicoli, Se tin guani ki pendi paipai.

Esayi 6:5

N den yedi: «Ŋain, n bia n yeni! N tie yua yaa ñoacuuna n joagini, ki go ye yaa nibuolu yaa ñoacuuna n joagini siiga. N nuni mo laa o Bado, Li Miali Diedo U Paaciamu Kuli Daano.»

Esayi 66:2

N yaa nuu n tagi laa bonla kuli, Ki teni ke lani kuli ye. O Diedo n yedi yeni. Diidi n nuni n baa yaa maa yua yaa po: Lani tie o ninñinnilo yua n ye leni li paboanli, Yua n yen gbadi n maama ki yaa digibi.

Esekieli 16:63

Lanwani, a baa tiadi yaala n den tieni puoli po, i fe n cuo ŋa, ke a kan go tuo ki yaadi a ñoabu. Ama n baa tieni a po sugili leni ŋan den tieni yaa biadima kuli. Mini o Diedo, U Tienu n yedi yeni.»

Danieli 9:5

Ti tieni ti tuonbiadi, ti tudi a po, ti tieni yaala n bia ki yie a bali, ti lebidi ki ŋaa a bali maama leni a ñoamabonbilikaana.

Matie 10:3

Filipi leni Batelemi, Toma leni o lubigaalo Matie, Alife bijua Jaki leni Tade,

Matie 6:5

Yi yaa jaandi, yin da tie nani palalie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni.

Matie 9:13

Gedi mani ki ban bandi yaa maama n tie ne bundima: ‹Mi ninñingbadima n mani n po, laa tie a pada ka.› Mii cua ki baa yini yaaba n tiegi ka, ama ti tuonbiadi danba.»

Marki 11:25

Yin se ki jaandi yaa yogunu kuli, ki tiadi ke yi pia maama leni niloba, yin pa o sugili. Lani n tie yi Baa yua n ye tanpoli n pa yimo sugili yi tuonbiadi po. [

Luki 17:12

O den baa kua doyendu nni ke gbaada piiga togidi o. Bi den sedi foagima ki kpaani:

Luki 22:41

Lani, o den piadi bi kani nani o nilo n baa lugidi li tanli lin baa yaa bianu, ki gbaani ki jaandi ki tua:

Luki 23:48

Yaa niligu n den taani likani ki diidi, n laa yaala n tieni, bi den lebidi ki kuni ki pua bi bena.

Luki 5:8

Simon Pieli n den laa lani, o den gbaani Jesu nintuali ki yedi: «N Daano, foagidi n kani kelima n tie tuonbiadi daano.»

Jesu Tondiba Tuona 2:37

Ban den gbadi laa maama, mi den cuo bi pala ke bi yedi Pieli leni o tondilieba: «Ti kpiiba, ti baa tieni lede?»

LOMA YAABA 5:8

Ama U Tienu n tieni yaala ki doagidi o buama ti po, tie ke tin da den tie ti tuonbiadi danba yaa yogunu, Kilisiti den kpe ti po.

2 Korenti 7:11

Diidi mani laa pabiidili, U Tienu n bua yaali yaa buolu yeni, n cuani yaala: Li tigini yi ke yi moandi. Li go cie yeni, kelima li teni ke yi mia sugili, yi pala mo biidi lipo. Li go teni ke ti jawaandi cuo yi, ki teni ke yi go bua ki le nni, ki go teni ke yi baa li yankuali, ki tundi i tagili daano leni tundifala. Yi doagidi li bonla kuli nni, ke yii pia tagili laa bonla nni.

1 Timote 1:15

Yaa maama n tie ne tie mi madugikaama, ki pundi bi niba n gaa ma cain, ke Jesu Kilisiti den cua ŋanduna nni ki baa tindi ti tuonbiadi danba. Bi siiga nni mini n cie.

Hebilunba 4:16

Lanwani, tin yaa nagidi leni li papaali U Tienu bali kalikaanu, li ŋanbili n ye naankani. Lankani ti baa baa mi ninñingbadima, li ŋanbili leni mi todima, lan bua yaa yogunu.

Hebilunba 8:12

N baa tieni bi po sugili Bi tudima kuli po, Ki kan go tiadi bi tuonbiadi po.»