LOMA YAABA 8:28 - U TIENU MAAMA TILI 2013

²⁸ Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

Gourmanchéma Bible

²⁸ Ti bani ke U Tienu tuuni li bonla kuli nni yaaba n bua o yaa ŋamu po, bani, wan yini yaaba o yanjagili po.

LOMA YAABA 8:28 ပူးပေါင်းရင်းမြစ်များ

Mi cilima 50:20

Yi den jagi ke yi baa tieni nni mi biadima. Ama U Tienu den lebidi ke li tua bonŋanla ki faabi niba boncianla miana, nani yin nua dinla ke li tie maama yeni.

2 Samueli 16:12

Li fidi ke o Diedo baa le n po n fala ki lebidi ban solini nni yaa solindi dinla ne, lan tua n po seli.»

Nehemi 1:5

ki yedi o: «Li Miali Diedo U Tienu yua n ye tanpoli, fini yua n yabi ki pia i jeje, fini yua n kubi ŋan den bili yaa ŋantaado leni yaaba n bua ŋa, ki kubi a bali maama, ki gba bi po mi ninñima,

Pisomi 69:36

Kelima U Tienu baa faabi Siyon, Ki go maa Juda dogi. O buolu baa guani ki kali mi diema nni, Ki diedi ma.

Mi Ñama 20:6

Ama n gba mi ninñima yaaba n bua nni, ki go kubi n bali maama po, hali nifiima tudili.

Jeremi 51:29

O Diedo n den bili ke o baa tieni Babilonni diema yaala yaa tieni yaa yogunu, Ki tinga baa waagi ki jeli banbani. O baa teni Babilonni diema n tua diegbengu, Niba n ki go ye naani.

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Marki 12:30

Ŋan bua o Diedo a Tienu leni a pali kuli leni a miali kuli leni a yantiali kuli leni a fidu kuli.

Jesu Tondiba Tuona 13:48

Bi nilanba n den gbadi mi naa maama, bi pala den mangi ke bi pagi o Diedo maama. U Tienu n den gandi yaaba ke ban baa yaa miali n kan gbeni kuli den tuo ki daani.

LOMA YAABA 11:29

U Tienu yiinu leni o paabu naa pia lebidima.

LOMA YAABA 8:30

Lanwani, U Tienu den yini wan den tuodi ki gandi yaaba. Wan den yini yaaba, o go den saa bi po i moamoani. Wan den saa yaaba yaa po i moamoani, o den teni ke bi baa ti kpiagidi moko.

LOMA YAABA 9:11

Hali ke laa bila daa den mali, ki daa tieni yaala n ŋani bi yaala n bia, ke U Tienu n den tuodi ki jagi yaala n yaa ye, ki ŋua o gandima ki naa ŋoadi a tuona, ama ki ŋua U Tienu yiinu,

1 Korenti 1:2

ki diani li tili U Tienu Nitaanli, yaali n ye Korenti dogu nni po. O den gagidi ki ŋanbi yi Jesu Kilisiti nni, ke yin yaa tie o nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.

1 Korenti 1:24

Ama U Tienu n yini yaaba po, ban tie Jufinba bi ban tie Girekinba, Kilisiti tie U Tienu paalu leni U Tienu yanfuoma.

1 Korenti 1:9

U Tienu tie tin fidi ki dugi yua yaa po, wani yua n den yini yi ke yin yaa pia yanyenma leni o Bijua Jesu Kilisiti ti Diedo.

1 Korenti 2:9

Nani lan diani ki yedi maama: «Nunbu n daa laa yaala, Tubili n daa gbadi yaala, O nisaalo n daa kpaagi yaala mo, U Tienu tuodi ki ŋanbi lani kuli Yaaba n bua o po.»

2 Korenti 5:1

Ti bani ke ti gbanandi yaadi n tie nani li gbandieli, tin ye yaali yaa niinni li ŋandunli nni baa bodi. Li yaa bodi, ti pia li dieli tanpoli po, nisaalo n ki maa yaali. Li tie U Tienu n maa yaali, ke li baa yaa ye hali yaa yogunu kuli.

Galati 1:15

Die U Tienu den ŋanbi n po ki gandi nni ki gagidi nni hali n naa tugu nni, ki go ti yini nni o tuonli po.

Galati 1:6

Li paki nni leni yin jaligi ki lebidi ki ŋaa U Tienu yua n yini yi kelima Kilisiti ŋanbili po, ki baa ŋoadi laabaaliŋantoa.

Galati 5:8

Laa bonla naa ñani U Tienu yua n yini yi yaa kani.

Efesa 3:11

U Tienu den jagi ke o baa tieni la hali yogu, ki go tieni la ki dudi, kelima ti Diedo Jesu Kilisiti yaa po.

Efesa 4:1

Lani kuli yaa po, n tundi yi, mini yua n tie li kpaadili kelima n tie o Diedo yua. Moandi mani yi tagu n dagidi leni wan den yini yi yaala yaa po.

Mi Tiadima 6:5

Yi baa bua o Diedo yi Tienu leni yi pala kuli leni yi miana kuli leni yi fidu kuli.

Mi Tiadima 8:16

O den teni ke yi dini mi fanpienma nni manni, yi yaajanba n ki den bandi yaala. O den faligi yi, ki biigi yi, ki nan yuandi ki tieni yi po li ŋanbili.

Filipi 3:14

Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.

1 Tesaloniki 5:9

U Tienu naa den bili ke tin baa o pabienli nni ka, ama ke tin baa mi tindima, kelima ti Diedo Jesu Kilisiti yaa po.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

2 Timote 2:19

Ba yeni, U Tienu n puu yaa tanpuuli se bonŋanla, ki ñii mi naa maama po: «O Diedo bani o yaaba.» Li go yedi: «Yua n yedi ke o tie o Diedo yua kuli, n sani ki ŋaa mi biadima.»

Hebilunba 9:15

Li tie lani yaa po ke Kilisiti tie o ŋantaadipaano candanbaalo, ke U Tienu n yini yaaba kuli n baa wan den niani ba yaa ŋalimano, yua n baa yaa ye hali yaa yogunu kuli. Lani kuli baa tieni kelima Kilisiti kpe, ke o kuuma faabi ba leni ban den tieni yaa tuonbiadi o ŋantaadikpialo n den die ba yaa yogunu.

Jaki 1:12

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po, ke ban tua a piada li dandanli nni, ki go baa wan niani ke o baa pa yaaba n bua o kuli yaa diema ka?

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 3:9

Yin da guani oba kuli o biadima, ki da sugi ki guani oba. Ama yin gaali, kelima U Tienu den yini yi lani yaa po, ke yimo n baa o kani li seli.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

1 Jan 4:19

Tinba, ti bua o kelima wani n den kpa bua tinba.

Mi Doagidima 3:19

Mini, n fu ki go tundi min bua yaaba leni tundifala. Lanwani, ŋan go baa li yankuali ki pugini, ki lebidi a yama.