Luki 17:25 - U TIENU MAAMA TILI 2013

²⁵ Hali ke li daa pundi, li tie tiladi wan le fala boncianla, moala ne niba mo n yie o.

Gourmanchéma Bible

²⁵ Hali ke li daa tieni, li tie tiladi wan le fala boncianla, moala na niba mo n yie o.

Luki 17:25 ပူးပေါင်းရင်းမြစ်များ

Esayi 53:3

Bi niba den fali o, ki ŋaa o, Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie puu.

Matie 16:21

Lanyogunu Jesu den cili ki doagidi ki wangi o ŋoadikaaba ke li tie tiladi wan gedi Jerusalemi, ke Jufinba nikpela, bi kopadicianba yudanba leni li bali maama banda n waani o fala boncianla, ke bi niba n kpa o. Ama li dataali daali, o baa fii bi tinkpiba siiga.

Matie 21:42

Jesu den yedi ba: «Naani yi daa cogi i Diani nni yaa maama n tie ne? ‹Bi tanmaaba n den yie ki luni yaa tanli, Tua li tanpuukaali. Likuli ñani o Diedo kani, Ki tie bonlidinkaala ti nuni po.›

Marki 10:33

O den yedi ba: «Cengi mani, ti do ki caa Jerusalemi. Bi baa cuo o Joa Bijua ki teni o bi kopadicianba yudanba leni li bali maama banda. Bi baa jia o buudi, ki bili ban kpa o. Bi baa teni o bi nilanba.

Marki 12:10

Naani yii cogi i Diani nni yaa maama n tie ne? Bi tanmaaba n den yie ki luni yaa tanli, Tua li tanpuukaali.

Marki 8:31

Lanyogunu Jesu den bangi o ŋoadikaaba ke li tie tiladi o Joa Bijua n le fala boncianla, ke a nikpela leni bi kopadicianba yudanba leni li bali maama banda n yie o, ki teni ban kpa o. Ama o kuuma dataali po, o go baa fii bi tinkpiba siiga.

Marki 9:31

kelima o den bangi o ŋoadikaaba ki tua ba: «Bi niba baa janbi o Joa Bijua ki teni o bi nisaaliba. Bi baa kpa o. Ama o kuuma dataali, o go baa fii bi tinkpiba siiga.»

Luki 18:31

Jesu den taa bi piiga n niliediba ki piadi leni ba ki yedi: «Cengi mani, ti do ki caa Jerusalemi ke bi saawalipuaba n den diani yaala ke li maadi o Joa Bijua maama kuli, baa n tieni ki dudi.

Luki 18:33

ki pua o i baliji, ki yuandi ki kpa o. Ama li dataali daali, o baa fii bi tinkpiba siiga.»

Luki 24:46

Lani, o den yedi ba: «Li diani ki yedi, ke U Tienu n Gandi Yua baa le fala, ki yuandi ki fii bi tinkpiba siiga li dataali daali.

Luki 9:22

O go den yedi ke li tie tiladi o Joa Bijua n le fala boncianla, ke Jufinba nikpela, bi kopadicianba yudanba leni li bali maama banda n yie o, ki kpa o. Ama ke li dataali daali o baa fii bi tinkpiba siiga.

Jan n diani U Tienu Laabaaliŋamo maama 1:11

Mi Maama den cua mi yaaba siiga, ama mi yaaba ki den tuo ki gaa ma.

Jan n diani U Tienu Laabaaliŋamo maama 12:38

Li den tua yeni ke o saawalipualo Esayi n maadi yaa maama na n tieni: «O Diedo, ŋme daani ti maama? Fini o Diedo nuu paalu doagidi ŋme yaa po?»

1 Samueli 10:19

Dinla yi yie ki ŋaa mini yi Tienu, yua n faabi yi leni yi fala leni yi yepaama kuli, ki yedi nni: Dini ti po o bado. Lanwani, yin nagini mani o Diedo nintuali ki sedi ki caligi caligi, buolu buolu leni diegu diegu.› »

1 Samueli 8:7

O Diedo den yedi Samueli: «Cengi bi maama ki tieni ban yedi yaala kuli, kelima laa tie ke bi yie fini ka, bi yie mine, ke min da go die ba.