Luki 14:13 - U TIENU MAAMA TILI 2013

¹³ A yaa baa yini bi niba mi jaanjiema po, ŋan yini a luoda, a tadima, a waba leni a juama.

Gourmanchéma Bible

¹³ A yaa baa yini bi niba mi jaanjiema po, ŋan yini a luoda leni a tadima leni a waba leni a juama.

Luki 14:13 ပူးပေါင်းရင်းမြစ်များ

2 Samueli 6:19

Li yaa puoli, o den boagidi bi niba kuli, Isidayeli nigola yeni kuli, bi jaba leni bi puoba, nilo kuli dupenyendo leni nanjenyenli, leni duventiidi yaa bonluonkaala bonkonyenli. Lani, bi niba kuli den yadi, ke yuakuli kuni o denpo.

2 Bi Badiba Jama 30:24

kelima Juda bado Esekiasi den ñani li nitaanli po, naatona tudili leni yanbidi tudalele (7 000). O koanbala mo den ñani naatona tudili leni yanbidi tuda piiga (10 000). Bi kopadicianba boncianla den gagidi ki ŋanbi bi baa.

Nehemi 8:10

Bi go den yedi ba: «Kuni mani ki ban ŋmani yaa nandi n pia mi kpama, ki ño yaa bonñokaala n mani, ki boagidi mi jiema ki pa yaaba n ki pia, kelima dinla tie yaa daali n gagidi ti Diedo po. Da boandi mani yi pala, kelima o Diedo n puuni yaa pamanli tie yi fidu.»

Nehemi 8:12

Lanwani, bi niba kuli den kuni ki ban dini ki go ñuni, ki soani mi jiema yaaba n ki pia po, ki mangi bi pala boncianla, kelima bi den gaa ban den bundi bi po yaa maama.

Jobi 29:13

Yua n den baa kpe yen gaaliti nni. N den mangidi li kpepuoli mo yaa pali.

Mi Kpanjama 14:31

Yua n duoli o luodo sugi U Tienu Yua n tagi o. Ama yua n gbadi o po mi ninñima Kpiagi U Tienu.

Mi Kpanjama 22:9

Yua n pia ti bulicindi baa baa li seli, Kelima o puuni o luodo li bonjekaala.

Esayi 58:10

Yi yaa puni mi koma n pia yua Yinba yi ba n bua yaala, Yi yaa kpa taliga koma, Yi yenma baa deli li biigili Yi biigili mo n tua nani u yensiicocolu yeni.

Esayi 58:7

Boagidi mani yi jiema leni mi koma n pia yua, Ki pa yaaba n ki pia dieli mo u yekaanu. Yi yaa laa yaa nilo n ye mubima yin yieni o. Yin da buli yi nunga yinba leni yua n kpi bonŋanla po.

Matie 15:30

Ku niligu den cua o kani boncianla, ki kpendinni a diama, a juama, a muula, a woma, a tadima leni yiantoaba boncianla. Bi den cua ki duani ba Jesu taana kani ke o paagi ba.

Matie 22:10

Bi naacenba yeni den kua i sani nni, ki taani ban laa yaaba, bi nibiadiba leni bi niŋanba kuli, yeni mi puocaajiema dieli den gbie bi niba.

Luki 11:41

Pa mani a luoda yaala n ye yi pala tugu nni, lani, yaala n sieni kuli baa ŋanbi yi po.

Luki 14:12

Jesu go den maadi leni yua n yini o yeni mo ki yedi: «A yaa yini bi niba ban cua a deni mi yensiijiema po, bi mi yenjuajiema po, ŋan da yini a danlinba, a kpeliba leni a waamu, bi yaaba n li kpi leni a kuli, yaa ka a yieninlieba siiga yaaba n tie a piada, ke ban da ti guani ki mo n yini a ki jiini a a ŋanma.

Luki 14:14

Lani, U Tienu baa ŋanbi a po kelima bani wani kan fidi ki guani a a ŋanma. U Tienu yaa ti fiini bi niteginkaaba bi tinkpiba siiga, o baa guani a ma.»

Luki 14:21

O naacemo den lebidi ki guani o canbaa kani ki waani o likuli. Lani, o diedaano yeni pali den beni, ke o yedi o naacemo: ‹Kua u dogu daamu nni leni u sani nni tontoni, ki cuani a luoda, a tadima, a juama leni a waba na.›

Jesu Tondiba Tuona 9:39

Pieli den fii ki yegi leni ba. Wan pundi likani, bi den ciani o li dietuadili yeni nni. A kpepuona kuli den nagini o kani ki buudi, ki waani o Dorkasi n den ye leni ba yaa yogunu, wan den hali bi po yaa tiayiekaadi leni yaa tialakaadi.

Mi Tiadima 14:29

Lani, Levi buolu yua yua n ki pia biinu bi faali yi siiga yeni, o caano bi ki kpienbiga leni li kpepuoli yaaba n ye leni yi yeni kuli, baa cua ki je ki guo. Lani n tie Li Miali Diedo yi Tienu n seligi yi, yi nii n baa soani yaa tuonli kuli nni.»

Mi Tiadima 16:11

Yi baa mangi yi pala o Diedo yi Tienu nintuali, o Diedo yi Tienu n baa gandi ki kuani o yeli yaa kaanu yeni kani, yinba, yi puoba, Levi buolu yua, o caano, ki kpienbiga leni li kpepuoli yaaba n ye leni yi.

Mi Tiadima 16:14

Yi baa yaa mangidi yi pala laa jaanma po, yinba, yi bijaba, yi bisiaba, yi naacenba, yi puotuada, Levi buolu yua, o caano, ki kpienbiga leni yaa kpepuoli n ye leni yi kuli.

1 Timote 3:2

Li tie tiladi ke yua n tie o gobidika Kilisiti Nitaanli siiga, n da pia ban baa fidi ki kuli o leni yaala. Wan yaa pia puoyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi nigagidiŋanba taana, ki todi yaaba n ye leni fala, ki tieni a tuonŋama buoli kuli.

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi ki ŋani, ki kubi o yuli.

Filemon 1:7

N kpiilo, a buama yeni mangi n pali ki go baagi nni boncianla, kelima a duandi bi nigagidiŋanba yama.

Hebilunba 13:2

Yin da sundi ki yaa gaani bi canba cangu, kelima bi tianba den tieni yeni, ki gaa malekinba cangu kaa bani.