LOMA YAABA 8:29 - U TIENU MAAMA TILI 2013

²⁹ U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

Gourmanchéma Bible

²⁹ U Tienu n den tuodi ki bani yaaba, o go den tuodi ki gandi ba ki baa teni ban tua nani o Bijua yeni, ke o Bijua n tua o bijakpelo o waamu U Tienu bila boncianla siiga.

LOMA YAABA 8:29 ပူးပေါင်းရင်းမြစ်များ

Pisomi 1:6

Kelima o Diedo bani bi niteginkaaba sani, Ti tuonbiadi danba sani caani mi bolinma po.

Pisomi 89:27

Wani, o baa yaa kpaani ki miadi nni, Ki tua: ‹A tie n baa, n Tienu, Leni n faabima tangu.›

Mi Ñama 33:12

Musa den yedi o Diedo: «Diidi ki le, a den yedi nni mine: ‹Ŋan teni yaa niligu n tie ne kuli n suagi liiga, ama a naa waani nni, ŋan baa soani mini leni yua. Die ba yeni, a den yedi ke a bani nni bonŋanla, ki go bani n pali, ke a pali mo mani n po.›

Mi Ñama 33:17

O Diedo den yedi Musa: «N baa tieni ŋan mia nni yaala kuli, kelima n pali mani a po. N bani a bonŋanla, ki go bani a pali.»

Jeremi 1:5

«Hali ke n daa den tagi a a naa tugu nni, n den tuodi ki bani a. Hali ke a daa den ñani a naa tugu nni, n den gandi a ki gagidi ki ŋanbi a, ki teni ke a tua i nibuoli kuli saawalipualo.»

Matie 12:50

Yua n tuo ki tiendi n Baa yua n ye tanpoli yaa yanbuama, wani n tie n naataanjaga, n naataanpuoga leni n naa.»

Matie 25:40

Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›

Matie 28:10

Jesu den yedi ba: «Yin da jie mani, gedi mani ki ban waani n kpiiba, ke ban gedi Galile, bi baa n le nni lanpo.»

Matie 7:23

Lane n baa kadi ki yedi ba: ‹Kalam, mii bani yi. Fuadi mani n kani, yinba yaaba n tiendi mi biadima.›

Jan n diani U Tienu Laabaaliŋamo maama 17:16

Nani min ki tie ŋanduna yua maama, bani moko ki tie ŋanduna yaaba yene.

Jan n diani U Tienu Laabaaliŋamo maama 17:19

N gagidi ki ŋanbi n yuli a po, ke bani moko n gagidi ki ŋanbi a po i moamoani nni.

Jan n diani U Tienu Laabaaliŋamo maama 17:26

N den teni ke bi bandi a yeli. N go baa teni ban bandi li, ke ŋan bua nni yaa buama n yaa ye bi pala nni, ke mini mo n yaa ye bi niinni.»

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

LOMA YAABA 11:2

U Tienu naa luni o niba cain, wan den tuodi ki bani yaaba hali yogu. Yii bani i Diani n yedi yaala naankani ke Eli den yenbidi U Tienu kani Isidayeli buolu po ki yedi:

LOMA YAABA 13:14

Yin la o Diedo Jesu Kilisiti yaa tagu nani li liadili yeni, ki da cedi yi gbanandi bonbuakaala n diedi yi.

LOMA YAABA 9:23

U Tienu den tieni yeni ki baa doagidi o kpiagidi n yabi maama yaa niba n tie nani wan den gbadi yaa tiadi po mi ninñima yaa po wan den tuodi ki ŋanbi yaaba ke ban taani leni o o kpiagidi nni?

1 Korenti 15:49

Nani tin pia ki tinga yua yaa nannanli maama, ti go baa baa tanpoli po yua yaa nannanli yene.

1 Korenti 2:7

Ti wangi U Tienu yaa yanfuoma maame, yaama n duagi ki wuo bi nisaaliba po, U Tienu n den tuodi ki bili yaama ke man yaa tie ti po ti kpiagidi.

1 Korenti 8:3

Ama yua n bua U Tienu kuli, U Tienu mo bani wane.

2 Korenti 3:18

Tinba yaaba yaa nunmu n pigidi, ke bi nua ti niinni o Diedo kpiagidi n ñuliti maama, U Tienu lebidi ti ke ti naani leni wani o Diedo yeni, ki baadi ti kpiagidi ki pugidi pugidi. O Diedo yua n tie mi Fuoma n tiendi lani kuli.

Efesa 1:11

Li tie wani Kilisiti yaa niinne, ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Efesa 4:24

Yin la mani u tagipaanu, yuu n tagi nani U Tienu n bua maama, ki ŋua i moamoani n kpendinni yaa teginma leni yaa gagidiŋanma.

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

Kolosi 3:10

ki lani u tagipaanu, yuu n pandi mi bandima nni cain yogunu kuli, nani yua n tagi u yaa nannanli yeni.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

2 Timote 2:19

Ba yeni, U Tienu n puu yaa tanpuuli se bonŋanla, ki ñii mi naa maama po: «O Diedo bani o yaaba.» Li go yedi: «Yua n yedi ke o tie o Diedo yua kuli, n sani ki ŋaa mi biadima.»

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.

1 Pieri 1:20

U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.