LOMA YAABA 8:15 - U TIENU MAAMA TILI 2013

¹⁵ U Tienu naa puni yi yaa Fuoma n teni ke yi tie yonbi, ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali, ke ti kpaani ki tua U Tienu: «Ti Baa, ti Baa!»

Gourmanchéma Bible

¹⁵ U Tienu naa puni yi yaa Fuoma n teni ke yi tie yonbi ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali ke ti kpaani ki tua U Tienu: «Ti Baa, ti Baa.»

LOMA YAABA 8:15 ပူးပေါင်းရင်းမြစ်များ

Mi Ñama 20:19

Bi den yedi Musa: «Ŋan maadi leni ti fini a ba, ke ti baa cengi. Ama U Tienu n da go maadi leni ti ke tin da ti kpe.»

Esayi 56:5

N baa pa ba n diegu leni n bilini nni, Yaa kaanu leni yaa yeli n ŋani Ki cie a bonjala leni a bonpola. N baa pa ba yaa yeli n baa ye yaa yogunu kuli, Ke liba kuli kan fidi ki bolini laa yeli.»

Jeremi 3:19

N den yedi n yuli: «N sugini hali bonŋanla fine n tua N bijaba kuli liiga yua. N baa pa ŋa yaa diema n mani hali boncianla, Yaa tinga n ŋani ki cie mu tinmu kuli.» N den tama ke a baa yini nni: «N baa!» Ki kan go buli nni a nunga mo.

Mi Coadima 17:12

Alono den taa ku fantantiagu, nani Musa n den yedi o maama, ki sani ki gedi li nitaanli siiga. Li den sua ke u yianbolinko yeni cili ku niligu nno. O den juu tulale yeni, ki mia sugili ku niligu po.

Matie 25:25

Lane ke ti jawaandi den cuo nni, ke n gedi ki ban wuoni a ligi ki tinga nni. Gaa ŋan die yaala.›

Marki 14:36

O den tua: «N Baa, n Baa, a fidi li bonla kuli, ŋan ñani n kani yaa tadiñokaaga n tie ne, min da ño. Die lan da tua mini ka n bua yaala, ama fine n bua yaala.»

Luki 11:2

Jesu den yedi ba: «Yi yaa yen baa jaandi, yin yedi: ‹Ti Baa, a yeli n baa mi gagidiŋanma. Ŋan teni a diema n cua.

Luki 22:42

«N Baa, a yaa tuo, ŋan ñani n kani yaa tadiñokaaga n tie ne min da ño, die lan da tua mini ka n bua yaala, kali fine n bua yaala.» [

Luki 8:28

Wan den laa Jesu, o den tiani, ki gbaani o nintuali ki kpaani boncianla: «Be n ye mini leni fini siiga, Jesu, U Tienu yua n ye hali tanpolijoma Bijua? N mia ŋa, ŋan da faligi nni.»

Luki 8:37

Lani, Gerasi yaaba leni u dobila yaaba kuli den taani ki mia Jesu, ke wan ña bi kani kelima ti jawaanciandi den cuo ba. Jesu den kua ku ñinbiagu nni ki baa guani ki duodi.

Jan n diani U Tienu Laabaaliŋamo maama 16:8

Wani, o yaa cua, o baa bu ki cuo ŋanduna yaaba yaala n tie ti tuonbiadi po, mi teginma po leni ti buudi po.

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

Jesu Tondiba Tuona 16:29

O jiidika yeni den teni ke bi cuani o po ki fidisanga, ke o sani ki kua Poli leni Silasi n ye naankani ki jie hali ki digibi, ki gbaani bi nintuali.

Jesu Tondiba Tuona 2:37

Ban den gbadi laa maama, mi den cuo bi pala ke bi yedi Pieli leni o tondilieba: «Ti kpiiba, ti baa tieni lede?»

LOMA YAABA 8:16

U Tienu Fuoma mani miba n tiendi siedi ti yantiana nni, ke ti tie U Tienu bila.

LOMA YAABA 8:23

Laa tie mi tagima bebe ka ye leni fala. Tinba yaaba n pia U Tienu paakpiabu, lani n tie o Fuoma, timoko duni ti pala nni, ki guu U Tienu n baa ti teni tin tua o bimoanmu cain yaa yogunu, ki faabi ti gbanandi.

LOMA YAABA 8:26

Li tie yeni, mi Fuoma moko todi ti ti tadingu nni, kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu ti po, ki duni yaa dunli n ki pia maama.

LOMA YAABA 9:4

Bani Isidayeli buolu yeni, U Tienu n den gandi yaa nibuolu ki teni ke bi tua o bimoanmu, ki doagidi bi po o kpiagidi, ki kuani i ŋantaadi leni ba, ki teni ba o bali maama, ki doagidi bi po ban baa jaandi o maama, ki niani ba o ñoaniani.

1 Korenti 2:12

Tinba, tii baa ŋanduna yantiali, ama ti baa yaa Fuoma n ñani U Tienu kani, ke tin fidi ki bandi U Tienu n puni ti yaala kelima o ŋanbili po.

2 Korenti 11:4

Niloba yaa cua yi kani ki wangi yi Jesutoa, tin kaa waani yi yua, bi yantiatoali, yin ki den kpa baa U Tienu Fuoma kani yaali, bi ki ŋua yaa laabaaliŋamo n ki taa leni yin den kpa ŋua yua, yi yen juuni ki tuo ki gaa lani kuli bonŋanla.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa faabima Jesu Kilisiti nni, ke ban fidi ki go kuani ti li bali maama yonbidi nni.

Galati 5:1

Kilisiti den faabi ti ke tin yaa die ti yula. Lani yaa po, sedi mani bonŋanla ki da go kuani yi yula ti yonbidi lolima nni.

Efesa 1:5

o den tuodi ki bili ke tin baa mu bimoanmu bali, kelima Jesu Kilisiti yaa po. O yanbuama leni o yanjagiŋanli yaa po yo, ke o den tieni yeni.

2 Timote 1:7

U Tienu ki puni ti yaa Fuoma n pia i jeje, o puni ti yaa Fuoma n pia li papaali, mi buama leni li yukubile.

Hebilunba 2:15

O den tieni yeni ki baa faabi mi kuuma jawaandi n den kubi yaaba ti yonbidi nni, bi yema kuli nni.

Jaki 2:19

A daani ke U Tienu ye ki tie yendo bebe, a tieni ke li ŋani. Ama mu cicibiadimu moko daani yeni, ki jie ki digibi.

1 Jan 4:18

Mi buama naa pia ti jawaandi. Yaa buama n ŋani cain deli ki ñani ti jawaandi, kelima ti jawaandi ye kelima u cuonu n ye. Ti jawaandi n pia yua daa pia mi buama ke li dagidi.