Luki 12:19 - U TIENU MAAMA TILI 2013

¹⁹ Lani, n baa yedi n yuli: A pia mi piama ke li kandi yaa bina n yabi po, yaa fuo ki di ki go ñu ki mangidi a pali.›

Gourmanchéma Bible

¹⁹ Lani n baa yedi n yuli: A pia mi piama ke li kandi yaa bina n yaba po, yaa fuo ki di ki go ñu ki mangidi a pali.›

Luki 12:19 ပူးပေါင်းရင်းမြစ်များ

Mi Kpanjama 27:1

Ŋan da pagi a yuli saala po, Kelima ŋaa bani yaala n faadi ki ye.

1 Korenti 15:32

Min den koani leni ti moayandi Efesi po yeni, li yaa tie ke bi niba n nua maama bebe po, n den baa be yaa ñuadi lienni? Li yaa tie ke bi tinkpiba kan go fii, lanwani: Tin je mani ki go ño, kelima saala ti baa kpe.

Esayi 5:11

Mi yebiadima baa ŋmaa yaaba N yen yagidi ki fii Ki ban ño mi dabiadima Leni yaaba n baa ki dua ki jadibi ku ñiagu Mi daama po.

O Yanfuodaano 11:9

Fini o jawaalo, ŋan mangi a pali a jawaama yogunu. Ŋan yaa ye mi yemanma nni a panma dana nni. Ŋan tieni a pali n bua yaala kuli, yaala n mani a kuli, ŋan tieni la. Ama ŋan yaa bani ke U Tienu baa ti bu leni a bontienkaala kuli po.

Jaki 5:5

Yi den ye ŋanduna nni leni mi yemanma, ki go kuandi yi yama yi gbanandi bonbuakaala nni. Yi den di ki gbengidi nani a yanwubida, ban wubi yaaba mi kodima daali po yeni.

Filipi 3:19

Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe.

Mi Kpanjama 18:11

O piado piama tie nani yaa dogu N pia u paalu yeni, O yama po o nua ke puu kan nandi o Laa kaanpaalu kani.

Pisomi 62:10

Bi nisaaliba tie fawaama bebe. A nikpiaga leni taliginba kuli tie faama bebe. Li bonbiigikaala nni, bi baa yugi Kelima bi faali ki cie mi fawaama.

Mi Doagidima 18:7

Wun den kpiagidi u yuli Ki kuani u yama mi yemanma nni Ke li pendi ki pundi yaa bianu, Pa u mani mi funfunma leni li paboanli Ki pundi laa bianu, kelima u yedi u pali nni: ‹N kaa li bali kalikaanu ki tie puobado, Mii tie kpepuoli ka. N kan le kuuma paboanli.›

1 Pieri 4:3

Yin den tuuni yaa tuongunda yeni, moala li dagidi, kelima yi den tiendi bi nilanba yanbuama, ki puuni yi yula mi conconma, yi gbanandi bonbuaka-biadila leni li dañogaadili po. Yi den di ki go ñu ke li pendi, ki ŋua i cancaginbuli.

2 Timote 3:4

janbi danba, yanjegibidanba leni bi yusiedanba, ki bua yaala n mani bi po ki cie U Tienu.

Ose Tili 12:8

Isidayeli yaaba, yi kubi yi nuu nni Yaa bonbiigikaala n ki tiegi, Nani Kanana yaaba yeni, Yi pala mani i janbi po.

Esayi 22:13

Ama li pamankandikaali n ye. Bi kodi a yangbenga leni ti yanbidi, Ki ŋmani ti nandi ki ñu mi daama ki tua: «Tin je mani ki go ño kelima saala ti baa kpe.»

Esayi 5:8

Mi yebiadima baa ŋmaa Yinba yaaba n daa a diena, Ki nagindi aya po, Ki fenli i kuani ki pugidi iyii po, Hali ke fanma ki go ye. Yinba bebe n pia u yekaanu mi diema nni.

Mi Kpanjama 23:5

Naani a nudi a nuni ki baa le mi piame? Pu kuli ki go ye kelima mi baa pa i fiabi, Ki yugi nani jiebani yeni ki kua ti tawadi nni.

Jobi 14:1

Pua n mali yua kuli miali koabi, Ki go gbie leni ti yanyagidi.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

1 Timote 5:6

Yaa kpepuoli n puni o yuli ŋanduna jeligu po kpe, ba ke o da fo.

Luki 21:34

Fangi mani yi yula, ki da tuo mi jekandikaama, li dañokandikaali leni mi yema yanyagidi n fie yi yantiana, ki guli yi ke landaali cuama n da ludi yi.

Luki 16:19

O piado den ye ki la ti tiakpiagidi, ki mangidi o pali daali kuli leni o yeŋanma leni mi jemanma.

Habakuki 1:16

Lanwani, bi padi a pada bi taali yeni po, Ki juugi yaa sinma n pia u nuulumanu ki kpiagidi yi, Kelima yini n teni ke bi baadi Yaa jiema n yabi ki go mani mo.

Pisomi 49:18

Kelima o yaa kpe yaa yogunu, O kan yegi leni liba kuli. O ŋalimano kan yegi leni o o takuli nni.

1 Samueli 30:16

O den ciani o ke bi pundi. Amaleki yaaba den yadi ki gbie i kaani kuli ki ji ñu ki jeli ki ciaga, kelima ban den baa yaa fagiciandi Filisiti yaaba leni Juda yaaba diema nni kuli yaa po.

Mi Kpanjama 10:2

I janbi ŋalimano kan todi yanbu, Ama mi teginma wani faabidi O nilo leni mi kuuma.

O Yanfuodaano 2:24

O nilo yemanma wani tie wan je, ki ño ki baa o tuonli ñuadi. N sua ke U Tienu n puuni laa yemanma,

Esayi 56:12

Cua mani ne, n baa gedi ki taa mi daama, Tin ño mi dabiadima ki gaadi. Ti didi go baa tieni yene saala mo, Kelima yaala n sieni yabi hali ke li kandi.

Amosi 6:13

Yi mangidi yi pala kelima yi diedi Lodebari, Yi tua: «Naani tii fidi ki cuo Karnayimi yaaba leni ti paalu ka?»

Luki 12:18

O den guani ki yedi: ‹N bani min baa tieni maama. N baa mudi n buabuana kuli, ki guani ki maa ya n yabi ki cie, ki taani n kpaandi leni n piama kuli ki kuodi lienni.

Mi Kpanjama 14:24

Mi piama tie bi yanfuodanba kpiagidi. Ama bi yanluodanba wani, Kan ña bi yanluoma nni.