Luki 11:34 - U TIENU MAAMA TILI 2013

³⁴ A nunbu n tie a gbanandi fidisanga. A nunbu yaa ŋani, a gbanandi kuli baa yaa yieni bonŋanla. Ama a nunbu yàá ŋani, a gbanandi kuli baa yaa ye li biigili nni.

Gourmanchéma Bible

³⁴ A nunbu tie a gbanandi fidisanga. A nunbu yaa ŋani, a gbanandi nni kuli baa yieni bonŋanla. Ama a nunbu yaa ŋani, a gbanandi kuli baa ye li *biigili nni.

Luki 11:34 ပူးပေါင်းရင်းမြစ်များ

Mi cilima 19:11

Bi den ŋaa yaaba n den se bu buliñoabu kani ti juandi, ki cili li bila, ki yaa caa hali li nikpela, ki teni ke bi duoliti bi yula fanma fanma ki lingi bu buliñoabu.

Pisomi 119:18

Luodi n nuni ke min fidi ki ñuadi A bali maama bonlidinkaala.

Pisomi 81:12

Ama n niba naa cengi nni. Isidayeli yaaba naa tuo n maama.

Mi Kpanjama 21:4

Mi kafaama len li japaayantiali Lani, n gobidi bi nibiadiba. Li tie tuonbiade!

Mi Kpanjama 28:22

O ŋaliŋabualo ki nua bontoala se baali, Waa bani ke mi luoma baa ludi o.

Esayi 29:10

Kelima o Diedo kuani yi niinni Mi guama yantiali ke yi gonbidi. O pii yinba bi saawalipuaba nuni, Ki libini yinba a baayuadiida mo yaa yula ti kpaliti.

Esayi 42:19

Ŋme n joa, li yàá tie n naacemo yaa ka? Ŋme mo n womi nani n tondo, Min soani yua yeni? Ŋme n joa nani yua n baa mi yanduanma, Ki joa nani o Diedo naacemo yeni?

Esayi 44:18

Baa bani liba, baa pia yanfuoma, Kelima bi pigini bi nuni ke ban da le, Ki pigini bi pala mo, Ke ban da gaa liba kuli fuuli.

Esayi 5:20

Fala n nandi yaaba n tua Ke yaala n bia ŋani, Ke yaala n ŋani mo bia, Ki nua ke li biigili tie yenma, Ke mi yenma mo tie biigili. Bi nua ke paboanli tie pamanli, Ke pamanli mo tie paboanli.

Esayi 6:10

Teni bi naa niba pala n juagi, Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da gaa liba. Lani n tie ban da lebidi bi pala, Min paagi ba.

Jeremi 5:21

Cengi mani line, Yinba yaa niba n ki pia yama, Kaa pia kpaagili mo. Yinba yaaba n pia i nuni ki naa nua, Ki pia a tuba ki naa gba liba.

Marki 4:12

Yeni bi baa yaa nua leni bi nuni, Ki nan da le bi yama nni. Bi baa yaa cengi leni bi tuba, Ki nan kan bandi liba. Lani n tie ke ban da lebidi bi pala, Ki guani U Tienu kani, Ki baa bi tuonbiadi sugili.»

Marki 8:18

Yi yama baa ki pii yo? Yi pia i nuni ki naa nua yo? Yi pia a tuba ki naa gba yo? Naani yii tiani?

Luki 11:35

Lani yaa po, ŋan fangi a yuli ki da teni ke yaa yenma n ye a niinni n tua biigili.

Jesu Tondiba Tuona 13:11

Moala, o Diedo baa pua ŋa, ŋan tua juamo ki kan le u yienu hali danaba.» Lanyogunu liga, Elimasi nuni den biigi, ke o juani cain. O ji den baaliti ki lingi yaaba n baa dadi o.

Jesu Tondiba Tuona 2:46

Daali kuli, bi den lindi ki taagi U Tienu diegu nni leni yanyenma, ki caa biyaba deni ki taagi ki di, ki boagidi bi jiema leni biyaba leni li pamanli leni li padingili.

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 11:3

Ama n jie, nani o wa n den boandi Awa leni o nunfanbiadibu maama, ke ban da ti biidi yi yantiana, yin yaadi ki ŋaa Kilisiti, yin bua yua leni payenli yeni.

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

Efesa 1:17

Ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana, ki go doagidi yi po U Tienu, yin bandi o moamoani.

Efesa 6:5

Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili, mi digibima leni li payenli, nani yin tuo ki tiendi Kilisiti n yedi yaala maama.

Kolosi 3:22

Yinba i yonbi, yin yaa tuodi ki ŋua yi canbaanba ŋanduna nni li bonla kuli nni. Yin da tiendi yeni ban nua yi yaa yogunu bebe, nani yi bua ki mangi bi pala yeni. Ama yin yaa tiendi yeni yogunu kuli leni payenli, kelima yi fangi o Diedo.