Luki 11:36 - U TIENU MAAMA TILI 2013

³⁶ A gbanandi kuli yaa yieni bonŋanla, ke li biigili ki ye kaanuba kuli, tikuli baa yaa yieni nani ki fidisanga n yen yendi a po maama.»

Gourmanchéma Bible

³⁶ A gbanandi nni kuli yaa yieni bonŋanla ke li biigili ki ye kaanuba kuli nni, tikuli baa yieni nani ki fidisanga n yen yendi apo ki yenma maama.»

Luki 11:36 ပူးပေါင်းရင်းမြစ်များ

Mi Kpanjama 1:5

A banda yaa cengi ma, bi baa pugini bi banma. Bi yanfuodanba mo yaa cengi ma, mi baa pa ba mi gobidima yanfuoma.

Mi Kpanjama 20:27

O nisaalo fuoma tie o Diedo fidisanga Yaaga n yen diidi hali o yantugu nni.

Mi Kpanjama 6:23

Kelima li ñoamabonbilikaali tie nani ki fidisanga yeni, Mi bangima mo nani mi yenma yeni, Tundifala mo tie li miali sanu.

Esayi 42:16

N baa teni a juama n tagini Ban ki den bani yaa sanu, Ki gobidi ba yaa sanbila n den boani ba niinni. N baa teni yaa biigili n ye bi liiga N lebidi ki tua yenma. N go baa teni yaa sani n tie Gbangbana mo n ladi ki dagini. N kan ŋaa ba, Lani n tie min baa tieni yaala.

Esayi 8:20

Bi yaa buali yi, yi baa guani ba: Li tie ban guani li bali maama leni siedi kane. Bi yàá tieni yeni, suginmiba kuli kan yaa ye bi niba po.

Ose Tili 6:3

Tin moandi mani ki bandi o Diedo. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yene. O baa cua nani ki taludikaaga yeni, Ki kuugi ki tinga gbanu, Nani ki siakuantaaga n yen cua, Ki kuugi ki tinga maama yeni.»

Matie 13:52

O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Matie 5:15

Bi kan go cuoni ki fidisanga mo, ki taa li sancianli ki ŋoagini ka, ama bi baa tuani ka u fidisantuankaanu, kan yendi yaaba n ye li dieli nni kuli po.

Luki 11:35

Lani yaa po, ŋan fangi a yuli ki da teni ke yaa yenma n ye a niinni n tua biigili.

Luki 11:37

Jesu n den maadi yaa yogunu, Farisieni yendo den yini o ke wan kua ki je o deni. O den kua ki kali u saajekaanu kani.

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Kolosi 3:16

Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

Hebilunba 5:14

Ama yaa jiema n juagi tie yaaba n kpedi ki dagidi yaa po yo. Bani n tie yaaba n pia yaa yantiali n maani ki biigidi, ki gagidi yaala n ŋani leni yaala n bia.

Jaki 1:25

Ama yua n nuali bonŋanla yaa bali maama n ŋani cain, ki faabidi bi niba yaa niinni, ki suagi ki tiendi yeni kaa sundi wan cengi yaala, ki tiendi man yedi yaala, laa nilo baa baa li seli wan tiendi yaala kuli nni.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa ŋanbili nni leni o yaa bandima nni, ki pugidi. Wani n yaa baadi ti kpiagidi moala leni yaa yogunu kuli. Amina!