Luki 17:30 - U TIENU MAAMA TILI 2013

³⁰ Li go baa tua yene o Joa Bijua n baa doagidi o yuli yaa daali.

Gourmanchéma Bible

³⁰ Li go baa tua yene o Ja Bijua n baa doagidi o yuli yaa daali.

Luki 17:30 ပူးပေါင်းရင်းမြစ်များ

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 24:3

Jesu n den kaa Olivie Tiidi juali po, o ŋoadikaaba den cua bani bi bebe ki yedi o: «Waani ti laa bonla n baa ti cua yaa yogunu leni yaa sinankeene n baa waani ti a cuama leni ŋanduna juodima yogunu.»

Matie 24:37

Lan den tie maama Nowe yogunu, li go baa yaa tie yene o Joa Bijua cuama yogunu.

Matie 24:39

Baa den faami liba kuli po, hali ki tabolinkaaga n den ti cua ki koadi bikuli. Li baa go yaa tie yene o Joa Bijua cuama yogunu.

Matie 26:64

Jesu den guani ki yedi o: «Fini n yedi yeni. N go waani yikuli, moala liiga, yi baa ti le o Joa Bijua ke o kaa u Paaciamu Kuli Daano jienu po, ki go le o ke o ñani lankani ki kpendi ti tawadi nni.»

Marki 13:26

Lani, bi baa le ke o Joa Bijua ye ti tawadi nni, ki kpendi leni u paalu leni ti kpiagiciandi.

Luki 17:24

Nani mi tañigima n yen ñuliti ki pelini napo tinbianu, ki poandi ki yaa caa hali une maama yeni, li baa tua yene o Joa Bijua daali yaa pundi.

Luki 17:29

Ama Loti n den ñani Sodomi nni yaa daali, u mu leni li cidibili den ñani tanpoli ki mini nani ki taaga yeni, ki bolini bikuli.

Luki 21:22

Laa dana baa yaa tie li pantuuli dana, ke yaala n den diani kuli n tieni ki dudi.

Luki 21:27

Lani, bi baa le ke o Joa Bijua ye ku tawaligu nni ki kpendi leni u paalu leni ti kpiagiciandi.

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 1:8

Wani U Tienu n baa teni yin yaa se ki pa hali mi juodima yogunu, ke ban da fidi ki kuli yi leni liba kuli, ti Diedo Jesu Kilisiti cuama daali.

Kolosi 3:4

Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

2 Tesaloniki 1:7

O baa taani ki pa tinba leni yinba yaaba n laadi fala mi fuodima, o Diedo Jesu yaa ñani tanpoli po leni o malekinba yaaba n pia u paalu, ki doagidi o yuli yaa daali.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Pieri 4:13

Ama yin yaa mangidi yi pala, kelima yi taani leni Kilisiti o fala nni. O kpiagidi yaa doagidi yaa yogunu moko, yi baa yaa ye leni li pamankandikaali.

1 Jan 2:28

Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!