Luki 10:27 - U TIENU MAAMA TILI 2013

²⁷ O den guani ki yedi o: «Ŋan bua o Diedo a Tienu leni a pali kuli leni a miali kuli leni a fidu kuli leni a yantiali kuli, ki go bua a lielo nani ŋan bua a yuli maama.»

Gourmanchéma Bible

²⁷ O den goa ki yedi o: «Ŋan bua o Diedo a Tienu leni a pali kuli leni a miali kuli leni a fidu kuli leni a yantiali kuli, ki go bua a nisaalilielo nani ŋan bua a yuli maama.»

Luki 10:27 ပူးပေါင်းရင်းမြစ်များ

Levi 19:18

Ŋan da tuu li panli. Ŋan da pia li koanfaali a buolu nilo po. Ama ŋan bua a lielo nani ŋan bua a yuli maama yeni. N tie Li Miali Diedo.

Matie 19:19

Ŋan jigini a baa leni a naa, ki go bua a lielo nani ŋan bua a yuli maama yeni.»

Luki 10:26

Jesu den yedi o: «Be n diani li bali maama nni? A cogi be lienni?»

LOMA YAABA 13:9

Lani yaa po yo, ke U Tienu mabilikaama yedi: Ŋan da conbi, ŋan da kpa nilo, ŋan da su, ŋan da tieni mi siedifaama, ŋan da pia li nunponbiadili. Lani leni yaa mabilikaama n sieni kuli, taani yaa mabilikaama n tie ne yaa niinne: Ŋan bua a lielo nani ŋan bua a yuli maama yeni.

Galati 5:13

N kpiiba, U Tienu den yini yi ke yin yaa die yi yula. Yin da taa laa yudiedima ki yaa tiendi yi gbanandi bonbuakaala. Ama, mi buama po, yin yaa tuuni ki todi yiyaba.

Mi Tiadima 10:12

Musa den yedi: «Moala Isidayeli yaaba, o Diedo yi Tienu mia yi be yo? Naani laa tie ke yin yaa fangi o Diedo yi Tienu ka? Naani laa tie ke yin yaa cuoni o sani nni ka? Naani laa tie ke yin yaa bua o Diedo leni yi pala kuli, ki go yaa tuuni yi Tienu po leni yi yantiana kuli ka?

Mi Tiadima 30:6

O Diedo yi Tienu baa kuani yinba leni yi puoliŋuani pala ku koanciagu, ke yin bua o Diedo yi Tienu leni yi pala kuli leni yi yama kuli, lani n tie yin fidi ki yaa ye.

Mi Tiadima 6:4

Cengi mani, yinba Isidayeli yaaba! O Diedo ti Tienu, o Diedo yeni tie YENDO.

Mi Tiadima 6:5

Yi baa bua o Diedo yi Tienu leni yi pala kuli leni yi miana kuli leni yi fidu kuli.

Hebilunba 8:10

O Diedo go yedi: «Laa dana yaa pendi, Diidi min baa kuani leni Isidayeli buolu yaa ŋantaado: N baa kuani n bali maama bi yantiana nni Ki diani ma bi pala nni. N baa yaa tie bi Tienu, Bani mo baa yaa tie n niba.

Jaki 2:8

Yi yaa kubi U Tienu diema bali maama, nani lan diani maama li ŋani. Mi yedi: «Ŋan bua a lielo nani ŋan bua a yuli maama.»

1 Jan 3:18

N bibuadimu, tin da pia mani mi buama tiyaba po leni mi maama bebe, ama tin yaa pia a tuona po leni i moamoani nni.