LOMA YAABA 8:19 - U TIENU MAAMA TILI 2013

¹⁹ Mi tagima kuli guu leni mi sugincianma U Tienu n baa doagidi o bila yaa yogunu.

Gourmanchéma Bible

¹⁹ Mi tagima kuli gu leni mi sugincianma U Tienu n baa doagidi o bila yaa yogunu.

LOMA YAABA 8:19 ပူးပေါင်းရင်းမြစ်များ

Esayi 65:17

N baa tagi o tanpopaano leni ki tinpanga. Bi kan go tiadi yaala n den kpa ye, Ki buali lan go kua bi yantiana nni.

Matie 5:9

Li pamanli ye leni mi yanduanma danba, kelima bi baa yini ba U Tienu bila.

Jan n diani U Tienu Laabaaliŋamo maama 1:12

Ama yaaba n tuo ki gaa ma kuli, ki daani mi yeli nni, mi dini ba li bali ke bi tua U Tienu bila.

Jesu Tondiba Tuona 3:21

Wani Jesu yeni, baa yaa ye tanpoli po hali li yogunu n baa ti pundi. Lanyogunu U Tienu baa go ŋanbi li bonla kuli nani wan den tuodi ki teni ke o saawalipua-gagidiŋanba pua saawali ki yedi yaala hali yogu.

LOMA YAABA 8:14

Mi Fuoma n gobidi yaaba kuli, bani n tie U Tienu bila.

LOMA YAABA 8:16

U Tienu Fuoma mani miba n tiendi siedi ti yantiana nni, ke ti tie U Tienu bila.

LOMA YAABA 8:18

Lani yaa po, n bani ke tin laadi yaa fala yaa yogunu n tie ne, kan fidi ki boagini leni U Tienu n baa doagidi yaa kpiagidi, yaadi n baa yaa ye.

LOMA YAABA 8:23

Laa tie mi tagima bebe ka ye leni fala. Tinba yaaba n pia U Tienu paakpiabu, lani n tie o Fuoma, timoko duni ti pala nni, ki guu U Tienu n baa ti teni tin tua o bimoanmu cain yaa yogunu, ki faabi ti gbanandi.

LOMA YAABA 9:26

Ban den tua yaa nibuolu siiga: ‹Yii tie n buolu,› Lankani lige bi baa yi ba: ‹U Tienu yua n fo bijaba.› »

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 1:8

Wani U Tienu n baa teni yin yaa se ki pa hali mi juodima yogunu, ke ban da fidi ki kuli yi leni liba kuli, ti Diedo Jesu Kilisiti cuama daali.

2 Korenti 6:18

N baa yaa tie yi po yi Baa, Yinba mo baa yaa tie n bonjala leni n bonpola. O Diedo U Paaciamu Kuli Daano n yedi yeni.»

Galati 3:26

Kelima yikuli tua U Tienu bijaba kelima li dandanli Jesu Kilisiti nni yaa po.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Kolosi 3:4

Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

Hebilunba 12:27

Lan yedi: «Yenma goga» yeni, waani ti ke yaala n tagi ki baa fidi ki digibi kuli, baa pendi, ke yaala n kan digibi mo n suagi ki yaa ye.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Jan 3:1

Diidi mani ki le U Tienu ti Baa n pia ti po yaa buacianma hali ki yini ti o bila. Ti tie yeni. Yaala n teni ke ŋanduna yaaba ki bani ti tie ke baa bani wani.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

Mi Doagidima 21:7

Yua n koani mi jama ki paadi baa baa laa seli kuli. N baa yaa tie o Tienu, omo baa yaa tie n biga.