Luki 13:19 - U TIENU MAAMA TILI 2013

¹⁹ Mi tie nani yaa tibu yaa bonbibu n wa ki cie i tiidi kuli, ke o nilo buli bu o kuanu nni, ke bu pudi ki kpedi ki tua tibu. Ti bonyugiditi den tiendi bi tiana bu beni po.»

Gourmanchéma Bible

¹⁹ Mi tie nani yaa kpintiigu yaa bonbibu n wa ki cie ki yi mutaadi ke o nilo buli bu o kpintiidi kuanu nni ke bu pudi ki kpedi ki tua tibu. Ti bonyugiditi den tiendi bi tiana bu beni po.»

Luki 13:19 ပူးပေါင်းရင်းမြစ်များ

I Yani 4:12

N naataanpuoga, n buado, A tie nani yaa salidingo n lo Ki tie nani yaa ñinbunli n lo yeni.

I Yani 4:16

Fii, nujienu po faalu! Nuganu po faalu mo n cua ne! Figi mani n salidingo po, Ki teni o tibidi n fidi yaa nuulu n mani. N buado n kua o salidingo nni, Ki ŋmani o bonluonkaala yaala n mani.

I Yani 6:2

N buado kua o salidingo nni, Yaa tibidi n pia u nuulumanu n ye naankani, Ki baa yaa kpaa o yangoli lienni, Ki go ñani mi puuma.

I Yani 8:13

Fini yua n kaa salidinginba nni yeni, Danlinba cengi a nialu bonŋanla, A kan cedi nmo n gbadi u?

Esayi 53:1

Ŋme n den daani ban den togidi ti yaala? O Diedo nuu paalu den doagidi ŋme yaa po yo?

Esayi 53:10

O Diedo den tuo ke bi pua ki moagi o, Ki waani o fala. Wan puni o miali ke li tua li padili yeni, O baa le o puoliŋuani, O miali baa foagidi, O Diedo yanbuama mo n tieni o nuu nni.

Esayi 58:11

O Diedo baa gobidi yi u yogunu kuli, Ba ñima n ki ye yaa tinga nni, O Diedo baa yaa guondi yi, Ki puuni yi gbanu u paalu. Yi baa yaa tie nani ban kpidi yaa salidinga yeni, Nani yaa ñinbunli yaa ñima n kan ñuudi yeni.

Esayi 61:11

Nani ki tinga n yen teni Ki bonbulikaala n pudi maama, Ke u kuanu mo teni u bonbii pudi maama, Li Miali Diedo U Tienu baa teni mi teginma Leni ti pagidi n pudi I nilanbuoli kuli nintuali yene.

Esayi 9:7

O Diedo fu leni Jakob puoliŋuani. Laa fuugu tie Isidayeli yaaba po yo.

Jeremi 31:12

Bi baa cua Siyon juali kani, Ki yiini leni li pamanli, Kelima o Diedo n baa pa yaa piama po. Mani n tie: ŋalikama, Mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa salidingo yeni. Jawaandi kan go cuo ba.

Esekieli 31:6

Tanpoli nuani kuli Den tieni bi tiana bu beni nni. Ti moayandi mo kuli Den maa bi bila bu benkpela tiipo. I nibuoli boncianla den ye bu soangu nni.

Danieli 4:12

Yin ŋa mani li ñiali leni i jiini, Ki loli li ti kumoandi leni i kuseseli. Lin yaa se li fuali moasoangidi siiga. Ku mangu n yaa soangidi li, Lin yaa ŋmani ti muadi nani ti yandi yeni.

Danieli 4:21

O bado, ti bundima tie ke tanpolijoma Tienu bili ke line n baa cua fini n daano po:

Sakari 2:11

Yinba Jerusalemi yaaba, Ban den gedini yinba yaaba Ti yonbidi Babilonni yeni, sani mani ki ña lipo.»

Matie 17:20

Jesu den yedi ba: «Li tie ke yi dandanli n wa yeni po yo. N waani yi i moamoani, yin pia yaa dandanli yaa pundi baa mutardi bonbibu n wa ki da maama, yi baa yedi li naa juali: ‹Fii ki fuadi likani,› lin fii ki fuadi. Yi kan gbali liba kuli. [

Marki 4:30

Jesu go den yedi: «Ti baa nandi U Tienu diema leni be? Ti baa pua lipo mi laa kpanjame?

Luki 17:6

O Diedo den guani ki yedi: «Yin pia yaa dandanli yaa pundi baa mutardi bonbibu n wa ki da maama, yi baa fidi ki yedi sikomori tibu ne: ‹Ŋabi aba ki ban ŋuu mi ñincianma nni,› bu baa tuo.

Jesu Tondiba Tuona 2:41

Bi den batisi yaaba n gaa o maama. Landaali yaaba n den pugini bi ŋoadikaaba po den bua ki pundi niba tudataa (3 000).

Jesu Tondiba Tuona 21:20

Ban den gbadi o maama, bi den kpiagi U Tienu. Lani, bi den yedi o: «Ti kpiilo, a bani ke Jufinba siiga yaaba n tuo ki daani pundi niba tuda tuda, ama bikuli nan baa ki pia li yankuali li bali maama kubima po.

Jesu Tondiba Tuona 4:4

Ba yeni, yaaba n den cengi bi maama siiga boncianla den daani Jesu, ke bi coali bua ki pundi niba tudamuu (5 000).

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jerusalemi, ki yuandi ki wangi o i kaani kuli, hali ki ban gaani ki pundi Iliri diema.

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»