Luki 1:49 - U TIENU MAAMA TILI 2013

⁴⁹ Kelima wani U Paaciamu Daano Tieni n po yaa bonla n yabi. O yeli gagidi ki ŋani.

Gourmanchéma Bible

⁴⁹ Kelima wani U Paaciamu Kuli Daano Tieni npo yaa bonla n pia pakili. O yeli gagidi ki ŋani.

Luki 1:49 ပူးပေါင်းရင်းမြစ်များ

Mi cilima 17:1

Abalama n den pia piiyia n binayia yaa yogunu, o Diedo den doagidi o kani ki yedi o: «N tie U Tienu U Paaciamu Daano. Ŋan yaa cuoni n nintuali leni li papienli.

Pisomi 111:9

O den soani mi faabima o niba po, Wan kuani leni yaaba yaa ŋantaado n ki pia fidima. O yeli gagidi ki ŋani ki go pia i jeje.

Pisomi 24:8

Ŋme n tie laa kpiagidi bado? O Diedo de! Yua n pia u fidu leni u paalu kuli, O Diedo de! Wani yua n tie bu toabu yudaano.

Pisomi 99:3

Ban pagi a kelima a yeli yabi, Ki go pia i jeje, A gagidi ki ŋani mo.

Pisomi 99:9

Pagi mani o Diedo ti Tienu! Gbaani mani o joagagidikaali po, Kelima o Diedo ti Tienu ŋani.

Mi Ñama 15:11

Li Miali Diedo, i tieni kuli siiga, Ŋme n baa fidi ki niagi leni a? Ŋme ye ki naani leni fini yua yaa gagidiŋanma n ki pia lie? Li pundi ban jie ŋa, ki go pagi fini yua n tiendi mi bancianma.

Esayi 1:24

Lani n teni ke o Diedo, Li Miali Diedo Isidayeli Tienu, U Paaciamu Kuli Daano kadi ki yedi: «N baa paadi n koanginkaaba, Ki tuu n yibalinba bi panpaani.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 6:3

Bi den kpaani ki tua biyaba: «O gagidi ki ŋani! O gagidi ki ŋani! Li Miali Diedo U Paaciamu Kuli Daano Gagidi ki ŋani. Ki tinga kuli gbie leni o kpiagidi.»

Esayi 63:1

Ŋme n ñani Edomi po ki kpendi yeni? Wani yua ñani Botisira ki la ti tiamoandi, Ki bobi yaa tiadi n ñuliti kolikoli, Ki cuoni leni ti jigidi, Ki cuoni ki gaani leni u fidu yeni tie ŋme? Li tie mini yua n maadi i moamoani, Ki pia yaa paalu n baa fidi ki faabi. O Diedo n yedi yeni.

Jeremi 10:6

Oba kuli ki naani leni a, o Diedo A yabi, a yeli moko yabi ki go pia u paalu.

Jeremi 20:11

O Diedo tie n po nani o jakoandimoano, Lani n teni ke yaaba n fii n po baa tuudi ki baa. Bi kan paadi. I fe baa cuo ba leni ban gbali maama. Li baa tua yaa fe n baa waagi Ki ye kaa pia sundima.

Marki 5:13

Lani, mu cicibiadimu den ñani o joa niinni ki ban kua i duoli nni, ke u duokulu den digi mi joayidima po, ki jiidi ki baa mi ñincianma nni. Bi den bua ki pundi duoli tudalie (2 000). Bikuli den mia ki bodi mi ñincianma nni.

Luki 1:48

O Diedo laa mini o yonbo po. Dinla liiga nifiima n tuu nifiima kuli Baa yedi ke li pamanli ye leni nni,

Luki 1:50

Nifiima n tuu nifiima kuli, O baa yaa gba yaaba n fangi o ninñima.

Efesa 3:20

U Tienu yua n fidi ki tiendi yaala n yabi ki pendi tin mia o yaala leni tin tia yaala kuli hali ke li kandi, kelima o paalu yuu n tuuni ti niinni yaa po,

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Fini bebe n gagidi ki ŋani. I nibuoli kuli baa cua Ki labini a nintuali ki kpiagi a, Kelima a teginma doagidi.»

Mi Doagidima 4:8

A bonfuodinaada yeni, yuakuli den pia fiabiluoba luoba, ki pia i nuni boncianla bi lindima leni bi poagima kuli nni. Ku ñiagu leni u yensiinu kuli, bi maadi kaa cedi, ki tua: «O gagidi ki ŋani, o gagidi ki ŋani, o Diedo U Tienu, U Paaciamu Kuli Daano gagidi ki ŋani, wani yua n den kpa ye, ki ye moala ki go baa cua.»

1 Samueli 2:2

Yua n Gagidi ki ŋani nani fini o Diedo kuli naa ye. Toa kuli ki ye ke laa tie fini. Oba ki guu ti nani fini U Tienu ti Tanciangu.