Luki 10:20 - U TIENU MAAMA TILI 2013

²⁰ Ba yeni, yin da mangi mani yi pala kelima mu cicibiadimu tuo yi maama, ama yin mangi yi pala kelima bi diani yi yela tanpoli po.»

Gourmanchéma Bible

²⁰ Baa yeni, yin da mangi mani yi pala kelima mu cicibiadimu tuo yi maama, ama yin mangi mani yi pala kelima bi diani yi yela tanpoli po.»

Luki 10:20 ပူးပေါင်းရင်းမြစ်များ

Pisomi 69:28

Pugini laa tagili bi tagili po, Ki da tuo ban baa a teginma.

Mi Ñama 32:32

Moala, n mia ŋan tieni bi po bi tuonbiadi sugili, yeni yaa ka, ŋan duuni ki ñani n yeli ŋan diani li yaa tili nni.»

Esayi 4:3

Li daali kpendi ke ban ŋaa yaaba Siyon Leni Jerusalemi nni, Bi baa yini ba bi nigagidiŋanba, Kelima bi diani bi yela Jerusalemi nni, Ke ban yaa ye yaa yogunu kuli.

Jeremi 17:13

O Diedo, fini Isidayeli suginma, Yaaba n ŋaa ŋa kuli baa le i fe. Yaaba n foagidi leni a kuli baa kpe, Kelima bi ŋaa o Diedo yua n tie Li miali ñinbunli.»

Esekieli 13:9

N nuu baa cuo yaa saawalipua-faadanba n baadi yaa bonlekaala n tie fanma, ki pua yaa saawalo n tie faama. Bi kan baa kaanu n niba taanli siiga. Bi yela mo kan diani, Isidayeli yaaba yela tili nni. Bi kan guani ki kua Isidayeli diema nni. Lani, yi baa bandi ke n tie Li Miali Diedo U Tienu.

Danieli 12:1

Maleki go den yedi nni: «Li yogunu malekinba yudanciamo Miseli, yua n guu fini Danieli buolu, baa fii. Li baa yaa tie fala yogunu. Laa fala baa yabidi hali boncianla. Laa fala buolu daa kpa tieni, ki cili ŋanduna cilima ki yaa caa hali lanyogunu. Lanyogunu a buolu siiga nni, lan baa sua ke yaaba yaa yela n diani li tili nni n baa cia.

Matie 10:1

Jesu den yini o piiga n ŋoadikaliediba ki dini ba li bali. O den puni ba u paalu ke ban yaa deli ki ñandi mu cicibiadimu. O go den puni ba u paalu ke ban yaa paagidi bi niba, bi yianbuoli leni bi tadinbuoli kuli po.

Matie 26:24

O Joa Bijua caa nani lan diani ki bili o po maama. Ama fala baa yaa ye leni yaa nilo n baa janbi o Joa Bijua. Li den baa yaa tu laa joa po bi yàá den mali o.»

Matie 27:5

Juda den luni i ligi yeni U Tienu diegu nni ki ñani, ki gedi ki ban soadi o yuli.

Filipi 4:3

N go mia fini min dugi yua yaa po, yua n tuuni leni nni ti Diedo tuonli. Ŋan todi bi puoliediba yeni, bani yaaba n den taani leni nni, ki moa o Laabaaliŋamo muali. Bani, Kilema leni nitoaba, n tuonsoanlieba yaaba taani leni nni laa tuonli nni, bimoko yela diani li miali tili nni.

Hebilunba 12:23

Yi cua yaaba n tie U Tienu bikpiala, ban diani yaaba yaa yela tanpoli po nitaanli kani, yi cua U Tienu kani, bi niba kuli bujialo kani. Yi cua bi niteginkaaba naani n ye naankani, bani U Tienu n ŋanbi yaaba ke bi dagidi cain kani.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 17:8

Ŋan laa yaa fuayanga yeni den kpa ye, waa go ye moala. O baa do ki ña u kulu nni, ki gedi mi bodima nni. Ki tinga nni yaaba siiga, yaaba yaa yela n kaa diani li miali tili nni hali ŋanduna tagima yogunu, bi yaa laa ki fuayanga yua n den kpa ye, kaa go ye moala, ki go baa cua ki yaa ye yeni, li baa paki ba.

Mi Doagidima 20:12

N go den laa bi tinkpiba kuli, bi paatieba leni taliginba kuli, ke bi se li bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia bi tinkpiba buudi nani bi bontienkaala n den tie maama, ki ŋua ban den diani bi po yaala a tila yeni niinni.

Mi Doagidima 20:15

Ban ki den laa yua yaa yeli ke li diani li miali tili nni kuli, bi den luni o u fantankpenu nni.

Mi Doagidima 21:27

Joagindiba kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani li miali tili nni, lini yaali n tie ki Pebiga tili. Bani bebe n baa baa ki kua u niinni.

Mi Doagidima 3:5

Yua n koani mi jama ki paadi, bi baa yieni o ti tiapiendi. N kan duuni ki ñani o yeli li miali tili nni, ama n baa tuo ke n bani o n Baa leni o malekinba nintuali.