LOMA YAABA 8:35 - U TIENU MAAMA TILI 2013

³⁵ Ŋme n baa paadi ti leni Kilisiti yaa buama? Fala bi? Ti yanyagidi bi? O falabiado bi? Mi koma bi? Mi luoma bi? Yaa fala n baa fidi ki cuani mi kuuma bi? Bi ki jugisiega n baa paadi ti leni o buama?

Gourmanchéma Bible

³⁵ Ŋme baa paadi ti leni Kilisiti yaa buama? Naani fala bi, bi ti yanyagidi, bi o falabiado, bi mi koma, bi mi luoma, bi yaa fala n baa fidi ki cuani mi kuuma, bi ki jugisiega n baa paadi ti leni o buama?

LOMA YAABA 8:35 ပူးပေါင်းရင်းမြစ်များ

Pisomi 103:17

Ama o Diedo ŋanbili ye Yaa yogu n tuu yaa yogu, Yaaba n fangi o po, O teginma mo ye bi bila yaa bila po,

I Yani 3:4

Min den li baa ki pendi ba waamu yo, Ke n den laa n pali n bua yua. N den muubi o, ki kan go ŋaa o, Hali min baa kuani o n naa dieli nni, Yua mali nni yaa dieli nni.

Jeremi 31:3

O Diedo den doagidi nni hali yogu ki yedi: ‹N bua yi yaa buama n ki pia gbenma. Lani n teni ke n baa kubi n ŋanma yi po.

Jan n diani U Tienu Laabaaliŋamo maama 10:28

N puuni ba yaa miali n kan gbeni. Bi kan bodi abada. Oba kuli kan fie ba n nuu nni mo.

Jan n diani U Tienu Laabaaliŋamo maama 13:1

Hali ke mi Pendima jaanma daa pundi, Jesu den bani ke wan baa ña ŋanduna nni, ki gedi Baa po yaa yogunu pundi. O den bua o yaaba, yaaba n ye ŋanduna nni; O den bua ba hali mi juodima.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

LOMA YAABA 2:9

Yaaba n tiendi mi biadima kuli, ki cili Jufinba, ki ŋoadi bi nilanba, baa le fala leni ti yanyagidi.

LOMA YAABA 8:17

Ti yaa tie U Tienu bila, ti go tie bi faajieba moko. Ti tie U Tienu faajieba, ki baa taani leni Kilisiti ki je li faali. Ti yaa taani leni Kilisiti o fala nni, ti go baa taani leni o o kpiagidi nni moko.

LOMA YAABA 8:37

Ama laa bonla kuli siiga, yua n den bua ti yeni, teni ke ti paadi likuli cain.

LOMA YAABA 8:39

ba i paaciami, ba yaaba n ye tanpoli, ba yaaba n ye tiipo, mi tagima kuli nni, liba kuli kan fidi ki paadi ti leni U Tienu n pia ti po yaa buama. O den doagidi laa buama, ti Diedo Jesu Kilisiti nni.

1 Korenti 4:11

Hali moala ti ye leni mi koma, u ñuñuunu, ti cadi leni ti puadi, ki go tie lianliama.

1 Korenti 4:12

Ti tuuni leni ti nii hali ki coagi. Bi niba yaa sugidi ti, ti gaaliti ba. Bi yaa wangi ti fala, ti juuni.

2 Korenti 12:10

Lani yaa po yo, ke n mangidi n pali leni ku tadingu, ti sugidi, mi luoma leni bi niba n faligidi nni ki mabindi nni, kelima Kilisiti po. Yaa yogunu ke n tadi, lanyogunu yo ke n pa.

2 Korenti 4:17

Tin laadi yaa fala u naa yogunu po, naa tie puu leni wan bogindi ti yaa kpiagidi po. Laa kpiagidi yabi ki kan pendi hali abada.

2 Korenti 4:8

Falabuoli kuli mabindi ti, ama yii paadi ti. Ti yama yagini, ama ti jigi naa cie.

2 Korenti 4:9

Bi yen wangi ti fala, ama U Tienu ki ŋaa ti. Bi yen guliti ti, ama baa bolindi ti.

Efesa 3:19

ke yin bandi laa buama, yaama n yabi ki pendi tin baa fidi ki bandi yaala, hali ke U Tienu yedagidikaama n gbie yi pala nni.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

2 Timote 1:12

Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli, hali li daali n pundi.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,