LOMA YAABA 8:11 - U TIENU MAAMA TILI 2013

¹¹ Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni, go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

Gourmanchéma Bible

¹¹ Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

LOMA YAABA 8:11 ပူးပေါင်းရင်းမြစ်များ

Esayi 26:19

N niba, yi tinkpiba n guani ki faadi! N niba yaaba n kpe baa guani Ki fii bi tinkpiba siiga! Fundi mani, mangi mani yi pala, Yinba yaaba n dua mi tama nni, Kelima o Diedo baa guani ki pa yi Mi yenma mangu, Ki tinga mo n teni bi tinkpiba kuli n faadi.

Esekieli 37:14

N baa kuani n Fuoma yi niinni, yin go guani ki faadi. N baa guani ki kaani yi yi diema nni. Yeni, yi baa bandi ke mini Li Miali Diedo n maadi, n go baa tieni la mo. Li Miali Diedo U Tienu n yedi yeni.› »

Jan n diani U Tienu Laabaaliŋamo maama 14:17

Wani n tie i moamoani Fuoma. Ŋanduna yaaba kan fidi ki gaa o cangu, kelima baa nua o, baa bani o mo. Ama yinba wani, yi bani o kelima o ye leni yi, ki baa ki ye yi niinni.

Jan n diani U Tienu Laabaaliŋamo maama 5:21

Nani Baa n yen fiini bi tinkpiba ki teni ban guani ki yaa fo maama, yeni moko Bijua puuni li miali wan bua yuakuli.

Jesu Tondiba Tuona 2:24

U Tienu den fiini o bi tinkpiba siiga, ki faabi o leni mi kuuma lolima, li kan den tuo mi kuuma n yaa muubi o,

LOMA YAABA 16:10

Yin fuondi Apelesi, wani yua n doagidi ki se Kilisiti nni ke li pa. Yin fuondi Arisitobuli deni yaaba.

LOMA YAABA 16:3

Yin fuondi Prisili leni Akilasi, yaaba n tie n tuonsoanlieba Jesu Kilisiti tuonli nni.

LOMA YAABA 16:7

Yin fuondi n kpiiba Andronikusi leni Juniasi, mini leni yaaba n den taani ki ye li kpaadidieli nni. Jesu tondiba siiga, bi tie ban jigindi yaaba boncianla. Bi den daani Kilisiti hali ke mini daa daani o.

LOMA YAABA 16:9

Yin fuondi Uriben, ti tuonsoanlielo Kilisiti nni leni n buado Sitakisi.

LOMA YAABA 6:12

Lani yaa po, yin da go tuo mani ti tuonbiadi n yaa die yi gbanandi yaadi n baa kpe. Yin da go tuo ki yaa tiendi yi gbanandi bonbuaka-biadila.

LOMA YAABA 8:1

Lanwani, moala buudi cuonuba ki go ye yaaba n ye Jesu Kilisiti nni po.

LOMA YAABA 8:12

Lani yaa po, n kpiiba, ba ke ti pia li panli, tii pia li ti gbanandi bonbuakaala po ka. Lanwani, ti kan fidi ki go yaa tiendi ti gbanandi n bua yaala.

LOMA YAABA 8:2

U Tienu Fuoma yaama n puuni li miali Jesu Kilisiti nni, yaa bali faabi nni leni ti tuonbiadi leni mi kuuma bali.

LOMA YAABA 8:9

Ama yinba wani, ti gbanandi bonbuakaala ka die yi, mi Fuoma n die yi kelima U Tienu Fuoma ye yi niinni. Yua n ki pia Kilisiti Fuoma, waa tie Kilisiti yua.

1 Korenti 15:16

Bi tinkpiba yaa kan fii, Kilisiti moko naa den fii bi tinkpiba siiga.

1 Korenti 6:14

U Tienu, yua n den fiini o Diedo bi tinkpiba siiga, o go baa fiini timo, kelima o paalu yaa po.

2 Korenti 4:11

Tinba yaaba n da fo, ti ye mi kuuma nni yogunu kuli, kelima Jesu po, ke wani Jesu miali n yaa doagidi ti gbanandi yaadi n baa kpe yaa niinni.

2 Korenti 4:14

Ti bani ke wani yua n den fiini o Diedo Jesu bi tinkpiba siiga, baa fiini timo leni Jesu, ki teni ke tinba leni yinba kuli n taani ki sedi o nintuali.

2 Korenti 5:4

Ama, tin da ye li naa gbandieli nni, ti duni ki laadi fala ki go coagini. Laa tie ke ti bua ki landi ti naa gbanandi ka, ama ti bua ki la ti gbananpandi, ke li miali n nali yaala n baa kpe.

Galati 6:8

Yua n buli o gbanandi bonbuakaala po, baa yendi o gbanandi bonbuakaala po mi bedima. Yua n buli U Tienu Fuoma Yua n bua yaala, baa yendi U Tienu Fuoma po yaa miali n kan gbeni.

Efesa 2:5

Lani yaa po, tin den tie bi tinkpiba kelima ti tagili po, o den guani ki puni ti li miali leni Kilisiti. Li tie o ŋanbili paabu yaa po, ke yi faabi.

Filipi 3:21

O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

1 Pieri 1:21

Li tie wani Kilisiti yaa po ke yi daani U Tienu wani yua n den fiini o bi tinkpiba siiga, ki puni o ti kpiagidi, ke yin yaa pia li dandanli leni ti dugidi wani U Tienu po.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

Mi Doagidima 1:18

yua n ye ki fo. N den kpe, ama diidi ki le, n go fo ki baa yaa ye hali yaa yogunu kuli. N kubi mi kuuma leni bi tinkpiba yekaanu sendabila.

Mi Doagidima 11:11

Danataa leni boagidima yeni n den pendi, li miali fuoma den ñani U Tienu kani, ki kua bi niinni ke bi fii ki sedi. Lanwani, ti jawaanciandi den cuo yaaba n nua ba.