Luki 14:23 - U TIENU MAAMA TILI 2013

²³ Lani, o canbaa den guani ki yedi o: ‹Ña u dogu nni ki gedi a sanbibila nni leni a naga balinma, ki tigini bi niba ban cua na ki gbieni n diegu.›

Gourmanchéma Bible

²³ Lani canbaa den goa ki yedi o: ‹Ña u dogu nni ki gedi a sanbibila nni leni a naga balinma, ki tigini bi niba ban cua na ke n diegu n gbie.›

Luki 14:23 ပူးပေါင်းရင်းမြစ်များ

Pisomi 110:3

A paalu yaa doagidi yaa daali, A niba pia li yankuali bonŋanla, Nani ku mangu n yen luoni U tiŋaafaanu maama yeni. A jawaaba baa cua a kani Ki la yaa tiadi n gagidi U Tienu po.

Pisomi 98:3

O tiadi o ŋanbili po Leni wan den tie dugika maama Isidayeli yaaba po. I tinbiani kuli laa Ti Tienu n faabi ti maama.

Esayi 11:10

Landaali Isayi benkpeli baa fii Ki sedi nani mi maalima yeni i nibuoli po. I nibuoli baa lingi wan ye naankani, U Tienu kpiagidi mo baa yaa dua likani.

Esayi 27:13

Landaali, bi baa piebi li naatuntuncianli. Yeni, yaaba n den bodi Asiiri diema nni, Baa guani ki cua. Yaaba n yadi Ejipiti diema nni Baa gbaani ki pugi o Diedo, Yaa juali n gagidi ki ŋani yuli po. Li baa tua Jerusalemi dogu nne.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

Matie 21:43

Lani yaa po, n waani yi, bi baa gaa yi kani U Tienu diema, ki teni yaa nibuolu n baa yaa baadi mi po li bonluonkaala. [

Matie 5:41

O nilo yaa tieni a u paalu ke ŋan ciani o kilo dajenli, ŋan ciani o dajena lie.

Luki 14:22

Lan yeni waamu, o naacemo den guani ki yedi o: ‹Canbaa, n tieni ŋan bi puogi nni yaala, ama u kaanu go sieni.›

Luki 14:24

N yedi yi ke min den kpa yini yaaba yeni, bi siiga ba yendo kan leni n jiema.»

Luki 24:29

Ama bi den yie o po, ki yedi: «Sedi leni ti kelima u yienu kua ke u kaanu mo boandi.» Lani, o den kua ki sedi, ki ye leni ba.

Jesu Tondiba Tuona 16:15

Tin den batisi o, wani leni o deni yaaba kuli, o den mia ti ki yedi: «Yi yaa sua ke n dugi o Diedo po moamoani, yin kua mani ki yaa ye n diegu nni.» Wan den tigini ti maama po ti den tuo.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

Jesu Tondiba Tuona 28:28

Poli go den pugini ki yedi: «Lanwani, yin bandi ke U Tienu ji soani o tindima maama yeni bi nilanba po yo. Bani wani baa cengi.» [

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

LOMA YAABA 10:18

To, n buali line, naani baa gbadi u tondu bi? Bi gbadi saa. Li diani: «Bi niali yadi yadi ki tinga nni kuli, Bi maama mo yadi yadi hali ŋanduna banlu kuli.»

2 Korenti 5:11

Nani tin bani o Diedo fangili n tie yaala yeni, ti moandi ki maadi ki guli bi niba. U Tienu bani ti cain, n sugini ke hali yi pala tugidi nni yimoko bani ti cain.

2 Korenti 5:20

Lanwani, ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Guani ki mangi mani leni U Tienu.»

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu ŋanbili paabu yaabu.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 1:28

Ti tuodi ki wangi nilo kuli wani yaa maame, ki go bangi laa maama leni mi yanfuoma, ki bua ki cuani nilo kuli U Tienu kani, ke o dagidi cain Kilisiti nni.

2 Timote 4:2

ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.